Xuuma Sakkaariyaasi 2:9 - Mataafa Qulqulloota

⁹ Amma anti harkiyyon ishootta qaropa xaasha, isasene karpishshadda kodde ka ishootta saran.” Sekkammaayye akka Waaqase we piisa ettaninno ke kapopa ana erke upnaatta.

Xuuma Sakkaariyaasi 2:9 ပူးပေါင်းရင်းမြစ်များ

Xuuma Issayyaasi 10:32

Awwe kuyyaasetiiyyi, nyaapa katama Noopi oppa kaye ka katamasene a Yursaalamitiiyyi irrootase a Siyyooni' qara xata ishin' fuurissa'e qupitta lelleehinni.

Xuuma Issayyaasi 11:15

Waaqa pakateese a Kipsi quda isase piita karandesa kalte kuusha ka hupnaadin kirra Efraatisi' qara' xa'a ka fishshana tappa' koda ka olkela qoota, orra ka oori loqqaan oppan tuulla.

Xuuma Issayyaasi 12:6

Ishina Siyyooni qara kalatiiyyi, qulqullittase a Isira'eeli ishin oppa kalo ikuttiiy, ililiwa ka xasan dawada.”

Xuuma Issayyaasi 13:2

Kunkunnaata lulte qareela milikkita opeela xaasha ka nessa kuttan ishoottopa ullupa ka akka xarra kutkuttowwa a Paapilooni oppan kullane'e harkan ishootta' akkisha.

Xuuma Issayyaasi 14:2

Mankistewwa piita ka Isira'eeleta qeedan ka piitaadippopa isheetta kalshan; piitase a Waaqa isheetta' daashe karaayye, Isira'eeleta ka mankistewwasene a piita orxaya a diira ka a iskattati kodatta ka ishootta lehatta; Isira'eeleta ka isasene turan ishootta pooje, poojta ka a turan ishootta miidde' piddita.

Xuuma Issayyaasi 19:16

Awsitiiyyi Kipseeta a iskatta mina'e fuurampayteeta koddita; qoota Waaqa a we piisa ettaninno isheetta qatta'a'e, harkaadi xaasho malla, itammaqta ka fuuraan xarta.

Xuuma Issayyaasi 26:1

Awsetiiyyi, masmuurese'e' piita Yihuta oppa' dawama; katama kokkoka'en qapna; akka kawwatta isho mishshikeeta katama quda' dawnaan mina'e, Waaqa ka wa isheettan paha' kode.

Xuuma Issayyaasi 33:1

Oo, ke a in pannin mali patissampayta kodde ka a' marmatammin mali marmattampayta kodde, oto' patissa diissooyye atti ipatta ka oto' marmatta diissooyye, marmatamta.

Xuuma Issayyaasi 33:21

Eyye'e Waaqa kuttumaadin ino olli caada; isha kirrada isho fishana a pappalda a qaran nama takka nefo koonka isho markapan tuulla ettaninni in kinnini ino' kodda.

Xuuma Issayyaasi 33:23

Samaytaayshin xoori markapa a kara wataroota horoqte; a karaayye tuudaadi jibi in kiinin ka in qa'annin, sharaadi ka in pinkinnini paha; sekkammaayye xoori poojeta a kutta'e qoottadan; toonnaya kuli ka poojese' saradan.

Xuuma Issayyaasi 4:5

Sitiiyyi Waaqa ka orra katama Yursaalami kara kalo ka eeyyepa xore piisa qara'e, kuyyaateeyye urratta ka qayya qapa ka halkeetteeyye apitta opayno ka la'ayno qapa; ulfeenaadi ka ishootta piisa qara tukkana kodda.

Xuuma Issayyaasi 48:16

Ana kapopa dehaada ka sede dakaya; paayyote paayyatte, anti dekandekatti an haasawanne, a koddinittooyye eeyyen ca.” Ammaaw Waaqase piisa qara qapo isho hapuraadi ana erke.

Xuuma Issayyaasi 60:18

Umma arepadesa karpuma piitaayti kara in dakaado, patissa ka qitqitissa xeelaayti kara in dakaado; akka dina haleeta ka kiita, ‘Kawwattiyyo a oxinta’ Ka kalata kiitaawwe, ‘Xarradaayyo a katama.’

Xuuma Issayyaasi 60:19

Umma arepa desa kuyyaateeyye piirtota la'aytaayti in koddito, umma halkeetteeyye leya la'aytaayti in koddo; ma Waaqa haka paraparati la'aytaayti kodda, Poqallaatti ka ulfeenaayti kodda.

Xuuma Ermiyaasi 27:7

Eta piitaadi orra pilaati piddammitto, samayta leka isho nuqussa a kutkutta ka isha piddinaan kara'e, samayta piisa isha ka innaadi isho oopaadi piddama.’”

Xuuma Ermiyaasi 28:9

Xuumampayta akkima nakayta koddo xuuma haasawanno xoori oto qaaleta xuumampaytaseti dikkattooyye, akka dukaatan Waaqa isha erke sedenne upnaysammi.”

Xuuma Ermiyaasi 8:19

Nessa a enenta samaytiyyo a piita sekati desa ullupno ka kiino, “Hela Waaqa Siyyooniiyyi in co? Hela nuqusaadi eyye in kalo?” Dakaanni. Waaqaaysho ka ishootta kiini, “Ishootta maana'e pahanaddaasso a xefameetin ana miirayshen; ka killannaasso a haptatin ana tanaayshen?”

Xuuma Hisqeeli 39:10

Semmalla lakoppa qora qorootatta ka muroppa qora qorootatta ishootta parpaaccisni in kitto; maana malla mehaddaasso a oranna'e xaayyadaneey ka a ishootta qara pooje' poojan ka a ishootta sare' saran.” Waaqase' piisa qara qapo asse haasawade.”

Xuuma Iyyu'eeli 2:27

Samaytiyyo, anti akkiman ishin olli co, ka anti Waaqa patta ka Waaqaayshin kodde, ana mali Waaqa pila ka in kinnini upnaattan; semmalla amma desa oori wa samaytiyyo jeersha in caadan.

Xuuma Inpaqoomi 2:17

Akkima qora Lipanoose' quurte mina'e, asseewwe' kapa' quuramta; atti pinaana karpan pirteey, ishootta kapa'e ke fuffuurissaan ke rakkacciisan. Wa a malla se piisa ke qara' kaynitta' qoota diika orra lekayta' tuqte ka katamadda piita qara ca' piisa qara' karpa koote malla.

Xuuma Inpaqoomi 2:8

Ha ishina' teyanta orra pila'e' sarten. Ma xoori, orrase a' lessen kelaayye peela hase, awse'e kapa ishin saraaw. Wa malla sepisa ishin qara' kayte' qoota diika samayta katamadda leka oppa kalo tuqten ka qara karpa kooten malla.

Xuuma Sofooniyaasi 2:9

Semmalla anti Waaqa a we piisa ettaninno Waaqa a Isira'eeli maxxiyyonnen xaxanni ka kiini, “Anti orra Mo'aapi'in akka orra Sotoomi' mina' koda ka orra Amooni akka orra Kamoora' mina koda ka piitaaysho jabbaan rafsha ka akka piita okma' mina koda; ikka onta, orriyyo isase leeta kela pahe nefo ka ishootta sara ka wa a qapane' piisa xaayshoti' kodada.”

Xuuma Sofooniyaasi 3:15

Waaqa, dapase a allu ishin qara' mure, alle'e diishe ka paarkaalaatti alle' pashshe. Waaqa nuqusase a Isira'eeli' qoota otantaayshin oppa co malla, arepadesa wa ishin qappada in caaneey, in fuuran.

Xuuma Sakkaariyaasi 2:11

Awsetiiyyi, samayta a piita lekayta'e Waaqa kapopa heeqqa ka samaytiyyo kodda; anka ishin oppa' kallaada.” Atti ka akka Waaqase we piisa ettaninno ke kapopa ana erke upnaatta.

Xuuma Sakkaariyaasi 2:8

Waaqase we piisa ettaninno i'ana' kiini, “An ke ulfeesse ka samaytase a piita ishin sare qaropa ke erke kammaayye, nama ishin qappanno, nama tuma iltaadi oppa qapanno mina.

Xuuma Sakkaariyaasi 4:9

“Sarupaapeeli isha kiritta tikoose a qulqulloota harkaadin kateey, ishaaw harkaadin dikkisha; ishina ka oori akkima Waaqase we piisa ettaninno ishin kapopa ana erke upnaattan.

Xuuma Sakkaariyaasi 6:15

Sitiiyyi orra a pora sekaayye kalo ka qaarqaarsa qupeetase a tika a qulqulloota a Waaqati' de'a. Ishina' nefo akka Waaqase we piisa ettaninno ishin kapopa ana erke i'upnaattan. Sede nefo oto ishina dukaatan qaaleta a Waaqa a Poqallaassinati ajajammittaneeyye koddita.

Xuuma Sakkaariyaasi 9:15

Waaqase we piisa ettaninno ka ishootta tooyta ishootta ka paarkaaladdaasso pashshan. Ka dakaan kullumissaan ishootta piran ka ikan ka akkima nama taadeta wayneeta' maashshoode mina ullupan. Akka diika toma kalissoota oppa immakaanno ka qaran tuqammo mina'e, diika paarkaalaassoti asse tuqma.

Yohaannisi 13:19

A sede in koddinin turan, waan malla amma turan qattishe ka ishina' lella, oto wessen koddan kammaayye, akka aynumiyyo amantan malla.

Yohaannisi 16:4

Waan malla sede ishina' lella' xoori, oto Etosen kaytooyye, waan ishina' lele akka matte oorsattan malla. Kamma' desa Yesuusi ikide, waan malla se turan sede piisa, ishina an lellini, qootan ishin olli co malla.”