Xuuma Sakkaariyaasi 5:3 - Mataafa Qulqulloota

³ Isheetta ka ana' kiite, “Ha sene jiijasene piita piisa qara' de'a akka mataafose qara qinda takkan taafamte mina'e, nama hanno piisa ipata; akkimoose' mina'ew akka qinda pilaatin taafamte mina'ew, nama dartan xaxanno piisa ipata.

Xuuma Sakkaariyaasi 5:3 ပူးပေါင်းရင်းမြစ်များ

Mataafa Sooketa 20:15

“in hatan.

Mataafa Pahana 29:24

Nama kera olli parkummo, a karitta isqara kutade; a xaxa jiija upooyye, dukaata haasawatta kapa jaw kiini.

Mataafa Pahana 3:33

Waaqa tikka ukkuttowwa'e jiijni ka tikka hanqeellayaati' sakni.

Mataafa Pahana 30:9

A taakkiti in duttana ka ke marmada ka kida, “Aynon Waaqa?” Taaki in teeka ka hata ka maxxa Waaqiyyo' jeersha.

Xuuma Issayyaasi 24:6

Semmalla jiija ka piita piren; a isheettoppa kala ka dapaaysho minan qatta'ammi; orra a piita qara kalo ka pirama; shakkaytaaw ka kela hasa.

Xuuma Issayyaasi 43:28

Semmallan kutkuttowwa a tikaayshina a qulqulloota' jeersha, ka pateetta a neeqati Yayqoopi daasha, ka otitta Isira'eeli tarpisha.

Xuuma Issayyaasi 48:1

Ishina a samayta Yayqoopi kodde ka maxxa Isira'eelitin halaamma, ka kafa Yihuta oppa' dalade, ka a dukaata ka hanqeetan in koddinin mali, maxxa Waaqatin xaxanna, ka Waaqa Isira'eeli' tura upnanna, sede dakaya!

Xuuma Ermiyaasi 23:10

piita dahalmayaanne immakaatte; jiija qaran xaate'e piita ipooyni; deeta a koommayta kulika koke; xuumampaya saantaaysho iquumatte; ikka ukkumeetaayshotin amala mali koda kooni.

Xuuma Ermiyaasi 26:6

akkan Seelo pashshe mina'en tikoose are kitto a qulqulloota pahasha; ka samayta piita piisa tura'e katamoosen are ca a jiijameeti koda.’”

Xuuma Ermiyaasi 5:2

Kadi punu xaxannaan ka kiinaane, ‘Maxxa Waaqatinnin xaxanninnaayye!’ Dartanne xaxanni.

Xuuma Ermiyaasi 7:9

Ka hannittan ka nama ikannittan ka dahallittan ka dahalsannittan; ka dartan xaxannittan ka killanna a pa'aliti'i tankarta qayyannittan; ka killanna a pila a upnini kamma annittan;

Xuuma Hisqeeli 2:9

Eten tooyyadeeyye tin, anka harka mataafa a ollopa marrammo a kara taafame qapade ka anopa deraade akke.

Xuuma Taani'eeli 9:11

Samayta Isira'eeli' piisa ka seeraayti qepshe ka haasaatti' ajajama tiite. Akka qootan ke' dakaya tiinne malla jiijasene a' xaxaan Muuse' seeran daasse ino qara' qeette.

Hoose'i 4:2

Orra kodayteeta a xaxa'e pooni ka darta kodeeta ka oli lessaata ka hatanta ka almaluma ka karpa koda kammaaw anni, oli lessaata nefo ka koopte.

Mataafa orra Lewi 19:11

In hatan; darta an kodan; umma olin sassapadan;

Mataafa orra Lewi 19:12

umma maxxiyyon darta qara in xaxadan ka maxxa a Waaqaayshina in nyalshan; anti an Yaahiwwe.

Xuuma Amoosi 3:10

Waaqa ikiini, “Orra wa a karpa isho a saraatin tikkaasso immakno, wa paxaara koda in upo.”

Xuuma Sakkaariyaasi 5:4

Waaqase we piisa ettaninno ikiini, ‘Ana jiijoosen erka, ikka tikase a kera isho tikase a namase maxxiyyon dartan xaxanno karopa kulla ka eyye tikkaasso kara tawan ka turaayye tikkaasso ka qoraasso isho dakaddaasso alle qitqishshan.”

Xuuma Sakkaariyaasi 8:17

Karittaayshin kara'e, oli qara wa neeqa'en dikadan. Ka dartan xaxatta in jaaladan. Waaqa ikiini, anti sene piisan needdanniiy.”

Xuuma Milkiyaasi 3:5

Waaqase we piisa ettaninno ikiini “Anti firteeta'en ishin oppopa de'a ka tipampaya ka dahalmaya ka orra dartan xaxanno ka orra muushshaara a yaala nama dawrino ka orra hiyyettewwa ka he'aya isho kalayta miiddino ka ana tura furri in kinnin qara jarjartan farata.”

Xuuma Milkiyaasi 4:6

Anti akkan andeenin ka piitaayshin an jiijnini'i, isha de'a ka kollissaadin toolla isho hellaa dikattaan olkela dape takka' koda.”

Maatiyoosi 25:41

Ka kamma desaaw, isasene qinda pittittaaditin caati kida, ‘Ishina jiijameeti, ana kapa sekaada ka apittase libbini in kinnin seetana ka erkampattowwaadi harmisame oppopa aana.

Luqaasi 21:35

Kuyyaatose, a isi qara in upnin mali orra a piita qara co piisa qara kayta.

Efesooni 4:28

A hanno arepa desa in hannin; sekapaayye, akka rakkatampaya'e wa daasha' qapnaado'e a harkaadin wa paxaara' kodo ka yaalo.

Timotoosi a paayyota 1:9

Seeraaw akkima hanqeellaya in kodammin in upna; seera, tiyyoolaya'e ka a seera qepinnaati ka a Waaqa waaqaysanni in kinniniti ka juppoolaya'e ka a qulqulluma in qapniniti ka a wa hapura' puyannaati'i ka a Aappaayhso ka aayyaasso lennaati'i ka a orra lennaati'i

Yayqoopi 5:12

Hellaanno a kiristaanatiiyyi! we' piisa qaropeela, moonta taaki piita taaki wa pila takkan nefonne in xaxadan. Haasaassin oton “Aayye” a dukaatan “aa” kodden. Otoon “inna''iyyi” a dukaatan “inna''i” koddito. Oton asse in koddininiiyyi i'ishin qara' faratamta.

Yayqoopi 5:4

A kodditoma ferampaya a dullaassin oppa feraappa nakayeeti' qoota' xaayyaasso a' daanin malla, tin ullupitta lelatta'e dakaanni. Poqlase we piisa ettaninno ka ullupitta a ferampayooseneti' dakaye.

Mataafa Iyyaasu 9:20

Ino akkan ishootta quda an qapannini'i, qootan ishootta olli kodayteeta kodanne malla, oton atan oorrinna ka amma ishootta quda qappanninnaayye Waaqa ino qara miiroodaay, a eeyye tawen; nama ishootta quda in qappannin.

Keleshaata 21:8

Ma xoori, fuurampaya ka a amanteeta in qapnini ka a nyale ka a nama ikanna ka sharmuutta ka a kodkodda kodanna ka a killanna kodanna ka dartampaya piisa, qeraytaaysho pakateetase a apitta. Isase a daka apitta oppa opayno oppa kodda. Sede nefo tootase a lammatta.”

Keleshaata 22:15

A kutta mina pakkaloode ka kodkodampaya ka sharmuutta ka a nama ikanna ka a killanna kodanna ka a darta jaalanna ka pora darta koona, katamaseneti laka tula caan.