Xuuma Sakkaariyaasi 1:3 - Mataafa Qulqulloota

³ Semmalla samayta' lele ka kide, “Waaqase we piisa ettaninno ikiini, ‘Qindiyyopa tiitaawa; anti nefo in ishin opa tiitaawaay.

Xuuma Sakkaariyaasi 1:3 ပူးပေါင်းရင်းမြစ်များ

Mataafa Otoowwa a lammatta 15:2

Isha ka Aasa turopa sooke ka ishi' kide, “Atti Aasa ka samayta Yihuta isho a Piniyaamiiyyi anopa dakkaysada; oton Waaqa olli kinnaannittaneeyye, isha ishin olli kinnaada; oton isha' faanittaneeyye, i'isha teytan. Ma xoori oton alle isha diissaneeyye, isha alle ishin diisha.

Mataafa Otoowwa a lammatta 15:4

Ma xoori ete rakkadeneeyye, Waaqa Poqallaasso opa tiitaawen ka isha faden; isha ka ishootta teyyade.

Mataafa a Nehimya 9:28

Ma xoori ete nakayta akkadeneeyye, oppa'e ooreneew ka fuulaayti tura' juppoota kodeneew. Atti ka oppa' oorteew ka akka nyaapaaysho ishootta puto' kooteew; ikka ishootta piddeneew. Ma xoori ete tiitaawen ka kepa ullupadeneew, moonte xata ishootta dakayteew. Ka qoota' suraysattaayti koope malla ishoottan pahateew.

Mataafa Iyyoopi 22:23

Oton iWaaqase we' piisa ettaninno opa tiitaawteeye, kallaataayti ike' oorta; kadin tikaayti kela alle neequmta patinniiyyi,

Xuuma Issayyaasi 31:6

Ishina' samayta Isira'eelitiiyyi, anase a akata qara' falqa' xaaten opa tiitaawa.

Xuuma Issayyaasi 44:22

Ishin dapaytaayti a urratta' mina'en alle' haqa, ka juppootaayti a qayanqayoota teykanta' mina alle' tawsha; in ke furadeey, anopa tiitaawe.”

Xuuma Ermiyaasi 12:15

Ka oton alle ishootta maysho kammaayye, amma ishootta suraysadaaw ka ishootta takka takka lehandaasso isho piitaaysho oppopa ishootta oorshaaw.

Xuuma Ermiyaasi 25:5

Ishootta i'ishina kidene, ‘Ishina piisaniiyyi dapaayshin ka kodaayshin a neeqa qara oora! Sitiiyyi piitase xatta Waaqa aappadaassin isho ishina daashe oppa'e haka paraparati kallaattaneey.

Xuuma Ermiyaasi 3:1

Waaqa ikiini, “Nama takka oto iskatteetaadi alle diishooyye, isheetta ka anto ka nama pila opa hemamtooyye; hela i'isha kelopa kala ettaninni? Oton asse koddiniiyyi, sede takka kapa'ew piita piisa in nyalisso? Atti amma diira lekaya olli sharmuutumteey, ana kelopa oora heentaawwe?

Xuuma Ermiyaasi 3:22

Ishina samayta amanteeta in qapniniiyyi, anopa tiitaawa; amanteeta dapnaayshin oppa in ishin sookshaay.” Ishina ka kiitene, “Oowwe! Qoota Waaqa Poqallaanno koddite malla in kepa tiitaawna.

Xuuma Ermiyaasi 35:15

Anti an olkamma an mittinin malin orxayasene xayyo xuumampaya ishin opa erke, ikka ishina lelen ka kidene, Ishina matta mina'e, saantaayshin a neeqa qara tiitaawa, ka kodaayshin harmisha, ka killanna kamma pora in aanan, ka kela koda in kodan, ka piitase an ishina isho aakkadaassin a xattati daashe oppa' kallaada; ishina xoori, ana kela napahata a kanne, ka wa an ishina lella dakaya a heennaanne.

Xuuma Ermiyaasi 4:1

Waaqa ikiini, “Oo samayta Isira'eelitiiyyi! Kadin anopa tiitaawnima! Anopa tiitaawa ke faani kadi killannasene xaayti xaccanna ana tura alle sekannittaayye ka saantiyyo qara a' maqni a' kinniniiyi;

Xuuma Hisqeeli 18:19

Ma xoori ishina ikkiinittane, ‘Inna maana'e juppoota a aappaayshoti malla qatta'ammi in kinnin?’ Oto inna wa likkeetoppa ca ka dukaata kodde' kodeneeyye ka taantetiyyo piisa qanqannissa tooytadeneeyye, a dukaatati'i caattaan kallaadan.

Xuuma Hisqeeli 18:31

Ishin dapayta a' kooten piisa alle isi qaraayye kata ka karitta haaraya isho hapura haaraya issi' qapnaada; ishina samayta Isira'eelitiiyyi, kaata maana'e' pirammittan?’

Xuuma Hisqeeli 18:32

Nama takka nefo akka to'o an heenooy, anopa tiitaawa ka caattaan kallaada! Ana Waaqase' piisa qara qapo asse kiini!”

Xuuma Hisqeeli 33:11

Ishootta' kide, Waaqase' piisa qara qapo ikiini, ‘Caattampayta koddeetiyyonnen xaxanni ka juppoolayta akka juppootaadippa ooro ka caado faani diisheey, toota a juppoolaytatin an xasoonni an co! Ishina samayta Isira'eeliti tiitaawa; saantaayshina a neeqa qara tiitaawa diisheey, kaata maana'e' leetan.’”

Hoose'i 14:1

Samayta a Isira'eelitiiyyi, qoota juppootan kehaysatten ka pi'iten malla, qinda Waaqa Poqallaassina opa oora.

Hoose'i 14:4

Waaqa ikiini, “Qootan miira an ishootta qara qapo harfisade malla, samaytiyyon ana amanama diissata kela dinsha ka karittiyyo piisan ishootta jaalada.

Hoose'i 6:1

Samayta asse olli' kide, “Xooya ka Waaqopa tiitaawna isha ino qeqqepsheey, ishaaw qepanittinno hida, isha ino mataysheey, ishaaw ino dinsha.

Xuuma Iyyu'eeli 2:12

Waaqa kiini, “Amma nefo damta musattaan ka pooytan ka nyarrahatan karittaayshin kareela anopa tiitaawa.

Xuuma Milkiyaasi 3:7

Xelta aappadaassinati paayyatte, seeriyyo kapa issekaatten umma a' tooytaanne, anti Waaqase we' piisa ettaninno in ishina' kiini, ‘Anopa tiitaawa! Anti nefo in ishin opa tiitaawaay.’ Ma xoori ishina ikkiitene, ‘Hela attan kepa tiitaawna?’