Xuuma Sakkaariyaasi 2:4 - Mataafa Qulqulloota

⁴ Ka isheetta' kiite, “Keere ka xayyoolayse eeyye co' kide, ‘Ha Yursaalami lekumta a orra isheetta kara kalo ka a horeetaadi' qaran xaate'e, akkima katama a quda kawwatta in qapnini mina'e koddita.

Xuuma Sakkaariyaasi 2:4 ပူးပေါင်းရင်းမြစ်များ

Mataafa Asteeri 9:19

Semmalla Yihutaata a katamadda shashakka oppa kalto, leyase ataari kidammo oppa kuyyaata kudanka afratta ulfeessini ka oppaayye daassawwa olli' daddanni.

Xuuma Issayyaasi 33:20

katamasene' xanno a Siyyooni, an kara' xaysonessumaddaanno a upnaysame ulfeessininna tooya; katamasene a Yursaalami, a kara kallaata ettannitta, isheetta tukkana a poraadippa lellehni in kinnin, a issalmaadi shukkammi in kinnini, watarootaadi ka mittammi in kinnin' mina.

Xuuma Issayyaasi 44:26

Anti qaaleta orxaytiyyo'en dukaysanni; ka dehaama orra ana erkammooti fulaan kayni; ka qoota Yursaalamiti desa kiini, ‘Orra kara' kallaada,’ Ka qoota katamadda Yihutaati desa kiini, ‘Iqupaman tikkaasso a qitqite ka dawaman.’

Xuuma Issayyaasi 49:20

Hellaasene' xaayti a eta poojamaati xaayte ide'an ka ke' kidane, ‘Poran oppa kallaanno i'ino' qajeey, pora an oppa' kallaanno ino' daashe.’

Xuuma Issayyaasi 54:16

Tin, anti aappa silpa tummo ka karmootetan dila afuufno ka kodooseti'i' meeha oranna' tummon uume; ka karpampayta a paata patinno uumeew.

Xuuma Ermiyaasi 1:6

Antika kide, “Oo Waaqqo ke piisa qara qapo! Tin qootan nama shakka kodde malla akkima haasawannaan an upo.”

Xuuma Ermiyaasi 31:24

Yihuta isho katamaddaadi oppa orra kallaada; a qota qotanna isho a horeetaaysho kammaaw aananna, pora takka'e ollin tawan.

Xuuma Ermiyaasi 31:27

Waaqa ikiini, “Tin kuyyaata an oppaayye piita Isira'eeli isho a Yihuta, nama isho horeetan immako de'a.”

Xuuma Ermiyaasi 33:22

Akka hiikka a moonta dikammi in kinnin, tahayta kirra ka kurammi in kinnin mina'e, anti asseewwen sanynyeeta Taawwiti a orxaytiyyo isho a qeesewwasene a Lewaata kodde ka ana' koda koona leksha.’”

Xuuma Hisqeeli 38:11

Ka kiita, ‘Tin aana ka piita a karaayye palewwaadi isquda kawwatta in qapnini torpa; ka palewwa a xarrada isho teehowwa a silpa in qapnini a jaw kide ka nataan kallaanna' torpa.

Xuuma Taani'eeli 1:17

Waaqa ka xayyoolayse afuri'i ookuma ka upna kolluma isho matte pata oorsatta daashe ka ishoottoppa desaaw Taani'eeli'i, upna keleshaata akkeeta isho a olsa fureeta' daasheew.

Xuuma Taani'eeli 1:4

Orra a reexno nefo, xayyoolayta a toobuma in qapnin ka xarjaallewwa a ookuma ka upna qapa ka wa kollinnaane eennoow qapanno ka tika nuqusa kara koda koda ettansho kodda ishootta parpaaccisni; ka akka fitalla ka afaa Paapilooni' kuli ishootta kollisho'e, Shfanaasi ajaje.

Xuuma Mikkiyaasi 7:11

Ha kuyyaata oppa kawwatta katamaassina' dawattan ka xeelaayshin kuli paldisattane de'a.

Xuuma Sakkaariyaasi 1:16

Semmalla Waaqa ikiini, ‘Diissata kodaannen Yursaalamipa oora, tikiyyo ka a lammatati eeyye' qupamta; opan ka Yursaalami harmissa'e teepaan isheetta ekkaysadan.’ Sede Waaqase we piisa ettaninno asse kiini.

Xuuma Sakkaariyaasi 1:17

Amma nefo asse kide ka salsheew, “Waaqase we piisa ettaninno ikiini, ‘Katamaddaayyo i'ooran ka teyanta' posh kidan, Waaqa ka amma nefo Siyyooni' xasa oorsha ka Yursaalami nefo reexada.’”

Xuuma Sakkaariyaasi 12:6

Kuyyaasetiiyyi, akka xoopnatta apitta a tuula qora oppa qapade ka akka ila apitta a tuula unta oppa' qapade mina'en saarra a Yihuta' koda. Ishootta ka samayta a ishootta kapandesa a qinda akitta isho a pittittatin co piisa kupan. Yursaalami' xoori, poraadippaayye in lehto.

Xuuma Sakkaariyaasi 14:12

Waaqa samaytase a piita Yursaalami torpe piisa qara'e erkannaata qeeda. Dakintaaysho ka a eeyye qa'annaan quda'ew tupa japjapta; ildaasso ka qaawwaasso kara'ew tupa japjapan; arrapaddaasso ka afaasso kara tupa japjapan.

Timotoosi a paayyota 4:12

Qoota' xayyoolayse koddite malla, nama ke in puyannin ma se kapaayye, haasaanne ka kallaatanne ka jaalalaanne ka amanteetanne ka qaja dapeetanne, orra amanno' pahana a pxaara' kodde.