Xuuma Taani'eeli 2:5 - Mataafa Qulqulloota

⁵ Nuqusa ka ishootta' kide “Oton olsa an olsoode'e' lela ka maana akka kodden fura malaaltane, akka' oppa quuramtan tikkaassin kuli ka alle' pulpulaman upnaada.

Xuuma Taani'eeli 2:5 ပူးပေါင်းရင်းမြစ်များ

Mataafa a Nuqussa a lammatta 10:27

Ka waakkadasene a pa'ali oppa pappaqshen ka tikase a pa'ali kuli qitqishshen ka haka awweti pora dinaati kodaden.

Mataafa Isira 6:11

Nama ajajose teyyanni in kinnin piisa, tuuda a tikaadippa co a shukkamo. Isha ka qara' fannisamo; tikaadi ka tura pootamto ka pora oppa' miissa tuqnaan koddito.

Mataafa Masmuureta 50:22

Semmalla ishina ana Waaqa teymina' piisantiiyyi sede upnaada; a taakati olikelan ishin nyifaay; umma nama ishinan paho in caado.

Mataafa Masmuureta 58:7

Ikka a pisha qame' mina' dapaden; lawaaysho a pokkinaan a alle' qeqqepo.

Xuuma Taani'eeli 2:12

Nuqusa ka oori akata miirode ka akka ookka piita Paapilooni' piisa leyshane ajaje.

Xuuma Taani'eeli 3:29

Semmalla Waaqa pila a isha mina orran pahano qoota in kinnin malla, orra piita an anti mukinno oppa kalo ka afaa karkar ca' haasawanno pisa oppaayye, nama a Waaqqose a Sitiraaqi ka a Misaaqi isho a Aptinaako onno, akka oppa quuramo, tikaadi kuli ka alle' pootamto in ajaje.”

Xuuma Taani'eeli 4:9

Ka kide, ‘Piltasoori, ke a saara ookka' kodde, qoota hapura qulqullitta Waaqa ke kara co malla, wa juuttota kodde' piisa akka ke tura in dekannin in upa; semmalla ana olsa an olsoode ke' lelo ka maana akkima kodden ana' leli.”

Mataafa oppa' Ooreta 13:16

Ka poojeta katamoosen kara deeto piisa katamoosen kara'ew lakoppa ollopa tuule ka katamoosen isho poojese kara deete piisa apittan kupe! Ka kalisoota a kupannitto kode ka Yaahiwwe Waaqaayti dehayshe; ikka haka paraparati qitqitto umma lammatta in qupammin.

Mataafa Iyyaasu 6:26

Iyyaasu ka orri jiije ka kide, “Nama amma desa katamoosen a Iyyaarko qitqite harmissa xa'o, fuula Waaqa tura a jiijame koddo; nama katamoosen qupeeta kiritta kanno, a innaadi a kuuta tura to'en; nama xarradasene qitqite xa'inoow, a innaadi a kamma kate a tura to'en.”

Mataafa Saamu'eeli a paayyota 15:33

Saamu'eeli ka kide, “Akkima koraatetaayti aayyada hellaa daptisse mina'e, iskattoppaayye aayyaassin asseew inna dapta.” Ka Kelkela kara'e porase a kalisoota a Waaqa tura Akaaki oppa quure.