Xuuma Taani'eeli 3:12 - Mataafa Qulqulloota

¹² A koddito ma Yihutaatase a' piita Paapilooni' qara' mukissampaya' koote, Sitiraaqi ka Misaaqi isho Aptinaako kidamma ajajaayti tooytanni in caan, umma waaqaddaatti waaqaysanni in caan; umma pahanasene a warqeetoppa kooteti' sakatanni in caan.”

Xuuma Taani'eeli 3:12 ပူးပေါင်းရင်းမြစ်များ

Mataafa Asteeri 3:8

Sekkammaayye, Haama ka nuqusase Arteksiisi' kide, “Orra takka piitaddasene a' mukinnitta qara pase ca; ishootta aataasso orroppaayye xawwaya umma ajaja nuqusa teyyanni in caan sede malla, oton orrose asse paho eeyye' diisanniiyyi, ke in ettanto.

Mataafa Pahana 27:4

Miira akka karpampayta, aaraaw akka malxa mina; ma xoori ayno yoota tura' qa'atta ettansha.

Mataafa Dehaamta 4:4

Anka akkima yaala nama ka tooktaadi piisa, xelittaadi yo'eta qudaayyeew deenitto akkeew; sede kuli kan paata patta ka xayxayta diippeta mina.

Xuuma Taani'eeli 1:7

Saara orrase tika nuqusa' tooytino ka ishootta' maxxada purshe ka Taani'eeli Pilttasoori kide ka Hanaaniya Sidiraaqi kide ka Misa'eli Misaaqi kide ka Asaariya'e Apdinaako kide ka hale.

Xuuma Taani'eeli 2:48

Sekkamma nuqusa ka pora ulfeena a kitto oppa'e, Taani'eeli xaaye ka daassata kutta ishi' daashe ka piita Paapilooni' piisa qara hupna ukkumeeta ishi' daashe ka ookka piita Paapilooni' piisa qara' saara isha kode.

Xuuma Taani'eeli 2:49

Taani'eeli ka akka Sitiraaqi ka Misaaqi isho Aptinaako shuumo'e, nuqusa naappade. Ikka awraajadde a piita Paapilooni' qara ishootta shuume. Taani'eeli' xoori tika nuqusa kara koda kooni.

Xuuma Taani'eeli 3:11

Nama xata in kiinnin ka pahanooseneti in sakatannin a porase a apitta kara co karopa katamo.’

Xuuma Taani'eeli 3:16

Ishootta ka ishi oorshen ka kidene, “Nuquso! Issin paha malla waan oorsanna in caan.

Xuuma Taani'eeli 3:29

Semmalla Waaqa pila a isha mina orran pahano qoota in kinnin malla, orra piita an anti mukinno oppa kalo ka afaa karkar ca' haasawanno pisa oppaayye, nama a Waaqqose a Sitiraaqi ka a Misaaqi isho a Aptinaako onno, akka oppa quuramo, tikaadi kuli ka alle' pootamto in ajaje.”

Xuuma Taani'eeli 3:30

Ete ajajose' sooke salisame kammaayye Naapukedenasoori Sitiraaqi ka Misaaqi isho Aptinaako akka piita Paapilooni' mukshane'e hupna ukkumeeta ishootta' daashe.

Xuuma Taani'eeli 6:13

Ishootta ka oori nuqusa' kidine, “Ha nuquso, orrase piita Yihutaati poojame oppa takka ‘Taani'eeli, kiinaan’ Ke isho ajajaayti puyade ka kuyyaatopa sessaan Waaqaadipa qinsanni.”

Xuuma Taani'eeli 6:14

Nuqusa ete leloose' dakayeeyye, dikkeeti nyarrahe ka pora oppan Taani'eelin paho dikade ka haka letta dummitto'e, saanta ishin ishan paho dikattappa' kafade.

Kodampaya 17:7

Iyyasooni ka ishootta teyyade. Ikka kiini, ‘Nuqusa a Yesuusi kidammo a pila'e ca.’ Ka ajaja nuqusase kutta a Roomi toorri.”

Kodampaya 5:28

“Akka' maxxa Yesuusi a' xa'innin ka orra a kollinnini'i, fayya'en ishin ajajne, ishina' xoori tin kollissaayshinanne Yursaalami immakten ka akkan toota namooseti minan kaassatammo' faanittan.”