Xuuma Taani'eeli 3:4 - Mataafa Qulqulloota

⁴ Namase' saleeta salinno ka nessa kuttan salishe ka kide, “Ishina piitadda lekayaappa de'e ka afaa lekaya haasawannaati,

Xuuma Taani'eeli 3:4 ပူးပေါင်းရင်းမြစ်များ

Mataafa Asteeri 8:9

Mardekkiyoosi ka leyase a sessatta siiwaani kidammo oppa kuyyaata kunda lakki sessattaatiiyyi, taafampaya a nuqusa paata taafna piisa ollopa hale. Ka erkanosen akkima orra piita Hinditi paayyatte haka Toobbiyaati cooti'i piita dippa ka kunda lakki tappa mukinnoti ka mukissampayasene nuqusa olli koda koona piisa'e taafaman ka afaddaso opa oorsaman ka erkamane' kode. Ka a Yihutaata'ew, akka afaasso opa oorsamto ka erkamto' kode.

Xuuma Issayyaasi 40:9

Ke a otoota fayya' salinnitto Siyyooni, irroota kutta qaropa fayyado; ke a otoota fayya' salinnitto Yursaalami, nessaayti kuttishe in fuuran! Ka katamadda a Yihutaati' kide, “Tin are Waaqaayshin!”

Xuuma Issayyaasi 58:1

Waaqa ikiini, “Jaw in kidan ma nessaayti kuttishe ka salishe ka a kaasa' mina' dawe ka ishin dapaytaaysho samaytiyyo' lele ka sanynyeeta Yayqoopi' juppootaaysho' lele.

Xuuma Taani'eeli 3:10

ha nuquso, atti ajaja' sookisse ka kiite, ‘Oto nessa a kehayta ka a luuttota ka a maasinqoota ka a mehadda kirpan dawammo dawnaane piisa dakaadooyye, nama piisa a xata kido ka pahanasene warqeetoppa kodameeti' sakatado.

Xuuma Taani'eeli 3:3

Orrase' piisa ka paaletase ulfeessa' de'e ka pahanasene a nuqusa kode tura piisanti qa'aden.

Xuuma Taani'eeli 3:7

Semmalla oori orrase' piitadda lekaati de'e ka afadda karkar haasawanno piisa ete nessa kaasa dawammo ka a kehayta ka a luuttota ka a maasinqoota' piisa dakayeeyye, pahanasene a Naapukedenasoori worqeetoppa kode' tura'e piitopa xata kide ka sakatade.

Xuuma Taani'eeli 4:1

Nuqusase Naapukedenasoori orra piita piisa qara kalo ka afaa karkar ca' haasawanno piisa opa erkana erke ka kide, “A nakayta ishina' koddo!

Xuuma Taani'eeli 4:14

Ikka nessa kuttan kiite, ‘Qoyroose' mura ka taammaadi kuli oppa alle' quura ka haashshaadi alle' quda tiiqa ka daltaadi alle' qara fida, pinaana ka alle' kela qahen; xampira a tammaadi qara kallaanna ka alle' qahen.

Xuuma Taani'eeli 6:25

Sekkammaayye nuqusase Taariyoosi ka samayta piita piisa qara kalo ka afadda karkari haasawanno piisa'e, erkana taafe ka kide “A nakayta ishina' koddo.”

Hoose'i 5:11

Samayta Efreemi' qoota killowwa kamma'ew kammo malla, miiddota isha qara' koopte, qitaateta Firteeta ka qara' kayte.

Xuuma Mikkiyaasi 6:16

Wa malla sede piisa ishin qara' kayta' qoota aata ka saanta a nuqussasene Omiri isho a Aki'aapi kidamma' teyyatten ka ishin kallaannittan ka kollumaasso kamma anten mallan ishin pira ka orra paleese' kara kalo, orra piisa tura' jeersha ka akka pakka samaytiyyo otammo oppa otamtane' koda.”

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.