Xuuma Sakkaariyaasi 13:2 - Mataafa Qulqulloota

² Kuyyaasetiiyyi, maxxada a killowa'en piisse oppaayye pashsha, umma arepadesa nama matte ishootta oorsado in caado. Anti xuumampaya a darta isho hapurra neeqa'en piisse oppa alle' tawsha.

Xuuma Sakkaariyaasi 13:2 ပူးပေါင်းရင်းမြစ်များ

Mataafa a Nuqussa a paayyota 22:22

Waaqa Poqalla ka ishi kide, ‘Atta isha sasapatta?’ Hapurase ka kide, ‘In aana ka afa xuumampayaadi oppa hapura darada kodda.’ Waaqa Poqalla ka ishi kide, ‘Aane sassapado, ike olkela teytaay.’

Hoose'i 2:17

Awwe desa akka afaappaayye killootase a pa'aali pora in haleenini in qara dawra.

Mataafa Sooketa 23:13

“Waan anti ishina lele piisa qanqannissa dakkaysada, umma maxxada waaqadda pila pora in halan ikka afaassin oppa in dakaannin.

Xuuma Hisqeeli 36:25

Pisha paxaara'en ishin quda' fidda; akka nyalaassin pisa oppaayye jaqqamtan; anka killannaassin piisa alle ishin oppa tawsha.

Xuuma Hisqeeli 30:13

Waaqase piisa qara qapo ikiini, “Killanna alle'en pashsha, ka waakkadasene katama Memfiisitiiyyi ca alle pashsha; umma arpadesa piita Kipsi kara mukissampayta in caado; anka piisse qara' fuura tuqa.

Keleshaata 19:20

Ma xoori pinantase iqapamte; isheetta quda'ew xuumampaytase a darta turan fuulaadi tura wa orra qawwanna lekaya koono ka qapameew. Isha wossen orra qawwanna a koonaatin orra milikkitase a pinantaseti teyyade ka waakkasene a pinantasetiti sakatanno akka kamma dapo kooni, ishootta lakki pakateetase a'apitta daka apittatin opaynitto oppopa akka caanen katamen.

Luqaasi 11:20

Semmalla oton anti hupna Waaqan orriyya sookinnooyye, mankisteeta Waaqa akkima ishin kapopa deete, upnaada.

Maatiyoosi 12:43

Kamma desaaw Yesuusi ikide, “Hapura neeqa oto nama kara sookooyye, pora oppa nessado faddatta'e, pora a oppa pisha in kinnini oppa pora anni, umma teyni in co.

Xuuma Sofooniyaasi 2:11

Qoota Waaqa killanna piitaaysho oppa ca' piisa alle' pashsho malla, ishootta isha fuuran, orra piisa ka pora oppa kalo piisa oppaayye isha waaqaysada.

Xuuma Mikkiyaasi 2:11

Kadi nama takka paata patta torrino qoota taadeta wayneeta ka ikkayta orra maashshannooti desa orra kollinna, isha orrooseti xuumampayta kodda' ettana.

Xuuma Hisqeeli 37:23

Umma kulipaata killannaasso ka waakkadasene xaaysho jippame taaki juppootaayshotin issi in nyalshan; ma anti juppoose' xaaysho a oppa o'ooretan koden pisa oppan ishootta dinsha ka ishootta jaqqa; ishootta ka samaytiyyo koddan; anti ka Waaqaaysho' kodda.

Xuuma Hisqeeli 14:9

Oto xuumampayta sassapatamooyye ka qaaleta a xuuma' haasawadooyye, a xuumampayse sassapade ana Waaqa; anti harkiyyon isha qaropa xaasha ka samaytiyyo a Isira'eeli oppa alle isha pashsha.

Xuuma Hisqeeli 13:23

Semmalla arepa desa keleshaata a darada a akkitan; umma kodkodda a' kootan; anti harkaayshin oppan samaytiyyon pahada ka akkan anti Waaqa kodde akka upnaattan.”

Xuuma Ermiyaasi 29:23

Maana malla Waaqa ikiini, ‘Qoota iskatta xeliyyaassoti dahallaan; ka an ishootta an ajajnin mali maxxiyyon xuuma darta haasaawannaan ka seden Isira'eeli kara wa xaccanna koden malla, a sede upo ana ka an maakkittaay.’”

Xuuma Issayyaasi 2:20

Kuyyaasetiiyyi awse orra killowwasene' xaaysho a dakara pirreeta isho a warqeeta a ishootta sakatatta kodadene' piisa, alle shipinshipirrawwa isho tapaya kappina turopa dakkan.

Xuuma Issayyaasi 2:18

Killannaasso' piisa ka takka' patan.

Mataafa Masmuureta 16:4

A killowwa kamma hirra, nyarrahataaysho ikoopta; anti' xoori kalisoota diika killowwoseneti an dehanni an co; umma afaappa nefo maxxaaysho an dawni an co.

Mataafa Iyyaasu 23:7

Umma orroose otantaayshin oppa kalo a pila olliiyyi maxxada killowwaassoti in halan. Ka ishin in xaxadan, umma ishootta kela orxaya in koddan ka ishootta'en sakatadan.

Mataafa oppa' Ooreta 12:3

Ka poqaddaasso a kalisoota alle qitqishsha ka dakaddaasso a killowwa oppa faata; ka olaahiyya a killoota asheera alle apittan kupa ka pahanasene a killootaayshoti a xefadene oppa quura ka piitopa dakka; ka porroosen qaraayye alle maxxadaasso pashsha.

Mataafa Sooketa 22:13

Oton pinanta dameeyye xoori, a wa kela hase maakkitta ishin de'o; umma wa pinanta damte kapa'e xaffala isha parpaaccisni in kitto.

Keleshaata 18:2

Ikka nessa a kuttan ullupte ka kiite, “Paapiloonise kutta ipi'ite! Ipiite! Ka pora oppaayye orriyya kalan koddite; ka pora oppa hapura nyale piisa ka xampira nyale piisa ka pinaana nyale ka jippame piisa qaa'inaan koddite.

Maatiyoosi 7:15

Kammadesaaw Yesuusi ikide, “Xuumampaya a darta kela isi tooyta. Ishootta oto ishin kapopa deenaaneeyye, qudandela kaharra pappahanaadan, ma karan xata qapampaya yoyta mina.

Hoose'i 14:8

Ata samayta Efreemiti, anti maanan killoota olli qapa?, Ha ana qinseetaayshin dakaya ka ishin qara tooya. Anti an pirpirta awta piisa ilaawuma quda' tawno mina; dalta daletaayshin nefo ana qudanneew kodda.”

Xuuma Hisqeeli 6:6

Ishina samayta Isira'eelitiiyyi, porrasene a kalisoota akka qitqitan ka patane'e, killowwaassin ka mammaajamane'e, porraassin a qara tankarta qayyannittane ka patane'e, wa harkaassinan kodattene' piisa ka patane'e, porra a oppa kaltane pisa oppaayye katamaddaassin lulle hasan; porraassin a sakatatta a kunkunnawwa qara ca ka patan.

Xuuma Hisqeeli 12:24

Maana malla arepadesa keleshaata darta taaki suuma sassapa samayta Isira'eeli oppa in caadooy.

Xuuma Hisqeeli 36:29

Nyalaassin piisa kelan ishin sooksha ka untaayshin ishina' palaysha; umma loota an ishin qara an qeedo;

Mataafa oppa' Ooreta 18:20

Ma xoori xuumampayta a qaaleta an anti ishan ajajnini maxxiyyon haasawanno, taaki maxxada a waaqadda pilaatin haasawanno piisa alle ishsha.’

Xuuma Hisqeeli 43:7

Ka ana' kiini, “Atti to'ampayta namatiiyyi, poroose are co pora suufaaniyyo ka pora a loqtiyyo oppa yetatto, anka haka paraparati otanta samaytiyyo a Isira'eeli oppa' kallaado; umma kulipaata samayta maxxase' xayyo qulqullaawe in nyalsho, umma samayta Isira'eeli isho nuqussaasso killanna' sakatattaanne ka oto nuqussaasso le'aneeyye wa a koonaanetinni maxxiyyo in nyalshan.

Hoose'i 2:19

Isira'eeli, akka haka paraparati' haantotiyyo koddito'en ke hema ka hanqeeta ka dukaata ka jaalala paraparatin isho suraysattaan ke hema; akka iskatteetiyyo koddita.