Xuuma Taani'eeli 5:7 - Mataafa Qulqulloota

⁷ Ikka akka isha kapopa tipampaya ka so'aya isho orra hikka tooyno halane'e, ajaje. Ka ookkasene halaameeti' kide, “Nama taafetoose nappapo ka wa kiinitta ana' lelo, ohaata paxaara'e ishi uwwishan ka warqeeta xolma kela ishi' kalshan; ikka mankisteetiyyo qaraayye mukissampayta sessatta' kodda.”

Xuuma Taani'eeli 5:7 ပူးပေါင်းရင်းမြစ်များ

Mataafa Uumata 41:8

Teykante ete mukittoppa xaanooyye, dikatta ka isha kara' koope. Ikka so'aya ka ookka a piita Kipsi piisa ollopa halacciise ka olsa olsoode ishootta' torre. Ma xoori olsoosen nama takka nefo fura in ettaninne.

Mataafa Asteeri 3:1

Sekkammaayye, nuqusase Arteksiisi nama takka sanynyeeta Akaaki kodde Haama inna Hamadaati kiinaane mukissampaya a isha olli koda koona' piisa qaropeela jaalshe. Ka hupna ukkumeeta a mukissa ishi' daashe.

Mataafa Sooketa 7:11

Feri'ooni ka ookka isho tipampaya a Kipsi ollopa hale; so'ayasene a Kipsi ka ookumaaysho a juuttotatinni, asseew kodeneew.

Mataafa Pahana 1:9

matta qara'e xalaala ulfeena'e ke' koddan ka xolma kela'e, sira paxaarati ke' ooraneey.

Masmuureta a masmuurewwa piisa qara jaallitto 1:10

Dapnannaatti qudaxata siraatti a nappaappa xata rarraa'e, ka xolmaatti a yaakata sirade, oo atta paxaari.

Xuuma Issayyaasi 47:13

Dehaamampayaatti a leka a teyyatte kela ikafatte; sene moonta quda tooyna ka hiikka dikna, ka xaysonessumadda a xa'atima leya oppa wa a ke qara' kayna ke' lella, intoonno a qa'aden ka ken paheneey.

Xuuma Ermiyaasi 50:35

Waaqa ikiini, “Orana piita Paapilooni qara de'a, ka orra a kara kalo ka kutkuttowwaadi isho ookkaadi qara' qita.

Xuuma Hisqeeli 16:11

Ka siraan ke quda sire ka haraka mina ke jira hidde ka xolma kela ke yaateta kalshe.

Xuuma Taani'eeli 1:20

Nuqusa ete ishootta kaassannooyye, akka upna isho ookuman so'aya isho tipampayasene' piita a nuqusa mukinno oppa kala' piisa qara harka kudanin qapan.

Xuuma Taani'eeli 1:4

Orra a reexno nefo, xayyoolayta a toobuma in qapnin ka xarjaallewwa a ookuma ka upna qapa ka wa kollinnaane eennoow qapanno ka tika nuqusa kara koda koda ettansho kodda ishootta parpaaccisni; ka akka fitalla ka afaa Paapilooni' kuli ishootta kollisho'e, Shfanaasi ajaje.

Xuuma Taani'eeli 2:2

Semmalla ikka olsasene a olsoode akka ishi' furane'e, so'aya ka tipamppaya ka ookka ka tooyampaya isho a keleshaata hiikka tooyna halacciise. Ishootta ka oori isha kapopa de'en.

Xuuma Taani'eeli 2:27

Taani'eeli ka ishi orshe ka kide “Nuquso kaassumoosen a' kaassatte ookka taaki tipampaya taaki hayyowwa ke' fura in ettanshan.

Xuuma Taani'eeli 2:48

Sekkamma nuqusa ka pora ulfeena a kitto oppa'e, Taani'eeli xaaye ka daassata kutta ishi' daashe ka piita Paapilooni' piisa qara hupna ukkumeeta ishi' daashe ka ookka piita Paapilooni' piisa qara' saara isha kode.

Xuuma Taani'eeli 2:6

Ma oton olsaayyo upnaattan ka ana' furtaneeyye, daassata a kutta'en ishin loqsha; akka ana kapa ulfeena akattaneey olsoosene maana akka kodden ana' lela ka fura.”

Xuuma Taani'eeli 4:14

Ikka nessa kuttan kiite, ‘Qoyroose' mura ka taammaadi kuli oppa alle' quura ka haashshaadi alle' quda tiiqa ka daltaadi alle' qara fida, pinaana ka alle' kela qahen; xampira a tammaadi qara kallaanna ka alle' qahen.

Xuuma Taani'eeli 5:11

Nama takka a kara hapura a qulqullita Waaqa' co mankisteetaaytippa ca; namoose sapana aappaayshinatiiyyi akkima waaqadda mina'e upna ka ookuma isho matte oorsatta qapnaattaan immakaade i'upnaysamte. Semmalla aappaayshin Naapukedenasoori ka so'aya ka tipampaya isho orra hikka tooyno piisa qara' saara isha kode.

Xuuma Taani'eeli 5:15

Ha ookka ana dehaamma isho tipampaya akka taafetose nappapan ka maana akka koddite ana' lelane'e i'ana kapoopa halaamen ma, lela imalaalen.

Xuuma Taani'eeli 5:16

Anti' xoori akka wa juutame la'assa ka wa rakkoota kodde fura ettaninnitto in dakaye. Amma nefo, oton taafetose nappapa ka maana akka koddite ana' fureeta ettanissaayye, ohaata paxaara'e ke uwwishan ka warqeeta xolma kela ke' kalshan; akka mankisteetiyyo oppa mukissampayta a sessatta' koddita.”

Xuuma Taani'eeli 5:29

Sekkamma Piltasoori ka eenneew akka Taani'eeli quda ohaata a paxaara uwwishan ka xolma kela ishi warqeeta kalshane'e, ajaje ka akka mankisteeta qara ukkumampayta sessatta' koddo'e, saleeta salacciise.

Mataafa Dikoota 22:17

A kuttati'in ke ulfeessa ka wa kiinitta piisa kodaay, xooye ka samayse'ew ana' ipe.

Mataafa Dikoota 22:7

Qimoota Mo'api isho a Midiyaami ka kaajasene ipa kamma daannaane qapatte ka ishin ante; ka Pala'ami kapopa deete ka erkanasene a Palaaqi ishi lelte.

Mataafa Dikoota 24:11

Amma jaarjare ka tikaaytipa alle kale! Allu we kuttayan kapa ke' daashan kide, ma Yaahiwwe kapan ke dapeey, jarjartan tikaaytipa alle kale.”

Mataafa Saamu'eeli a paayyota 17:25

Xelase a Isira'eeli ka olli kiini, “Hela namoose asse sookno ka Isira'eeli kojeessino, i'akkinittane? Ha nuqusa nama isha ishsho'e, teyaanta kutta'e daasha. Ka enentaadi kuli ishi hemitta daasha ka Isira'eeli kara toolaaysho kuli kipira kela nessisha.