Xuuma Taani'eeli 2:9 - Mataafa Qulqulloota

⁹ Semmalla oton asu olsoosene ana' furra malaaltane, qitaateta oli pahaton ishin piisa qara' mura. Ishina desa wa pursama'e caada, akka sede malla haasa darta' haasawatta'e, piitan tita' harmisatten. Semalla olsoosen upnaada, sedennen akka dukaatan furtan upnaaday.

Xuuma Taani'eeli 2:9 ပူးပေါင်းရင်းမြစ်များ

Mataafa a Nuqussa a paayyota 22:22

Waaqa Poqalla ka ishi kide, ‘Atta isha sasapatta?’ Hapurase ka kide, ‘In aana ka afa xuumampayaadi oppa hapura darada kodda.’ Waaqa Poqalla ka ishi kide, ‘Aane sassapado, ike olkela teytaay.’

Mataafa a Nuqussa a paayyota 22:6

Nuqusase a Isira'eeli ka xuumampayaadi nama dippa afur mina ca ollopa hale ka ishootta kide, “Remaati a Kele'aati torpeeta'e in tuulam moon alle'en diisha?” Ishootta ka ishi kidene, “Poqalla ke turopa ishotta tuukkaay, tuule.”

Mataafa Asteeri 4:11

“Akka seera nuqusa mina'e nama a diirta kodde takki a iskatteeta koddite, takka oton a nuqusa isha in haleenin mali nuqusa kapopa kullaayye, akkima ikannaan, hayyoowwa a nuqusa isho nama dalade piisa upa. Nama oto nuqusa kapopa kullinooyye, a nuqusa uleetase a warqeeta tura' qapo patta toota kela pahani. Umma anti leya kara'e, isha kapopa an halaammeey, attan isha kapopa kulla?”

Mataafa Pahana 12:19

Afaa dukaata torrina, haka paraparati japaattaanne kallaadan; arrapa darta haasawanno xoori, irra qara pata.

Xuuma Issayyaasi 41:23

Akka waaqadda kodditen akkan upnaanno'e, intoonno wa arepadesa kodda ino' lelaay; akkan fuurro ka tammaqno'e, intoonno a paxaara taaki a neeqa' kodaay.

Xuuma Issayyaasi 44:25

Anti milikkita a daradampaya paata patta'en kooni, ka so'aya eeppa' kooni; ka ookka iskammandesa oorinni; ka upnaasso eepuma' oorinni.

Xuuma Hisqeeli 13:17

Atti to'ampayta namatiiyyi, iskattase a samaytaayti iskareela xuuma qeenno ka haasawanno opa fuulaayti tiitayshe ka ishootta qara' xuuma haasawado.

Xuuma Hisqeeli 13:19

Poorta a harka kara kayni in kinnin ka laaqqota a moossota kayni in kinnin malla samaytiyyoppa maxxiyyo otaccisnittan ka samaytase' xayyo ishin kela darada dakkaysanno sassapanittan ka nama a in toonini' kiinittane, ito'a ka nama a toono' kiinittane, icaada.”

Xuuma Hisqeeli 13:6

Ishootta keleshaata darta isho suuma sassapa'e akkini ka a Waaqa ishootta in erkinin mali kiini, “Waaqa asse kiini” Ka akka Waaqa qaalese xaaysho dikkisho isha qara asanni.

Xuuma Taani'eeli 2:16

Taani'eeli ka eennow nuqusa kapopa aane ka akka olsoosen fureeta'e eta shakkaya ishi' daasho'e, nuqusa naappade.

Xuuma Taani'eeli 2:21

Ha isha kuyyawwa isho leyadda xoora xoora oorinni ka nuqussa nuqusuminni ka nuqusuma qara shaarriiw. Ka ookka ookuma daanni ka upnampaya' matte oorsatta daanni.

Xuuma Taani'eeli 2:8

Nuqusa ka oori ishootta' kide, “Akkima waan dikade uptan ka semmallaaw okoto piitan tinnittan i'ana' kalte.

Xuuma Taani'eeli 3:15

Amma nefo oto nessa kaasa a dawnaan ka a hibaara ka a maasinqoota ka a kehayta ka a luuttota isho nessa kirpan dawnaan a pila kuli dakaytaneeyye, kadi' pahanoosen an warqeetoppa kode' tura' sakatannitan ipaxaari. A taakiti eennowwe pora kara apitta opayno co karopa katamtan umma Waaqa harkiyyoppa ishinan paho akka in kinnin upnaada.”

Xuuma Taani'eeli 5:28

Faarisi kideetaaw ‘Mankisteetaayti iqootamte ka Metooneta isho Faariseta' daasamte kideeta.’”

Xuuma Taani'eeli 5:31

Medoonitta takka Taariyoosi kidammo ka pakkaadippa' nuqusume; sitiiyyi Taariyoosi paraadi kunda lehi' lakki.

Xuuma Taani'eeli 7:25

Ka Waaqase kutta kuli qara isi peepa ka qulqullowwasene a Waaqase kuttati kuli rakkacciisa ka seeraaysho isho xayso nessumadaasso kuli alle' purissa fada. Qulqullowwa ka haka para sessa ka a pakati ishi' piddaman.

Qorontoosi a lammatta 2:17

Ino akkima isaasene leka qaaleta Waaqa akka meeha nakata' mina caraccarra' minan ma xoori Kiristoosinnin orra taanteta a Waaqa kapa erkame koddine ka fuula Waaqa' tura' haasawanninna.