Xuuma Taani'eeli 3:6 - Mataafa Qulqulloota

⁶ Nama pahanooseneti' xata in kiinnin ka in sakatannin sitiiw porase a kara apitta opayno co karopa katama.”

Xuuma Taani'eeli 3:6 ပူးပေါင်းရင်းမြစ်များ

Mataafa Uumata 19:28

Ete Sodoomi ka Kamoora ka piita kapandesa kitto piisa tooynooyye, qayya oppa xaano, qayya apitta a mura a kutta kupno oppa xaano paha.

Mataafa Sooketa 20:5

Ka ishootta'en sakatadan umma in waaqaysadan; anti Yaahiwwe Waaqaayti an yo'ampayta Waaqa; a ana needda qara'e, juppoota a aappadaasso minanne haka xelta sessa ka a afuri'in hellaasso qattaani.

Xuuma Issayyaasi 44:17

Ka kurpana a kela hase qeenniiw ka waaqa' kodanni ka killoota' kodanni ka tura' piini ka ishi' sakatanni ka ishopa qinsanni ka kiini, “Atti a' waaqaayooy, rakkoota kara ana sookshe.”

Xuuma Ermiyaasi 29:22

Sede ka orrase Yihutaayye poojame piisa'e, afa ishin oljiijane koddita; ikka oli jiijan ka kidane, ‘Waaqa akka Aki'aapi isho a Seteqiyaasi isasene a nuqusa Paapilooni ishootta a ca apittoppa kupe mina ke kupo.’

Xuuma Taani'eeli 2:5

Nuqusa ka ishootta' kide “Oton olsa an olsoode'e' lela ka maana akka kodden fura malaaltane, akka' oppa quuramtan tikkaassin kuli ka alle' pulpulaman upnaada.

Xuuma Taani'eeli 3:11

Nama xata in kiinnin ka pahanooseneti in sakatannin a porase a apitta kara co karopa katamo.’

Xuuma Taani'eeli 3:15

Amma nefo oto nessa kaasa a dawnaan ka a hibaara ka a maasinqoota ka a kehayta ka a luuttota isho nessa kirpan dawnaan a pila kuli dakaytaneeyye, kadi' pahanoosen an warqeetoppa kode' tura' sakatannitan ipaxaari. A taakiti eennowwe pora kara apitta opayno co karopa katamtan umma Waaqa harkiyyoppa ishinan paho akka in kinnin upnaada.”

Xuuma Taani'eeli 3:21

Ikka ishootta qamisewwaasso isho konfadaasso kalsade ka parrowwaasso hidade ka mehaddaasso a kalsannaane a pila a qapa ollin qeeden ka apittase opayno oppopa ishootta katen.

Xuuma Taani'eeli 3:7

Semmalla oori orrase' piitadda lekaati de'e ka afadda karkar haasawanno piisa ete nessa kaasa dawammo ka a kehayta ka a luuttota ka a maasinqoota' piisa dakayeeyye, pahanasene a Naapukedenasoori worqeetoppa kode' tura'e piitopa xata kide ka sakatade.

Xuuma Taani'eeli 5:19

Kuttumaadi a ishi' daashe qaran xaate'e, kaffa leka leka isho samayta piitadda leka oppa kalo ka afaa karkar haasawanno piisa ka isha tura xarri; isha ka nama heeno ikanni, taaki akka kallaado' kooni ka a heeno shuummi ka a in heennin shaarri.

Xuuma Taani'eeli 6:7

Ha ino a mukissampaya mankisteeta kodde ka siltaana kukutta qapa ka tanynyada isho orra dehaamta dehaammo piisanti akka amma paayyatte haka kuyyaata kunda sessaati'i, nama takka nefo ke mali nama pila taaki Waaqopa qinsado akka qaawa karma karopa katamo'e, nuqusa kapa akka ajaja sooko ka salisamo'en olli' kalle.

Maatiyoosi 13:42

Ka kupaanaappopa ishootta dakkan. Porose oppaayye oori, pooyta isho ilka ollin qomeeta patta koddita.

Maatiyoosi 13:50

Ka kupaanaappopa ishootta dakkan. Porose oppaayye pooyta ka ilka ollin qomeeta patta koddita.”

Maatiyoosi 4:9

Ka ishi kide “Kadi ana tura piita ka ana sakatattaayye, sene piisan ke daasha.”

Mariqoosi 6:27

Semmalla nuqusase ka foolisowwasene tooytota qara ca oppa takka akka aano ka Yohaannisi qara matta muro ka ishin de'o erke. Foolisittase ka tika hida opa aane ka Yohaannisi qara matta mure.

Keleshaata 14:11

Qayya a apittase ishootta rakkacciiso nefo, paraparaayye haka paraparati'i opeela xa'a. A uumata a catta qapo isho waakkaadi sakatanna ka milikkita a maxxaadi kodade piisa, halkeetta ka kuyyaata'e nessuma in qapan.

Keleshaata 9:2

Isha ka hiwwalaallasene' pane; hiwwalaallasene karaayye qayya a kisa kutta oppa xaano paho ka xa'e. Qayya a hiwwalaallasene kara xa'e minanne piirtota isho xayxayta ka tukkanen.