Xuuma Taani'eeli 10:1 - Mataafa Qulqulloota

¹ A nuqusa Faarisi Qiroosi' nuqusumeeyye para sessattati Taani'eelise Piltaasoori kidammo keleshaata akke. Wossene a akke' nefokan wa dukaata, wosen' nefo qoota oranna a kokkokaati desa. Ikka maana akka koddite keleshaatoppan upnaade.

Xuuma Taani'eeli 10:1 ပူးပေါင်းရင်းမြစ်များ

Mataafa Uumata 41:32

Sede a olsoosen oppa oorte ka akkite, akka Waaqa irra qara wossen qeeda' piisade akkinni.

Mataafa Otoowwa a lammatta 36:22

A Qiroosi nuqusa a Faarisi nuqusumeeyye para paayyotati asene a Waaqa xuumampaytase Ermiyaasi qudan haasawade akka dikkadane'e, Waaqa karitta Qiroosi a nuqusase kutta a faarisi'i nyarshe; ikka piitaadi piisa oppa'e, akka saleeta dawamto ka taafamto kode; ka kide,

Mataafa Isira 3:7

Ka oori orra daka faanno ka harmoota qupeetati kaaja daashen. Ka akka Qiroosi nuqusa Faaresi ajaje mina'e, akka Lipanoosiyyi qora quuran ka Iyyoobepa pakateeta qaran ishootta erkane'e, orra Tiroosi isho a Sidoonati damta ka ikkayta isho Sayteeta erken.

Mataafa Isira 4:3

Ma xoori, Serupaapeli ka Iyyaasu isho saarra kaffa i'ishootta' kidene, “Tikoose a qulqulloota an Waaqinno' qupninno desa qaarqaarsaassin ino in parpaaccisan; akka Qiroosi nuqusa Faaris ino ajaje qare inoow Waaqa Poqalla Isira'eeliti tikoose' qupa.”

Mataafa Isira 4:5

Ka akka kodoose koda ishootta dawrane'e, orra mankisteeta Faarisi mukinno ishootta qara' piiden. Orroose ishootta qara' piddame ka sapana a Qiroosi mukinnooyye paayyatte haka Taariyoosi nuqusummo'e, ishootta dawra diinni in kinnin.

Mataafa Isira 6:14

Saarra Yihuta ka xuumampayasene Haake isho Sakkaariyaasi ishootta kokkonnaanni, ikka kodase a tika qulqulloota jarjarshen. Ka heenna a Waaqa Isira'eelitinni, akka nuqussasene a Faarisi Qiroosi ka Taariyoosi isho Artekisiisi ajajen mina'e, kodase a tika qulqulloota dikkishen.

Mataafa Isira 6:3

“Nuqusase Qiroosi para nuqusume a paayyotatiiyyi, i'ajaje ka kide, ‘Tikase a qulqulloota a Waaqa Yursaalami kara kitto akka kalisoota a kupnnitto isho kalisoota a pila kara' dehaatto'e, a kiritta fayya ishi' katamo ikka qupamto. Piitandesa deruma a tikooseti a dunduma kunda lehi kodden, paldumtaadi kuli ka dunduma kunda lehi kodden.

Xuuma Issayyaasi 44:28

Ka qoota Qiroosi desa kiini, ‘Isha sikmaytiyyo, Isha heennaayyo piisa dikkisha.’ Ka qoota Yursaalamiti desa kide, ‘Iqupamta’ Ka qoota tika qulqullootati desa kida, ‘Kirittaadi ikatama.’”

Xuuma Taani'eeli 1:17

Waaqa ka xayyoolayse afuri'i ookuma ka upna kolluma isho matte pata oorsatta daashe ka ishoottoppa desaaw Taani'eeli'i, upna keleshaata akkeeta isho a olsa fureeta' daasheew.

Xuuma Taani'eeli 1:21

Taani'eeli ka haka para oppa Qiroosi' nuqusummo kuli'i tika nuqusa kara koda kooni.

Xuuma Taani'eeli 1:7

Saara orrase tika nuqusa' tooytino ka ishootta' maxxada purshe ka Taani'eeli Pilttasoori kide ka Hanaaniya Sidiraaqi kide ka Misa'eli Misaaqi kide ka Asaariya'e Apdinaako kide ka hale.

Xuuma Taani'eeli 10:14

Ha wa itturopa orraayshin qara' kaya'en ke' lela' de'e. Semmalla tooy kelashaatose wa itturopa kodda'e akkinni.”

Xuuma Taani'eeli 11:2

Amma tooy waan anti ke' lella dukaata.” Ka kideewwe “Nuqussa pila sessa Faarisi qara nuqusuma, a afratta' xoori ishootta piisa qara teyanta' qapnaada. Ka teyantoose a qapo qaran xaate'e, mankistewwa pila isi quda' qeeda ka mankisteeta Kirikki qara oranna' xa'a.

Xuuma Taani'eeli 12:4

Ka ana' kiite “Atti Taani'eeli haka piraampira kaynitto kara'e, qaaleta mataafose kara kitto alle' dufe ka leloose a xuuma fayya isi kara' qapado! Sitiiyyi orra olkelanne pora yaaqyaaqa; upna nefo ka koopan.”

Xuuma Taani'eeli 12:9

Erkampatootase ka ana' kiite, “Taani'eeli qoota leloose haka piraampira kaynitto'e eeyye' juutamo ka dufamo malla, atti amma tiitaawe ka alle aane.

Xuuma Taani'eeli 2:21

Ha isha kuyyawwa isho leyadda xoora xoora oorinni ka nuqussa nuqusuminni ka nuqusuma qara shaarriiw. Ka ookka ookuma daanni ka upnampaya' matte oorsatta daanni.

Xuuma Taani'eeli 4:8

Sekkamma nama takka a hapura qulqullita Waaqa isha kara co ikka Piltasoori kidammo ka halaammo Taani'eeli ana kapopa de'e; anka olsasene' xayyo ishi' lele.

Xuuma Taani'eeli 5:12

Ha isha olsa fura'e ka wa dekade orra akkissa'e ka rakkoota a kitto fura'e ookuma isho upna pila'e qapa. Semmalla Taani'eelise a aappaayshin Naapukedenasoori ishi ‘Piltaasoori, kide’ Halacciise, isha wossen piisa olkela ke' la'ayshaay.

Xuuma Taani'eeli 5:17

Taani'eeli ka ishi' kide, “Nuquso, daassata a ana' daasso a ke'ew hasso; loqshaatti nefo nama pilaati' daashe; ma xoori taafetoose in ke nappapa ka mana akkima koddite ke' lela.

Xuuma Taani'eeli 6:28

Taani'eeli ka oori parra nuqusase Taariyoosi isho nuqusase a Faarisi Qiroosi' nuqusummaan piisa oppa ulfeessame.

Xuuma Taani'eeli 8:16

Nessa nama ka kirra Upaali kareela kiini “Kepreeli! namooseti kelashaatose maana akka kodde lele.

Xuuma Taani'eeli 8:26

Kelashaatose a' qoota kalisoota a tekkanta isho a kallaptati desa akkite maana akka koddite wa a' dakayte, dukaata ma xoori qoota sapanna kamma oorshaati koddito malla isi kara' qapado.

Luqaasi 1:20

Atti xoori qaalese xayyo, oto etosen kayto dikkatto a amanneey; semmalla haka wossen an ke lele piisa dikkannaan kara'e, immumta umma haasawatta a ettanisso.”

Keleshaata 19:9

sekkammaayye erkampattootase ka ana kiite, “Taafe ka kide, a sankulta sarkeeta laahaseti oppopa halaame, a eeppisame!” Ka kammadesa kiiteewwe, “Ini qaaleta dukaata a Waaqa.”