Xuuma Taani'eeli 1:9 - Mataafa Qulqulloota

⁹ Waaqa ka akka Ashfanaasi Taani'eeli jaalado ka suraysado' kode.

Xuuma Taani'eeli 1:9 ပူးပေါင်းရင်းမြစ်များ

Mataafa Uumata 32:28

Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ kidama.”

Mataafa Uumata 39:21

Ma xoori Yaahiwwe Yoosefi olli ca ka akata isha xo'e; ikka ajajampayta tika hida tura ulfeena akkade.

Mataafa a Nuqussa a paayyota 8:50

Ka juppoota a ke tura koden isho dapa a sihin ke dapen ishootta diishe. Ka a ishootta pooje akka ishootta suraysadane kode.

Mataafa a Nehimya 1:11

Oo Waaqqo! qinseetiyyo a orxaytaayti dakaye. Ka qinseeta a orxayaatti a maxxaayti ulfeessa jaalannaati kuli dakaye. Ka waan koda heena akka ana olikela teyane'e, awwe karitta nuqusa ana orxaytaayti' nahashe.” Sitiiyyi anti taadeta wayneeta'en nuqusa' daddaanni.

Mataafa a Nehimya 2:4

Nuqusa ka ana' kide, “Ka kuli maana heenta?” Anti ka Waaqa moonta opa qinsade

Mataafa Asteeri 2:9

Asteeri' qootan xarjaallitteeta malla, xasa Hekaayi' dakaade ikka isheetta ulfeesse ka ennow wa issin sirta ka tuparra isheetta quda sira tappa ka damta isheetta parpaaccisnitto piisa ollin ishi' daashe ka tikkasene a iskatta reexxame kara kallaanna oppa tika akata paxaara isheetta' daashe.

Mataafa Iyyoopi 5:15

Isha koraateta afaassoti kela rakkatampaytan pahani ka harka hupnampayta kela ishan pahani;

Mataafa Iyyoopi 5:16

semmalla teekolaya kippeeta qapan, neequmta xoori afaadi qapatta;

Mataafa Masmuureta 106:46

Ka orrase ishootta pooje piisa akka ishootta suraysado' kode.

Mataafa Masmuureta 4:3

Ma xoori, Waaqa akkima orra ishi amanammo issi' xawwi' reexade upnaada; Waaqa, oton isha halaannooyye i'ana dakaya.

Mataafa Pahana 16:7

Oto anta nama Waaqa xasannaaneeyye, nyaapaadi kuli isha olli nakaytan kallaanni.

Xuuma Taani'eeli 1:10

A koddito ma Ashfanaasi iTaani'eeli' kide “Ha damtoose isho ikkaytoose akka ishina' daasamo poqallaayyo nuqusa ajajeey, oto ishina xayyoolaya a ollin kittane kapa a'apdattaneeyye xayyo ana ishshaay, anti in furri.”

Kodampaya 7:10

Ka rakkoota piisa kela isha sookshe ka nuqusase a piita Kipsi Feri'ooni tura' daassataadi isho ookuma ishi' daashe. Nuqusase a piitase a Kipsi ka tikaadi piisa qara' mukissampayta isha kode.