Xuuma Sakkaariyaasi 1:2 - Mataafa Qulqulloota

² Ka kiini, “Ha anti Waaqa akatan aappadaassin qara' miirode;

Xuuma Sakkaariyaasi 1:2 ပူးပေါင်းရင်းမြစ်များ

Mataafa a Nuqussa a lammatta 22:19

“Porose are co isho orra piisse oppa kalo qara akkima jiija ka pateeta kayto nessa an haasawade ete dakayteeyye, qoota karittaayti qappatame akka fuuliyyo tura issi jeerisse ka mehadda isquda kakkaa'ite ka pooyte malla, Waaqa ikiini, ‘Anti in ke dakaye.’

Mataafa a Nuqussa a lammatta 23:26

Ma xoori kodaddasene neeqa a Minaase kode ka ishin Waaqa tanayshe minanne miirase a Waaqa Yihuta qara opaye ka orra fuurinno sitiiyyi ata in harfine.

Mataafa Isira 9:13

Semmalla, rakkoose kodinno a neeqa ka dapinno malla ino qara' kayte. Atti Waaqqo xoori dapa an koone mina' kitto ino a' qattane. Ka laadi akkan caanno'e, toota kela inon pahate.

Mataafa Masmuureta 60:1

Oo Waaqqo, alle ino katte ka ino qeqqepisseey; ka ino qara' miirotteey, amma ino dinsheew.

Xuuma Ermiyaasi 32:23

Ikka oppopa kalen ka lehaden; ma xoori qaaletaayti in ajajamme; umma seeraytin in kallaanne; umma wa atti ishootta ajajte takkan nefo in koone; semmalla atti ka akka neequmse piisa ishootta qara kayto' koote.

Xuuma Ermiyaasi 44:6

Seminan miiriyyo isho aariyyo ka porra a Yursaalami isho katamadda a Yihuta a ata hase qara' qite ka ishootta kupe; akka awwe akkinittan mina'e ikka lulle hasen nama takka nefo ka oppa in kallin.’

Pooyta Ermiyaasi 5:7

Aappadaanno juppoota koden umma amma tarra qara in caan; ino ka pakkaaysho oppa' qatta'amminna.

Xuuma Hisqeeli 22:31

Semmalla Waaqase' piisa qara qapo ikiini, ‘Aariyyon shootta qara' tuqa ka miiriyyo a kokkokan ishootta kupa ka dapaaysho' minan ishootta qatta'a.’”

Xuuma Hisqeeli 8:18

Semmalla miiriyyonnen ishootta qara' de'a; umma karittiyyo ishoottan suraysado; umma diissata an ishootta an kodo. Kadi punu nessa kuttan anopa ullupannaaneeyye, ishootta an dakayo.”

Xuuma Sakkaariyaasi 1:15

Ma xoori, samayta a piita a kiino nakayta ca qara'en akata miirode, maana malla anti minaddesan samaytiyyo qara' miirode; ishootta' xoori, akka miiddota koopto'e koden.’

Xuuma Sakkaariyaasi 7:12

Ka karittaaysho a daka' mina kokkonnayshen ka erkanasene ka seerase a Waaqase we piisa ettaninno xuumampayasene' xaadi a xatta qudan hapuraadin ishootta' erke dakaya tiiten. Semmalla Waaqase we piisa ettaninno ka akata ishootta qara' miirode.

Xuuma Sakkaariyaasi 8:14

Waaqase we piisa ettaninno ikiini, “Eta aappadaassin xatta akata ana' miiraysheneeyye, anti an ishootta an suraysannin maliiyyin ishootta patissa' piisade.

Kodampaya 7:52

Kamtoollayaay, aappadaassin ayno kamma pora in daannin? Ha aappadaassin xuumampayasene turan qattishe ka akkima hanqeellaytase de'o' lele'e leyshen. Ishina ka amma hanqeellittase toota' daassen ka ikassen.