Xuuma Taani'eeli 3:1 - Mataafa Qulqulloota

¹ Naapukedenasoori pahana a warqeetoppa kodame ka moontandela deruma' dikla kunda lehi ka xaltandesa palduma' dikla lehi mina' ca'e piita Paapiloonitiiyyi laka “Tura” Kidammo oppa' qaatishe.

Xuuma Taani'eeli 3:1 ပူးပေါင်းရင်းမြစ်များ

Mataafa a Nuqussa a paayyota 12:28

Ka ete oppa dehaamta kaassade kammaayye, pahana nyalqa okkaya lakki warqeetoppa kodacciise ka samayta kide, “Isira'eleteeyye, amma desa Yursaalamipa sakatatta anta ikoddite; a piita Kipsi kara ke sookshe Waaqaddaatti seneey, are tooye.”

Mataafa Asteeri 1:1

Xattaayye nuqusa takka Arteksiisi kidammo piita Hinditi paayyatte haka piita Toobbiyaati piitadda dippa ka kunda lakki tappa mukinni.

Mataafa Masmuureta 135:15

Killoowwa a orra piita, dakara pirreeta isho a warqeeta a orra harkaayshotin kode,

Mataafa Sooketa 20:23

Ana maliiyyi waaqadda a pila in qapnaadan ka dakara pirreeta taaki warqeetoppaayye killanna an kodadan.

Mataafa Sooketa 32:31

Muuse ka Yaahiwwe kapopa tiitaawe ka ishi kide, “Oo, samayse juppoota kutta'e kode ka waaqadda warqeeta issi kodade.

Xuuma Issayyaasi 2:20

Kuyyaasetiiyyi awse orra killowwasene' xaaysho a dakara pirreeta isho a warqeeta a ishootta sakatatta kodadene' piisa, alle shipinshipirrawwa isho tapaya kappina turopa dakkan.

Xuuma Issayyaasi 30:22

Sekkammaayye akka killowwasene' xaayshin a dakara pirreetatin quda uwwissene ka pahanaddasene' xaayshin a warqeeta quda libbisse, alle' nyalissan ka kiitane, “Alle ino kapa sekaada!” Ka sooddinka mina alle' shuulitan.

Xuuma Issayyaasi 46:6

A korojaasso' kara warqeeta pootanna, ka hiilan dakara pirreeta ekkaysanna, nama warqeeta tummo xaayyanni, isha ka killoota kooni ka ishootta tummi; ishootta ka tura' seehni ka ishi' sakatanni.

Xuuma Ermiyaasi 10:9

Dakara pirreeta a tumammo, katama Terseesitiiyyi deeni; warqeeta ka Ufaasiiyyi kalli. aappa warqeeta tummo ka kode, opan ka ohaata awla isho a tiimatin quda uwwishen; sede piisa kan koda harmoota.

Xuuma Ermiyaasi 16:20

Hela nama i'issi'i Waaqa kodatta ettansha? Inna, in ettansho! sene Waaqa koddeeta ettaninni in caan.”

Xuuma Taani'eeli 2:48

Sekkamma nuqusa ka pora ulfeena a kitto oppa'e, Taani'eeli xaaye ka daassata kutta ishi' daashe ka piita Paapilooni' piisa qara hupna ukkumeeta ishi' daashe ka ookka piita Paapilooni' piisa qara' saara isha kode.

Xuuma Taani'eeli 2:49

Taani'eeli ka akka Sitiraaqi ka Misaaqi isho Aptinaako shuumo'e, nuqusa naappade. Ikka awraajadde a piita Paapilooni' qara ishootta shuume. Taani'eeli' xoori tika nuqusa kara koda kooni.

Xuuma Taani'eeli 3:14

Naapukedenasoori ka ishootta' kide, “Hela Sitiraaqi ka Misaaqi ka Apdinako, keeto' waaqaddosen xayyo a' waaqaysanni a kinnini ka pahanoosen an warqeetoppa kodeeti a' sakatanni a kinnini?

Xuuma Taani'eeli 3:30

Ete ajajose' sooke salisame kammaayye Naapukedenasoori Sitiraaqi ka Misaaqi isho Aptinaako akka piita Paapilooni' mukshane'e hupna ukkumeeta ishootta' daashe.

Xuuma Taani'eeli 5:23

Ka laaddi aappa moonta' qara isi peepte ka isi kukuttisse ka mehaddasene a warqeeta tika qulqllootati sarame, qeedacciiste ka tanynyadaatti ka iskattaayti isho iskattaayti a pila ollin oppa ikkayta ikten ka ete ikkayta ikten kamma waaqaddasene dakara pirreeta ka warqeeta ka sipla pora ka sipla ka qora isho dakaddaappa kodame, paata akkini in kinnini ka dakayni in kinnini ka we in upnini kalataysatten. Ka Waaqase ke caassa taaki ikassa ettansho ka napseetaayti harkoppa qapo a ulfeessinin.

Xuuma Taani'eeli 5:4

Ka a ikkaytase oppa caaneeyye, waaqaddasene a darta a warqeeta ka a dakara pirreeta ka a sipla poora ka a sipla ka a qoyra isho a dakaappa kodame kalataysaden.

Hoose'i 2:8

Ha isheetta unta a dammitto ka sayteeta ekerta a daatannitto ka taadetase a wayneeta a iknitto ka dakara isho warqeewwa a killootase' xaadi pa'aali kiinaaneti kalinnitta piisa, akkan anti isheetta' daashe in upto.

Hoose'i 8:4

An anti ishootta'en lellin maliiyyi nuqusa nuqusumsaden ka a ana in kaassannin maliiyyi saarra reexaden ka pateettayshoti'i warqewwaasso isho dakaraasso a pirreeta oppaayye killowwa tumaden.

Xuuma Inpaqoomi 2:19

Killoota quda'e sipla dakara ka warqeeta liilshen ka qudan daaten umma ishootta' nessa oorsanni in caan. Qoota killootose rakkootaayti ke' fura ettaninni in kinnin malla, atti ke killootose' xefamte' kiino, “impase” ka wa dakaappa kodameeti' kiino, “xa'e” oo ke kido!

Kodampaya 17:29

Oton ino hellaadi koddineeyyeew, ‘Waaqa pahana ookuma isho dikatta namatinni warqeeta taaki dakara pirreeta taaki daka oppa kodame'e paha.’ kideeta ka dikatta ino parpaccisni in kitto.

Kodampaya 19:26

namoose Pawloosi kiinaan xoori, ikiini ‘Pahanadda a nama harkan kode, waaqaddaan.’ Ka a Efesooni patta in koddinin maliiyyi, akka piitadda lamaya mali, piitadda a Issiya pisa oppa, samayta kuttayta a atta co isi kelopa tiitaysade ka amansiise, ishina mattaayshin i'akkiten ka dakayten.

Mataafa oppa' Ooreta 7:25

Killannasene a xefadene apittan kupa; umma warqeeta taaki dakara pirreeta a killannosen quda co, in xajeelan ka issi in teyyadan; a taakati a turuura mina'e oppa qapamtaney; maana malla Yaahiwwe Waaqaayshin turaayye sene wa jippame'ey.

Keleshaata 9:20

Sanynyeeta nama a erkannawwosen oppa toota kela pahate, kodase neeqa a harkaayshoti diisheetanne juppootoppa in oorre. Umma orriyya isho killanna a warqeeta ka dakara pirreeta ka a siplalla ka daka isho qoraappa kodame, a paata akkeeta taaki dakaya taaki pora anta ettaninni in kinnini waaqaysatta in diinne.