Xuuma Taani'eeli 5:16 - Mataafa Qulqulloota

¹⁶ Anti' xoori akka wa juutame la'assa ka wa rakkoota kodde fura ettaninnitto in dakaye. Amma nefo, oton taafetose nappapa ka maana akka koddite ana' fureeta ettanissaayye, ohaata paxaara'e ke uwwishan ka warqeeta xolma kela ke' kalshan; akka mankisteetiyyo oppa mukissampayta a sessatta' koddita.”

Xuuma Taani'eeli 5:16 ပူးပေါင်းရင်းမြစ်များ

Mataafa Uumata 40:8

Ishootta ka ishi' kidene, “Olsan olsoonne ka nama ino' furo dapne.” Yoosefi ka ishootta' kide, “Nama a Waaqa olsa fureeta ishi' daashe fura ettaninniiy, me olsaassin ana' torra.”

Mataafa Uumata 41:15

Feri'ooni ka ishi' kide, “Olsaan olsoode ka nama olsoosen furo ka dapade. Ma ke olsa fura ettaninni kiini anka dakaye.”

Mataafa Uumata 41:42

Ka jifeetase a kobbeeta nuqusuma qara kitto qupittaadi quda yuke ka qupitta Yoosefi quda' kalshe. Ka kaappa paxaara kuli isha quda' kalshe. Ka xolma kela yaateta warqeeta ishi' kalshe.

Xuuma Taani'eeli 2:48

Sekkamma nuqusa ka pora ulfeena a kitto oppa'e, Taani'eeli xaaye ka daassata kutta ishi' daashe ka piita Paapilooni' piisa qara hupna ukkumeeta ishi' daashe ka ookka piita Paapilooni' piisa qara' saara isha kode.

Xuuma Taani'eeli 2:6

Ma oton olsaayyo upnaattan ka ana' furtaneeyye, daassata a kutta'en ishin loqsha; akka ana kapa ulfeena akattaneey olsoosene maana akka kodden ana' lela ka fura.”

Xuuma Taani'eeli 5:29

Sekkamma Piltasoori ka eenneew akka Taani'eeli quda ohaata a paxaara uwwishan ka xolma kela ishi warqeeta kalshane'e, ajaje ka akka mankisteeta qara ukkumampayta sessatta' koddo'e, saleeta salacciise.

Xuuma Taani'eeli 5:7

Ikka akka isha kapopa tipampaya ka so'aya isho orra hikka tooyno halane'e, ajaje. Ka ookkasene halaameeti' kide, “Nama taafetoose nappapo ka wa kiinitta ana' lelo, ohaata paxaara'e ishi uwwishan ka warqeeta xolma kela ishi' kalshan; ikka mankisteetiyyo qaraayye mukissampayta sessatta' kodda.”

Xuuma Taani'eeli 6:2

Ka akka orroose mukissampaya kodde qara tooyan ka isha nuqusa kuli qaarqaarane'e, Taani'eeli isho nama lakki saarra' kode.

Kodampaya 8:18

Simooni, ete erkamampayasene harkaasso orra qara qapaden, orra ka Hapura Qulqulloota teyyade ikka akkeeyye, kaajaanne ishootta de'e ka kide,