Xuuma Taani'eeli 7:1 - Mataafa Qulqulloota

¹ A nuqusase a Paapilooni Pelishasaari' nuqusume para paayyotati, a Taani'eeli mukittopa cooye olsa olsoode ka keleshaata kuli akke ka wa akke' piisa taafe.

Xuuma Taani'eeli 7:1 ပူးပေါင်းရင်းမြစ်များ

Mataafa Uumata 15:1

Sekkammaayye, nessa Yaahiwwe keleshaatoppan Apraami' dakaade ka kide, “Apraami, anan kontaleetaaytiiy, in fuuran. Waan ke loqsha nefo, akata kutti.”

Mataafa Uumata 46:2

Waaqa ka halkeettiiyyi kelashaatoppan isha hale ka kide, “Yayqoopi! Yayqoopi!” Ishi ka ehade ka kide, “Ee! Poqallaayyo in dakayni.”

Mataafa Iyyoopi 4:13

Halkeetteeyye a orra muke ka oppa taweeyye, olsa takkan orra tammaqinnaa'en olsoode.

Xuuma Issayyaasi 30:8

Waaqa ka ana' kide, “Amma aane ka akka parra a itturopa deena kara'e maakkuma a panni in kinnin koddito'e, fuulaaysho' tura'e, daka a qaaha qara' poje ka mataafase ollopa marrinaan kara' taafe.

Xuuma Issayyaasi 8:1

Semmaliiyyi Waaqa i'ana' kide, “Shalala palda qeede ka fitalla akkaannatin qara' taafe ka kide, ‘Poojeta ijarjarte, sara ka ariiren.’”

Xuuma Ermiyaasi 23:28

Waaqa ikiini, “xuumampayta a olsa qapo, a olsaadi torro; maa xoori a qaaletiiyyo qapo, a'amanuman qaaletiyyo torro; hela miillata isho ukkashsha, maana olkapa qapan?”

Xuuma Ermiyaasi 27:7

Eta piitaadi orra pilaati piddammitto, samayta leka isho nuqussa a kutkutta ka isha piddinaan kara'e, samayta piisa isha ka innaadi isho oopaadi piddama.’”

Xuuma Ermiyaasi 36:32

Ermiyaasi ka mataafa ollopa marrammo a pila qeedew; ka Paarooki inna Neriiya taafittasiti daashew; isha ka qaaletase mataafase a Iyyo'aqemi nuqusa Yihuta apittan kupe qara kitto piisa afaa Ermiyaasippa dakayew ka taafeew; qaalewwa oli pappaha lekaya ka qara padaawamen.

Xuuma Ermiyaasi 36:4

Ermiyaasi ka Paarooki inna Neriiya hale; Parooki ka qaaletase a Waaqa turan Ermiyaasi lele piisa, afaa Ermiyaasippa dakaye ka mataafase ollopa marrammo kara'e piisa taafe.

Xuuma Hisqeeli 1:1

Para kunda sessatta oppa leya afrattati ka leyoose oppa kuyyaata kenattatiiyyi an kaba Kepaari kapaayye orrase poojameppa cooyye, moontada paname anka keleshaatoppan Waaqa akke.

Xuuma Hisqeeli 40:2

Ka keleshaata Waaqatin piita Isira'eeli opa anan aane; ka irroota takka akata dera qara ana xaaye; wa katama paha ka irrootasete qinda tupattatin caan.

Xuuma Taani'eeli 1:17

Waaqa ka xayyoolayse afuri'i ookuma ka upna kolluma isho matte pata oorsatta daashe ka ishoottoppa desaaw Taani'eeli'i, upna keleshaata akkeeta isho a olsa fureeta' daasheew.

Xuuma Taani'eeli 2:1

Naapukedanasoori a nuqusumeeyye para lammattatati olsa olsoode ka akata oppa dikanni; mukitta kuli ka isha' deena tiite.

Xuuma Taani'eeli 2:26

Nuqusa ka oori Taani'eelise Piltaasoori kidammo' kide, “Olsan olsoode upnaatta ka olsoosen ana' fura i'ettanissa?”

Xuuma Taani'eeli 4:13

An eeyye kelashaatase' tooyno oppaayye, erkampattoota a qulqullaawte a paata tooytinitto moonte xata lekkanni anka a lekkannitto akke.

Xuuma Taani'eeli 4:5

Kuyyaata takkaayye, an alka qara' mukeeyye olsa nama fuurinna ka nama tammaqinna'en olsoode.

Xuuma Taani'eeli 5:1

Kuyyaata takkaayye nuqusase Piltaasoori kidammo kutkuttowwa tanynyada a piita mukinna' pisa'e sankulta kutta kode ka ishootta olli taadeta wayneeta oppa' qa'e ka ikiini.

Xuuma Taani'eeli 5:22

Atti Piltaasoori xoori a innaadi koddite ka wa kodde' piisa upto kapaayye isi shakkissa diisse.

Xuuma Taani'eeli 5:30

Ikka kuyyaatoosetiiyyi halkeettiiyyiiw Piltasoori nuqusa Paapilooni ishshen.

Xuuma Taani'eeli 7:13

Anti anka halkeette kelashaatoppan a inna nama' paho ka moonte urrattoppa deeno akke. Ikka isase haka parraparati' kallaanno turopan aanen.

Xuuma Taani'eeli 7:15

Anti Taani'eeli eten kelashaatose akkeeyye in tammaqe dikatta ka ana kara' koope.

Xuuma Taani'eeli 7:7

An eeyye tooyyannooyyeew pinanta afratta ka sookteew. Pinantoseew akata kokkoki ka orra fuurinni ka nama tamaqinni ka ilka sipla a kukutta' qapta ka ishin wa qapta' piisa moojni ka dammi. Ka a damtaadi kela haste oppa diddiinni. Pinantose' qoota kaassa kudani qapto malla, pinaana an turan akke oppa xawwayteeta.

Xuuma Taani'eeli 8:1

A Piltasoori' nuqusume para sessattati anti Taani'eeli kelashaata an turan akke malin a pila akkeew.

Xuuma Iyyu'eeli 2:28

Waaqa ikiini, “Sekkammaayye, anti hapuriyyon nama piisa qara lekkisha; hellaassin a hamiyya ka a tuparra ka xuuma haasawadan; qimayaassin nefo ka olsa olsoodan; xayyoolaytaayshin ka keleshaata akka.

Xuuma Amoosi 3:7

Ha dukaatan Waaqase piisa qara qapo wa koda dikade a turandesa xuumampayasene orxayaadi koddeeti in lellin maliiyyi, we takkan nefo kooni in co.

Xuuma Inpaqoomi 2:2

Waaqa ka ana' oorshe ka kide, “Wossen an ke akkinna piisa akka nama piisa fayya akkaadane'e, daka palda qara' poje.

Mataafa Dikoota 12:6

Yaahiwwe ka ishootta kide, “Intoonno qaaletiyyo dakayaay! Kadin xuumampayta ishin oppa caayye, keleshaatappannen ishi isi upnaysha ka olsaappan ishi' haasawada.

Roomi 15:4

Duupatta isho xasa oorsattase an mataafa qulqulloota kara teyninnonne, akkan kippeeta qapnaanno'e, wa a turan taafame piisa, akkan oppa kollanno'e taafamen.

Qorontoosi a lammatta 12:1

Kadi punu jeejjatta kela tookta in kinnini oton jeejjatta parpaaccisniiyyi, akkeeta isho keleshaata a Poqalla ana' daashen jeejjada;

Keleshaata 1:19

Semmalla wa akkite wa amma ca ka kuli kammaayye de'a' taafe.

Keleshaata 10:4

Ete xirarase tappa haasawadeeyye, anti allu taafaan dikade ma, nessan moonte dakaye ikka kiini, “Wa xiraroose tappa haasawade juuttotan qapado diisheey, in taafan.”