Xuuma Taani'eeli 4:1 - Mataafa Qulqulloota

¹ Nuqusase Naapukedenasoori orra piita piisa qara kalo ka afaa karkar ca' haasawanno piisa opa erkana erke ka kide, “A nakayta ishina' koddo!

Xuuma Taani'eeli 4:1 ပူးပေါင်းရင်းမြစ်များ

Mataafa Otoowwa a paayyota 12:18

Hapura Waaqa ka Amasaayi saarase a nama kunda sessa qara lekkade; ikka kide, “Oo Taawwiti, ino an xaayti! Oo inna Isseyi, ino ke ollin kinna! Waaqa ke olli caay, nakayta a ke koddo! A ke qaarqaarra pisae nakayta a koddo.” Taawwiti ka ishootta teyyade ka xelaadi a oranna qara saarra ishootta kodade.

Mataafa Isira 4:17

Nuqusa ka taptaappetase mina' oorshe ka kide, “Rehuumi mukissampayta ka taafittaadi Shimshaayi isho orra ishin olli Samaariya isho kirra Efraatisiti qinda dumaata oppa kalo piisa, nakayta a ishina' koddo.

Mataafa Isira 5:7

“Nuquso Taariyoosi nakayta a ke koddo.

Mataafa Asteeri 3:12

Semmalla leya a paayyota oppa kuyyaata kudanka sessattaatiiyyi, ikka orrase nuqusa paata taafno ollopa hale ka saleese' dawamto, akka afadda orra ika lekayta opa oorsamto ka taafamto ka piitaddasene a nuqusa mukinna opa mukissampaya isho orra isha olli koda koono piisa erkamto kode. Saleese nefo maxxa nuqusase a Artekisiisinni taafamte ka kobbeetaadi ka kamma toommamte.

Mataafa Asteeri 8:9

Mardekkiyoosi ka leyase a sessatta siiwaani kidammo oppa kuyyaata kunda lakki sessattaatiiyyi, taafampaya a nuqusa paata taafna piisa ollopa hale. Ka erkanosen akkima orra piita Hinditi paayyatte haka Toobbiyaati cooti'i piita dippa ka kunda lakki tappa mukinnoti ka mukissampayasene nuqusa olli koda koona piisa'e taafaman ka afaddaso opa oorsaman ka erkamane' kode. Ka a Yihutaata'ew, akka afaasso opa oorsamto ka erkamto' kode.

Xuuma Taani'eeli 3:29

Semmalla Waaqa pila a isha mina orran pahano qoota in kinnin malla, orra piita an anti mukinno oppa kalo ka afaa karkar ca' haasawanno pisa oppaayye, nama a Waaqqose a Sitiraaqi ka a Misaaqi isho a Aptinaako onno, akka oppa quuramo, tikaadi kuli ka alle' pootamto in ajaje.”

Xuuma Taani'eeli 3:4

Namase' saleeta salinno ka nessa kuttan salishe ka kide, “Ishina piitadda lekayaappa de'e ka afaa lekaya haasawannaati,

Xuuma Taani'eeli 6:25

Sekkammaayye nuqusase Taariyoosi ka samayta piita piisa qara kalo ka afadda karkari haasawanno piisa'e, erkana taafe ka kide “A nakayta ishina' koddo.”

Xuuma Taani'eeli 6:27

Isha idininni ka naman pahanni! Isha moonta isho' piita qara'e wa orra qawwanna' kooni ka afaa karmada' kuli kela Taani'eelin pahe.

Xuuma Taani'eeli 7:14

Ka akka samayta piitadda leka oppa kalo ka sanynyewwa ka orra afadda karkar haasawanno piisa isha kela' piddamo'e, siltaana ka nuqusuma isho hupna mukissa ka ishi' daasame. Mankisteetaadi umma pata in qapto, mukissaadi umma in dikkado.

Xuuma Sakkaariyaasi 8:23

Waaqase we piisa ettaninno ikiini, “Kuyyawwosenetiiyyi, kaffa ka afadda lekayaappa nama kudani ka kayla ohaata nama a Yihuta takka kokkonnaysha ka qapa ka kida, ‘Akkima Waaqa ishin olli co in dakayneey, ino ishin olli eeyyepa anno?’”

Kodampaya 2:6

Ete nessoose dakayeneeyye, orra lekayta ka ollopa de'e. Ka qoota tamaarewwasene afadda a orroose ollopa de'e' haasawannaan, ikka dakayen malla oppa' qawwaawen.

Roomi 1:7

Semmalla, ishina Roomi kara kala, a Waaqa ishin jaalade ka akka Qulqullowwa kodditane ishin halaade pisaayye, Waaqa Aappinno isho Poqallaanno Yesuusi Kiristoosi kapaayye a daassata isho nakayta ishina' kodden.

Efesooni 1:2

Waaqa aappinno ka Poqalla Yesuusi Kiristoosi kapaayye a daassata Waaqa isho nakayta a ishina' kodden.

Timotoosi a paayyota 1:2

Erkana Timotoosi, isase amanteeta minan innaayyo a dukaata' kodde erkame. Waaqa Aappinno isho Poqallaanno Yesuusi Kiristoosi kapaayye a daassata Waaqa ka diissata isho nakayta ke' kodden.

Petroosi a paayyota 1:2

Ishina akka Waaqa Aappa xattaaw koda' qapade qara' reexxame ka Yesuusi Kiristoosi ajajamtane'e ka diikaadin jaqqamtane'e, Hapuran qulqullaaweti a daassata Waaqa isho nakayta a ishina' koopen.