Xuuma Sakkaariyaasi 4:2 - Mataafa Qulqulloota

² Ka ana kaassatte ka kiite, “Maana akkini?” Anti ka kide, “Wa a qara ipsa xaaynaane a warqeeta pattoppa kodame'en akkini. Kuutaadi qaraayye okta sayteeta'e ca; isheetta qaraayye ipsada opayna' tappa ka caan ipsadosen tappa nefo matta mina'e luulla a karan xaynaata tarpinitta'e qapan.

Xuuma Sakkaariyaasi 4:2 ပူးပေါင်းရင်းမြစ်များ

Mataafa Otoowwa a paayyota 28:15

Ka pora a qara ipsa xaaynaan isho a qara opannaane piisa mina warqeeta hiilan ishi daashe ka pora a qara ipsa xaaynaan isho a opannaaneti sipla dakara asseew hiilan daashe.

Mataafa Otoowwa a lammatta 13:11

Ishootta ka kalisoota kupannitto isho tankarta alaawnitto teykanta ka kalaakala fuula Waaqa tura' dehanni. Ka kalisoota laaqqota a xawwi reexxamte akka taantetaadi mina'e, tarabbeesa a Waaqa reexxame qara' xaayni ka halkeetta piisa mina'e, waasene qara ipsa xaaynaane a warqeetoppa kodame qara'e, ipsada qapsiisni. Ino ka asse seera Waaqa Poqallaanno tooytanninna; ishina' xoori alle'e Waaqa diissen.

Mataafa Otoowwa a lammatta 4:7

Selemooni ka taanteta a koda a ishi daasamte mina'e, wa ipsa qara' xaaynaane kudan warqeetoppa kodacciise ka tika qulqulloota kela'e, ken qinda tupattatin xaaye ka ken qinda qutattatin xaaye.

Mataafa Dehaamta 12:6

Semmalla a yaateta dakara pirreeta in mittamminin, saahina a warqeetoppa koden ka in maajammin, teeppa a kattoota quda sukkene ka ela pisha qara in mittammin, kulpalla pisha ka in pappaqnin turan,

Xuuma Ermiyaasi 24:3

Waaqa ka ana kide, “Ermiyaasi! Maana ke akkaanni?” anka kide, “Luukkata a hilteeta'en akkini; a paxaara akata paxaari, a neeqa ka akata neeqi; umma damta in koddito.”

Xuuma Ermiyaasi 52:19

Ajajampaytase a tooytampaya nuqusa ka saahinna ka meeha kara tankarta qayyannaan, ka qorewwa, ka tistewwa, ka meeha qara ipsa xaaynaan, ka jilfada ka kuppaayyadda a kalisoota ikkayta, isho meeha a warqeeta isho dakara pirreeta oppa kodame piisa qeede.

Xuuma Amoosi 7:8

Waaqa ka ana' kide, “Ata Amoosi maana akkini?” Anka oorshe ka kide, “Tumpeetan akkini.” Harmitta a qupeeta a tumpeetan(pinkoota) ekkaysanno. Waaqa ka ana' kide, “Qoota samaytase' xayya a Isira'eeli akkima kawwatta a tumpeeta mali dawamte mina'e, tonqolqola kodde malla; pahanoosen a tumpeeta neequmtaysho'e akkinniiy, hakan ishootta qatta'o mali an diisho.

Xuuma Sakkaariyaasi 5:2

Erkampattootase ka ana kaasatte ka kiite, “Maana akkini?” Anka ishi oorshe ka kide, “Mataafa a ollopa marrame, a derumtaadi dikla kunda lakki, paldumtaadi ka dikla kudani kodde, a moonta quda annon akkini.”

Keleshaata 1:12

Anka ayno akkima ana' haasawanno upatta'e, iskamman desa tiitaawe. Ka eten tiitaaweeyye, wa a qara ipsa xaaynaane a warqeetoppa kodame tappa akke.

Keleshaata 1:20

Juuttota a hikkasene tappa a harkiyyo a akkitta oppa akkite isho a meehase qara ipsa xaaynaan a warqeeta tappa sede; hikkasene tappa, erkampattowwa a tikkasene a kiristaana tappaati. Meehase qara ipsa xaaynaan tappaaw, tikkasene a kiristaana tappa.”

Keleshaata 4:5

sufaanase qudaayye, hankaada ka nessa xirara isho a qaqawwa ka deeni. sufaanase turaayye ila opayna tappa ka caan. Ishootta' nefo hapurrasene a Waaqa tappa.