Xuuma Taani'eeli 12:3 - Mataafa Qulqulloota

³ Sitiiyyi ookka akka piirtota opa la'ayan, a orra lekayta hanqeelluma kollishe ka haka paraparati akka hiikka moonta' mina' la'ayan.

Xuuma Taani'eeli 12:3 ပူးပေါင်းရင်းမြစ်များ

Mataafa Sooketa 34:35

Samayta Isira'eeli ka akka fuulaadi la'ayno akkini; haka Yaahiwwe olli haasawatta kullino kara'e Muuse ka fuulandekaan fuulaadi qara dekanni.

Mataafa Pahana 11:30

Dalta hanqeellayta qoyra caatta; a napseeta orratin pahano kan ooka.

Mataafa Pahana 3:35

Ookka ulfeena lehadan, eeppa xoori jeeroppa'e pi'an.

Mataafa Pahana 4:18

Saanta hanqeellaya akka letta piirritto ka haka kuyyaata kutta' kaynitto kara'e, la'aytaadi ka opeela padaawamaan anno mina.

Mataafa Dehaamta 12:9

Ookase, ookuma pattanne ma, upna orra kollishe; isha pahanadda lekaya dikade ka oppa qore ka upna lekaya olikamma' qattishe.

Xuuma Issayyaasi 53:11

Oto miiddota isha qara' kayto kammaayye, la'ayta akka ka xasooda; orxaytase' xayyo hanqeellitta kodda ka orra lekayta hanqeellaya' koda ka juppootaaysho' haadada.

Xuuma Ermiyaasi 23:22

kadin dehaamtiiyyo qara'e qa'aden kiiteyye, qaaletiyyo samaytiiyyo torrini heenen ka saantaaysho a neeqa isho kodaaysho a neeqa qara ishootta oorinni heenen.”

Xuuma Taani'eeli 11:33

Kadipunu ishoottoppa a demo koraatetan leysaman a demo ka apittoppa kupadan, a demo ka poojaman wa qapane piisa ka tura saraman, nefooyye ookka samaytoppa ca orra lekayta upna kollishan.

Xuuma Taani'eeli 11:35

Haka kuyyaatase a Waaqa kide kaynitto kara'e, akka a fayya harmisame kara sookane'e ookkaappa lekaya ka akata rakkadan.

Xuuma Taani'eeli 12:10

Orra lekayta isi harmisha ka wa neeqa koda diisha ka orra qaja in qapnin kodda. Orra wa neeqa' koono xoori qoota matte oorsatta dape malla, neequmtaaw koda. Ookka xoori iwossen matte oorsadan.

Maatiyoosi 13:43

Hanqeellaya xoori awse mankisteeta aappaayshotitiiyyi akka piirtota mina'e la'ayan. Nama napahata a dakaynitto qapo, a dakayo.”

Maatiyoosi 19:28

Yesuusi ka ishootta kide, “Anti dukaatannen ishina kiini, oto we piisa haaraya koddinaaneeyye, inna nama ka suufaanaadi a ulfeena qara kuti'aneeyye, awse ishina ana kamma deena, sufaana kudanka lakki qare kutiitan ka kaffasene a Isira'eeli kudanka lakki qara farattan.

Maatiyoosi 24:45

Kammadesa Yesuusi ikide, “Ka kuliyya, akka kiseetoppa toolaadi damta daddaasho'e, ilattaytase a orxayta a amanammo, a Poqallaadi toolaadi qara isha shuume, ata ayno?

Yohaannisi 4:36

Nama ferro mushshaaraadi akkada ka luukkata a caatta paraparati koddito ollopa qapsada. Semmalla a xotta aylino ka a ferro ollinniiw xasoonni.

Yohaannisi 5:35

Yohaannisi akka ipsa opayna ka la'ayna mina'e kodde; ishina ka eta shakkaya kara ipsoosen xaadin xasootta faaten.

Kodampaya 13:1

Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli.

Qorontoosi a paayyota 3:10

Anti daassata a Waaqa ana' daashennen akka harmitta qupeeta mina kiritta kate. Nama pila ka kirittose an anti' kate qara' tika qupni; ma nama matta mina'e atta akkima kirittose' qara' qupno tooytaatta isha faani.

Efesooni 4:11

Isha akka a demo erkamampaya koddan, a demo ka xuumampaya koddan, a demo ka a otootase a fayya' torrina koddan, a demo ka a orra amanno siknna koddan, a demo ka kollissampaya koddane'e daassawwa daashe.

ipro 5:12

Helani allu isase kollissampaya koddeeta ishin parpaaccisni; ma amma akka nama pila qara' ooro ka qaaleta Waaqa oppaayye, kollissa a qara paayyinaan ishin kollisho ishin parpaaccisni. Se minan oori wa ishin parpaaccisna aanna diisheey, damta kokkoka'en.

Petiroosi a lammatta 3:15

Duupatta a poqallaanno akkima ishina' dina kodde upnaada; Pawloosi innasene xanno a kiristaana' jaalatame ookuma a ishi' daasame qara'e, wa ishina' taafe' nefo sedeew.

Keleshaata 1:20

Juuttota a hikkasene tappa a harkiyyo a akkitta oppa akkite isho a meehase qara ipsa xaaynaan a warqeeta tappa sede; hikkasene tappa, erkampattowwa a tikkasene a kiristaana tappaati. Meehase qara ipsa xaaynaan tappaaw, tikkasene a kiristaana tappa.”

Mataafa Taanynyada 5:31

Oo Waaqqo Poqallaanno! Paarkaalaatti piisa akimoose' mina a piramen; orra ke jaalanno xoori, akka atoota hupnaadin piirritto mina'e a la'ayen. Sekkammaayye, piita Isira'eeli ka para kunda afur nessatte.