Xuuma Taani'eeli 10:6 - Mataafa Qulqulloota

⁶ Namoose dakintaadi a daka paltitta' mina'e pippildaawni, fuulaadiiw, a hankaada' mina'e ildaappa orra' qinni, ildaadiiw, apitta opayno pahan, harkaadi isho loqqaadiiw, akka sipla poora a laajene pahan, nessaadi akka nessa a orra leka' mina'e dakaanni.

Xuuma Taani'eeli 10:6 ပူးပေါင်းရင်းမြစ်များ

Mataafa Sooketa 28:20

Ka jirfa a afratta mina'e, pirille ka merkidi isho iyyaspiidi qune. Dakaddosen heraan kokokkoka piisa xoorrawwa a warqeeta kara'e kukkuti'an.

Masmuureta a masmuurewwa piisa qara jaallitto 5:14

Harkaadi warqeeta deddera a mina warqeetaaw marene'e pahan. Dakintaadi hirta takka a arpa a harmitta quda sire pahata

Xuuma Hisqeeli 1:14

Uumatase caatta qapo ka akka hankaada a walaqlaqno mina'e arepa ka arep shoshshorri.

Xuuma Hisqeeli 1:16

Pahana a kanaannawwoseneti nefo asse pahan: ishootta a kaawwata mina'e oyni; pahana a ishootta afuriti olliiw pappahan; kodamaaysho nefo akka kanannaata takka iskara a pila' qapto pahan.

Xuuma Hisqeeli 1:24

Ete annaaneeyye anka nessa xoollaassoti' dakaye, ikka nessa a malxa kuttati ka nessa a Waaqase we' piisa ettaninnooti isho nessa horayta a xela oranna' paha; oto anta qaatishaneeyye opa xata xoollaasso oorsanni.

Xuuma Hisqeeli 1:7

Loqqaasso nefo jibi kiden; kamajaasso kamaja a innayya sa'e pahan ka a sipla a quda shohen mina oyni.

Xuuma Hisqeeli 10:9

Anka tooyyade ka kanaannawwa afuri kirupeelewwasene kapa akke; kirupeelewwosene matta mina'e kanaannawwa takka takka iskapa qapan; pahana a kanaannawwoseneti' nefo a kaawwata' mina'e warwarri.

Xuuma Hisqeeli 40:3

Ete eeyyepa anan aaneeyye, anka nama takka sipla a puddayaysa paho ka warwarro akke; namoose ka wataroota a xaynaata qora talpa oppa soohamte isho uleeta a paatan ekkaysannaan harkoppa' qapde ka pora xarra tika qulqulloota oppa qa'ade.

Xuuma Hisqeeli 8:2

Anka tooyyade ka wa nama paha akke; wa surraadi paha kela xata apitta ca; surraadi qareelaaw wa sipla pale' paha ka pippildaawna ka caan.

Maatiyoosi 17:2

Pissaadi ka ishootta tura pursame; fuulaadi ka akka piirtota mina la'aye, mehaddaadi a kalsade ka attaaden ka a la'ayta mina la'ayni.

Maatiyoosi 28:3

Fuula erkampattooseti akkima hankaada mina'e la'ayni mehaddaadi a kalsatte nefo, akka fuuttota mina'e ati.

Luqaasi 9:29

Ete qinsannooyye, pissaadi ka pursame; mehaddaadi a kalsade ka attaaden ka warwarri.

Keleshaata 10:1

Se kammaayye, anka erkampattoota a pila a hupnampayteeta koddite ka oraarta uwwisatte a moontexata lekkannitto akke. Pankaallata ka mattaadi kapa qorrasse; fuulaadi piirtota paha. Loqqaadi ka tuudda apitta pahan.

Keleshaata 19:12

Ildaadi opaya apitta'e pahan. Mattaadi qaraayye, kullewwa nuqusa lekaya ka caan. Ka maxxa a isha quda taafame a isha maliiyyi nama takka nefo in upnin ka ca.

Keleshaata 2:18

Erkampattoota a tikase a kiristaana a Tiyatirooniti' taafe ka kide: “Sede innasene a Waaqa, ilda opaya apitta paha qapa, loqqaadi ka sipla a porooda apitta oppa' pale pahane qapa kapa lelamte.

Keleshaata 21:20

a kenatta serdoniksi, a lehatta serdiyooni, a tappatta kiristiiloope, a settatta pirelle, a saklatta warwurre, a kundatta kirisbiraasiisi, a kudanka takkatta yaakinti, a kudanka lammatta ameteestinoosi.