Xuuma Taani'eeli 4:7 - Mataafa Qulqulloota

⁷ Ete so'aya ka tipampaya isho orra a hikka tooyno piisa ana kapopa ollopa de'eyye, anka olsasene ishootta' lele, ishootta' xoori olsaayyo fura imalaalen.

Xuuma Taani'eeli 4:7 ပူးပေါင်းရင်းမြစ်များ

Mataafa Uumata 41:24

Mattadasene a unta qaampite tappa ka isasene kukutta ka papaxxaara loqen. Anka olsa an olsoode so'aya' torre. Ma xoori olsoosen maana akka koden nama takka nefo fura in ettaninne.”

Mataafa Uumata 41:8

Teykante ete mukittoppa xaanooyye, dikatta ka isha kara' koope. Ikka so'aya ka ookka a piita Kipsi piisa ollopa halacciise ka olsa olsoode ishootta' torre. Ma xoori olsoosen nama takka nefo fura in ettaninne.

Mataafa Masmuureta 37:35

A juppoolayta ka nyiraamayta nama kukuttade, ka piitaadippa' poore ka ilaawnaaden akke.

Xuuma Issayyaasi 44:25

Anti milikkita a daradampaya paata patta'en kooni, ka so'aya eeppa' kooni; ka ookka iskammandesa oorinni; ka upnaasso eepuma' oorinni.

Xuuma Hisqeeli 31:3

Tin atti Asoori pirpirtase a Lipaanoosi, a taammaadi papaxxaari qoraadi ka oli qapen ka akata dedderaan ka kaatta' piinaan; kuutaadi ka oraarappa kayno' pahata;

Xuuma Taani'eeli 1:4

Orra a reexno nefo, xayyoolayta a toobuma in qapnin ka xarjaallewwa a ookuma ka upna qapa ka wa kollinnaane eennoow qapanno ka tika nuqusa kara koda koda ettansho kodda ishootta parpaaccisni; ka akka fitalla ka afaa Paapilooni' kuli ishootta kollisho'e, Shfanaasi ajaje.

Xuuma Taani'eeli 2:10

Ookkasene paata tooyna nuqusa oorshen ka kidene “Nuquso kaassumoosen kokkoka a kaassatte nama oorissa ettansho piita qara in caado; umma kadi puno kokkoki ka hupna qapa nefooyye nuqussaappa nuqusa a kaassuma asse paha, so'aya taaki tipampaya taaki orra hikka tooyno' dehayshe in co.

Xuuma Taani'eeli 2:27

Taani'eeli ka ishi orshe ka kide “Nuquso kaassumoosen a' kaassatte ookka taaki tipampaya taaki hayyowwa ke' fura in ettanshan.

Xuuma Taani'eeli 2:7

Ishootta ka amma a lammattati isha' oorsheneew ka kidene, “Nuquso, ino orxayaatti olsaatti maana akka kodden in ke' furraay olsa a olsootte ino' lele.”

Xuuma Taani'eeli 3:8

Sitiiyyi oori ookka Paapilooni oppa orra takka takka nuqusa kapopa aane ka orra Yihuta' xasase.

Xuuma Taani'eeli 4:18

Anka Taani'eeli' kide, ‘Semmalla innayti Piltasoori, anti nuqusa Naapukedenasoori olsan olsoode seneey, maana akka kodden ana' lele; maana malla ookka mankisteeta an mukinno oppa ca ana' lela in ettanshaneey, ma xoori xaayti qoota hapurase a qulqullitta Waaqa ke kara co malla ana' lela i'ettanissa.”

Xuuma Taani'eeli 5:7

Ikka akka isha kapopa tipampaya ka so'aya isho orra hikka tooyno halane'e, ajaje. Ka ookkasene halaameeti' kide, “Nama taafetoose nappapo ka wa kiinitta ana' lelo, ohaata paxaara'e ishi uwwishan ka warqeeta xolma kela ishi' kalshan; ikka mankisteetiyyo qaraayye mukissampayta sessatta' kodda.”

Xuuma Taani'eeli 5:8

Ookkasene' piisa ka nuqusa kapopa kullen, ma ishoottoppa nama takka nefo taafetase nappapa ka maana akkima koddite lela in in ettaninne.