Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Xuuma Sakkaariyaasi 7:9 - Mataafa Qulqulloota

9 “Waaqase we piisa ettaninno ikiini, ‘Dukaata mura ka mattaayshina ishina oli suraysada ka diissata olli' koda.

အခန်းကိုကြည့်ပါ။ ကော်ပီ




Xuuma Sakkaariyaasi 7:9
30 ပူးပေါင်းရင်းမြစ်များ  

Taawwiti ka ishi kide, “in fuuran! Anti aappaayshin Yoonataani mallan kida ka paxaarumta ke kodaay. Ka piita Saa'ooli a aakkaayshina piisan ke kalsha atti ka awta piisa ana olli damta damta.”


ikka nyirfa kahartiyyotinni in foolsannin qinittaadi ka ana'en sakniniiyyi.


Nama moottaadi paxaarumta koda diishe; Waaqase we' piisa ettaninno fuureta diishe.


Kalisoota dehassa qaran qapto'e, Waaqa hanqeelluma ka dukaata kodeetanne xasooni.


Ishina sanynyeeta Taawwitiiyyi, Waaqa asse kiini, ‘Akka kodaayshin a neeqa mina'e, miiriyyo akka apitta mina'en opaynin, nama libbisho ka in dapannini'i, kuyyaata mina'e teykanta karan dukaata mura; ka harka miidaampayta kela a saramen paha.’


Waaqa ikiini, “Dukaata mura ka hanqeeta koda ka a sarame harka miiddampaya oppa furada; umma haptiyya ka he'aya ka hiyyeettewwa qara dapa in kodan ka ishootta in miiddan; ka poroose oppa, nama dapa in qapnin in ishshan.


ma xoori ajajoose'en ishootta' daashe ka kide, ‘Ana ajajama samaytiyyo kodditaneey, anti ka Waaqaayshin koddaay; ka akka ishina olkela teyto'e saantada an ishin ajajna pisa oppan aana’


Kadi saantaayshin isho kodaayshin harmisannittan, ka matta mina jaalala dukaatatin ollin kallaannittaneeyye;


Isha' kaajaadi daltan leqeessini in co; umma kamma we takkan nefo teyanni in co; wa neeqa koda kapa alle'e sekaani; ka otanta a nama lakki oppa' dukaata murri.


Waaqase' piisa qara qapo ikiini, “Ishina' saarra kukutta a Isira'eelitiiyyi, ha ikoddite! Karpa kodeeta ka miiddota alle' diisha! Ka dukaata ka hanqeeta koda; piitaaysho oppaayye alle samaytiyyo in daanan; sede ana Waaqase' piisa qara qapo asse haasawade.


Waaqa ikiini, “Xawda a Isira'eeli akka xawda a Kene'aani' mina'e taara qara murenen paata kanni ka orra sassapanni.


Oto firteeta farannittaneeyye, mure dukaata kamman in dapan; ka hanqeetan nama piisa dukaata mura diisheey teekolayta qara in qatan, umma teyantoolayta in ulfeessan.


sede kapaayye firteeta dukaata akka pisha urqina' mina'e ka hanqeellumaaw, akka pisha kirra a kuuni in kinnin mina'e a karittaayshin kareela paaden.


Namo! Waaqa wa paxaara'e ke' lele. Ha isha wa ke qara faana, akka wa dukaata kodde kooto ka xoona a jaalala' qapa qapnaatto ka Waaqaayti olli naalumaan kallaatto faani.


Eta a Yursaalami isho katamadda a kapandesa ca a orra oppa immakaade ikka teyantooden ka nakaytan eeyye kallaannaaneeyye, akkimase' mina'ew, sapana a samayta kuttayta a piita qinda tupatta isho a qinda piirtota opa kittooyye kunkunnawwa qara isho koommayta tupattati kalooyye, erkana a Waaqa xuumampayaadi a xatta' qudan ishootta' haasawade sene are caa'enne?’” Akka dukaata mureeta isho diissata olli' kodeeta wa a jaalatame kodden;


Erkana a Waaqa ka amma Sakkaariyaasi kapopa de'en ka kiini,


Pappahanassampayaay, Feresaateeyye ka kollissampaya a seeratiiyyi, oo ishin kido! Ishina iffayyadda ka jalatawwa ka kontikoossadda isho kirdifaaya kuli qaraayye kuma kundatta daannittan, ma xoori seeroppaayye wa sene akata parpaaccisna'e, alle diinnittan. Ishootta nefo, mura dukaata ka diissata isho amanuma. Helani, allu a ataakane a diinnin mali sene kodeeta ishin parpaaccisini.


“Ishina Feresaate, oo ishin kido! Qinda takkan iffayya ka jalataata isho qora shashakka piisa qaraayye, harka kudanippa takka daannittan; qinda pilaatin xoori, firteeta dukaata isho jaalala a Waaqa'e alle diinnittan; oto a taakka koonittaneeyye, allu sede diissata ishin parpaaccisni in kitto.


Firteeta dukaata' farata diishe, fuula nama tooyeetan qatayma an faratan.”


“Akka seerinno' qara'e, nama takka wa ishin xasasame, mina'e; malseeta a oorsanno a opani qara in dakaynini ka wa kode in upanaannin maliiyyi iqara faratammi?”


Xorma taaki kahirta a innaassina a piita oto mayyaaqto akka akkitooyye jawi in kidan; ma xoori qeede ka innaassina ishin kale.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ