Xuuma Taani'eeli 11:2 - Mataafa Qulqulloota

² Amma tooy waan anti ke' lella dukaata.” Ka kideewwe “Nuqussa pila sessa Faarisi qara nuqusuma, a afratta' xoori ishootta piisa qara teyanta' qapnaada. Ka teyantoose a qapo qaran xaate'e, mankistewwa pila isi quda' qeeda ka mankisteeta Kirikki qara oranna' xa'a.

Xuuma Taani'eeli 11:2 ပူးပေါင်းရင်းမြစ်များ

Mataafa Isira 4:24

Semmalla haka Taariyoosi Faarisi qara nuqusumeeyye a para lammatta kaynitto kara'e kodase a tika qulqlloota a Yursaalami kara kitto ka akka paayyaden eeyye' qa'ade.

Mataafa Isira 4:7

A Artekisiisi nuqusa Faarisi' koddeeyye Pishilaami ka Mitirataati ka Taapi'eeli isho orra ishootta quda koddino ka Artekisiisi'i, taptaappeta taafen. Taaptaappese nefo, afaa Sooriya isho fitala Sooriyatinni taafamte.

Mataafa Asteeri 1:1

Xattaayye nuqusa takka Arteksiisi kidammo piita Hinditi paayyatte haka piita Toobbiyaati piitadda dippa ka kunda lakki tappa mukinni.

Mataafa Pahana 22:21

A ke erke'e akka afaa fayya oorisso'e, afaa dukaata isho a amaname'e ke kollishan.

Xuuma Taani'eeli 10:1

A nuqusa Faarisi Qiroosi' nuqusumeeyye para sessattati Taani'eelise Piltaasoori kidammo keleshaata akke. Wossene a akke' nefokan wa dukaata, wosen' nefo qoota oranna a kokkokaati desa. Ikka maana akka koddite keleshaatoppan upnaade.

Xuuma Taani'eeli 11:25

Ka xela oranna lekayta harmisada ka nuqusa Kipsi torpa tuula, nuqusa Kipsi ka isi qara oorissa'e xela oranna lekayta harmisadaaw, nuqusa Kipsi xoori qoota sullaata isha qara kodammitto malla isi qara oorissa in ettansho.

Xuuma Taani'eeli 7:5

Pinanta lammatta'ew pinanta takka ‘Dipi’ Kiinaane pahata ka qandaasattaan eeyye' qa'ade ka lafa qiniyya sessa afaappa qapta. Nessa kiinoo'e, ‘Fayya' qa'ado ka so'a a' dama ettaninnitta' piisa dame.’ Ka ishi' lelame.

Xuuma Taani'eeli 8:21

Qolpaytaaw, nuqusa Kirikki'i akkinni. Kaasoose kutta arta ildaadi kara miintoppa coow, nuqusa Kirikki; a paayyota' nuqusumo akkinni.

Xuuma Taani'eeli 8:26

Kelashaatose a' qoota kalisoota a tekkanta isho a kallaptati desa akkite maana akka koddite wa a' dakayte, dukaata ma xoori qoota sapanna kamma oorshaati koddito malla isi kara' qapado.

Xuuma Taani'eeli 8:4

Anka akka laahase kaassosen xaadin qinda dumaatati ka a tupatta isho a qutatta opa paata tottoommo akke, pinanta takka nefo ka isha tura' qa'atta malaalte umma a issin paha malla tura qaha ettanshe in caan, ikka wa ishi aaka' kooni ka kuttatta ka koopaanneew anni.

Xuuma Amoosi 3:7

Ha dukaatan Waaqase piisa qara qapo wa koda dikade a turandesa xuumampayasene orxayaadi koddeeti in lellin maliiyyi, we takkan nefo kooni in co.

Yohaannisi 10:35

Semmalla mataafa qulqulloota shaareeta in koddito; oto mataafa qulqulloota isaasine a qaaleta Waaqa ishootta deeteeti ‘waaqadda’ kide ka haleeyye,

Keleshaata 21:5

Isase sufaana qara kute'e ikide, “Tin anti we piisan haaraya koda.” Ka kammaddesa ana kideewwe, “Qaalese a amanamte ka dukaataay, taafe.”