1 Kuyyaata takkaayye nuqusase Piltaasoori kidammo kutkuttowwa tanynyada a piita mukinna' pisa'e sankulta kutta kode ka ishootta olli taadeta wayneeta oppa' qa'e ka ikiini.
Kuyyaata sessattatiiyyi, letta a deloota Feri'ooni ulfeessammi. Feri'ooni ka sankulta kode ka orrase isha olli piita mukinno hale. Ka saarase a orxaya taadeta daddaanna isho saarase a orxaya a damta koonoti tika hidaatiiyyi mukissampayasene turopa hale.
Nuqusoose Arteksiisi a mukissa paayyeeyye para sessattatiiyyi, mukissampaya piitadda isho orrase isha olli piita mukinno'e sankulta kode ka damtose oppopa saarra xela oranna a piita Faarisi isho a Medooni piisa ka saarra piitadda isho mukissampaya hale.
Waaqa Poqalla a we piisa ettaninno ana tura sede akkishe; anka napahatan dakaye ikka kiini, “Haka caaneeyye, juppoose asse neeqa ishootta in diisamto.”
Nuqusase a maxxaadi Waaqa a we piisa ettaninno kodde ikiini, “Anti kutkuttowwaadi ka ookkaadi ka mukissampayaadi ka ajajampayaadi a xela oranna isho xelaadi a oranna'en maashshaysha, ikka haka paraparati mukan umma oppaayye in impasan.”