Xuuma Taani'eeli 6:4 - Mataafa Qulqulloota

⁴ Sitiiyyi mukissampayasene isho orrase a isha' qara saara koddino wa qudan Taani'eeli xasasane faani; Taani'eeli' xoori' qoota akata isi tooytaanno ka nama amaname kodde malla, isha qara' dapa takka nefo akka in ettaninne.

Xuuma Taani'eeli 6:4 ပူးပေါင်းရင်းမြစ်များ

Mataafa Uumata 41:38

Nuqusa ka orra isha olli piita mukinno kide, “Nama a hapura Waaqa kara co a Yoosefi paho aysha'e akkaada?”

Mataafa Uumata 43:18

Ishootta ete tika Yoosefipa annaane akata qaapen ka kidene, “Wa malla tikaadipa inon aananna, kaajasene an deyyo deeneeyye akalla kara ino olli kale malla ino qara' rakkoota qeeda heena. Ka oori karpishshadda ino kodata ka harrewwaanno kuli teyyatta'e tikaadi karopa ino kalsanni.”

Mataafa Pahana 29:27

Hanqeellaya orra karitta quumade qapo needdanni; ukkuttowwaaw orra taanteta'e ifanni.

Mataafa Dehaamta 4:4

Anka akkima yaala nama ka tooktaadi piisa, xelittaadi yo'eta qudaayyeew deenitto akkeew; sede kuli kan paata patta ka xayxayta diippeta mina.

Xuuma Ermiyaasi 18:18

Kamma desa ikka kidene, “Seera afaa qeesewwa oppa in dapado, umma dehaama afaa ookka oppa in dapado, umma qaaleta afaa xuumampayta oppa in dapattooy, xooye ka Ermiyaasi sulla ka torraadi teyyatta diinna ka haasaannon isha talafna.”

Xuuma Ermiyaasi 18:23

Ma xoori atti Waaqa ana ikassa'e sullaata ana sullaan piisa uptaay, dapaaysho ishootta'en diishan; umma juppootaaysho fuulaayti tura in pashshan; a fuulaayti tura katame ka pi'e a kodden, ka miiraayti a kuttan ishootta qara xa'e.”

Xuuma Ermiyaasi 20:10

A orra lekayta hushushino ka kiino, “Tatammaqta qinda piisaayye desa caay; xooya ka mankisteeta isha lella, alle mankisteeta isha lellan” dakaye. A xeliyyaayyo kodde ka pi'ittiyyo faana ka kiini, “Sassapatama in diishooy, in isha punna.”

Xuuma Ermiyaasi 29:7

Katamoosene a oppopa poojamtene anka oppopa ishin erkeeti'i, a paxaara' fada; ka ishootta Waaqa qinsada; oto ishootta a paxaara teynaaneeyye, ishina olliiyyiiwwi a paxaara teytaneey.’

Xuuma Taani'eeli 3:8

Sitiiyyi oori ookka Paapilooni oppa orra takka takka nuqusa kapopa aane ka orra Yihuta' xasase.

Xuuma Taani'eeli 5:12

Ha isha olsa fura'e ka wa dekade orra akkissa'e ka rakkoota a kitto fura'e ookuma isho upna pila'e qapa. Semmalla Taani'eelise a aappaayshin Naapukedenasoori ishi ‘Piltaasoori, kide’ Halacciise, isha wossen piisa olkela ke' la'ayshaay.

Xuuma Taani'eeli 6:22

Nuquso, qootan Waaqiyyo tura wa neeqa an koonin ka ke nefo tura dapa an koonin malla, Waaqiyyo erkampattotaadi erke ikka karmada tupa afa dufte, umma karmada ana quda in qappanne.”

Maatiyoosi 26:4

Ka akka falqan Yesuusi qapan ka isha ishshane suladen.

Maatiyoosi 27:18

Akkima yootan isha qaropa Yesuusi tarpishen qoota upa malla asse kide.

Luqaasi 20:20

Ka semmalla Yesuusi qapa'e, eta a ishootta ettana faddanni ka qaaleta wanjala a ishin hupna ukkumeeta isho firteeta a mukissampayta turopa isha dehayshan faddanni. Ka lettissampaya a orra taanteta pahanaada ka afa talafan isha qapa isha kapopa erken.

Luqaasi 20:26

Ishootta oori, fuula samayta tura haasaan isha qapsiissa in ettaninnine; Ka semmalla afa ishootta oorshe oppa qawwaawen ka jaw kiden.

Luqaasi 22:2

Saarra qeesewwa isho kollissampaya a seera, qoota samayta fuuren malla, saanta ishin Yesuusi qapan ka ishshane dekaan dekatti faddanni.

Yohaannisi 19:4

Pilatoosi ka amma lakopa sookeew ka ishootta' kide, “Tin akkiman namoose qara' dapa takka nefo an akkinin akka upnaattane'e, lakopan ishina isha sooksha.”

Qorontoosi a lammatta 11:12

Erkamampayoosen a pila isi jeejjina ka kiina'e, “Ha ino a xaaysho' mina'ewwen kooninna,” wa minan isi jeejjane' daptissa'e, waan anti amma koona, itturopa kuli in koda.

Filippisiyuusi 2:15

Oton i''asse koodditeeyye, xeltose are quumaara koddite ka neeqa oppaayye, hellaa Waaqa a qaja ka puyatama in qapnin ka qulqullaawe'e, kodditan ka piisse oppa akka hikka' mina la'aytan;

Timotoosi a paayyota 5:14

Se malla hiyyettewwa a xayya qapa, akka hemaman ka hella xaayan ka tikkaasso fayya muksadane'en, dehaammi. Se minan oori, nyaapa wa minan maxxaaysho' pashsha in qapnaado.

Tiito 2:8

Akkima haasa paxaara a qaja in qapnin haasawannaan ishootta' akkishe; sede oori, toorampaya oto wa ino qara' haasawadane' dapaneeyye, ijeeran.

Petroosi a paayyota 2:12

Takka punu kadi ishina' kidane “Orra neequmta koono nefooyye,” Ka ishin haasawanneeyye; kuyyaata a Waaqa ino tooyya' deenooyye, orra a Yihutaata in koddinin akka kodaayshin a paxaara akko ka Waaqa kalataysado'e, oto ishoottoppa kallaannittaneeyye, qalpeeta fayya' qapnaada.

Petroosi a paayyota 3:16

Wa mina oorinnittane xoori, naaluma ka ishootta ulfeessaan oorsha; qoota a Kiristoosi kodditen malla, orra qalpeetaayshin a paxaara qara wa neeqa' haasawanno akka haasaasso a neeqatin jeero'e, dikatta a karanxata paxaara qapnaada.

Mataafa Taanynyada 14:4

Wossen akka Waaqa Somsooni qudan we koda heeno ka malla asse koono, toola opa Somsooni in upnaanne; sitiiyyi qoota Filisteemeta Isira'eeleta piddinitto malla, Waaqa Filisteemeta minadesa oorissa'e arta faani.

Mataafa Saamu'eeli a paayyota 12:4

Ishootta ka kidene, “Ino a sassapanne, umma ino a miiddine, umma harka nama takka nefo oppaayye we a teyyanne.”

Mataafa Saamu'eeli a paayyota 18:14

Qoota Waaqa isha olli co malla, wa koona piisa ka ishi olkela teyni.

Mataafa Saamu'eeli a paayyota 22:14

Apimeleki ka nuqusase Saa'ooli oorshe ka kide, “Saarraatti piisa oppaayye, a Taawwiti mina amaname ka saara tooytampayaatti kodde ka sottohaayti kodde ka toolaaytippa ulfeessame ayno ca?