Xuuma Taani'eeli 10:9 - Mataafa Qulqulloota

⁹ Eten nessa namooseti' dakayeeyye, tammaqtannen piitopa pi'e ka isi qara dakaya kuli malaale.

Xuuma Taani'eeli 10:9 ပူးပေါင်းရင်းမြစ်များ

Mataafa Uumata 15:12

Ete letta dumteeyye, Apraami mukita kokkoka isha qape, letta ka tukkantaawte, fuura ka isha qapen.

Mataafa Uumata 2:21

Semmalla Yaahiwwe Waaqa ka mukitta kutta Attaami qara' kate. Ka ete mukeeyye, qiniyyaadi oppa takka qeede ka porose oppa so'a immake.

Mataafa Iyyoopi 33:15

Oto halkeette loshshaasso qara' mukaneeyye, mukitta kutta ka ishootta qeedooyye, olsa ka kelashaatoppanne haasawanni.

Mataafa Iyyoopi 4:13

Halkeetteeyye a orra muke ka oppa taweeyye, olsa takkan orra tammaqinnaa'en olsoode.

Masmuureta a masmuurewwa piisa qara jaallitto 5:2

Anti in muke ma karanxata paata in upa nessa innasene an jaaladeeti iddakaynittane? Isha xaroppa kooko'inni ka kiini, “Enentinno, ke an jaalanno, elelaayo ke a qaja in qapnin, mattiyyo itadahasadeey, nyirfaayyo nefo qoyyinta halkeettatinni japeneey, xarra ana tura pane.”

Xuuma Taani'eeli 10:16

Sekkamma erkampattootase nama pahato ka hibbaayyo qappatte, anka haasawatta paayye ka ishi' kide, “Poqallaay ha kelashaatose' minan xaate'e, dakinta ana suraawe meella piisa ka ana kela nukkullaaden.

Xuuma Taani'eeli 8:18

A erkampattootose asse ana' haasawannittooyye in tammaqe ka piitopa pi'e ka isi an upnin. Ikka oori ana quda qapte ka piite ana xa'isse ka ana qa'atisse.

Xuuma Inpaqoomi 3:16

Eten sede piisa dakayeeyye, anka tammaqe, meella ka ana kelaayye xaren, afaayyo ka haasa malaalen, dakinta piisa ka ana tupa toote, loqqa ka ana kela anta malaalen. Haka orra ino rakkacciisno qara haalota qeenno kara'e, duupattaannen asada.

Luqaasi 22:45

Ka qinseetase qara xa'e ka tamaarewwaadi kapopa aane ka nyarrahata qara koopte qaran xaate'e, ishootta muke akke.

Luqaasi 9:32

Sitiiyyi Peetiroosi isho xeliyyaadi, mukitta ishootta pirri, ikka muken. Ete impaseneeyye, ulfeena Yesuusi isho namase lakki isha olli co akken.

Keleshaata 1:17

Eten isha akkeeyye, anka akkima nama to'e' mina'e loqqaadi kela' pi'e. Isha' xoori harkaadi a akkitta'e ana qara' qapade ka ana' kide, “in fuuran, a paayyota ka a piraampira anaay.