Xuuma Mikkiyaasi 7:14 - Mataafa Qulqulloota

¹⁴ Waaqqo! Akka sikmayta fayya deettappan desa xelloota sikinno mina'e, samaytaayti siksado ka ishootta muroppa ca a xatta' mina'e akka piisse a Paasaani ka a Kele'aati oppan desa deetta deetane' kode.

Xuuma Mikkiyaasi 7:14 ပူးပေါင်းရင်းမြစ်များ

Mataafa Masmuureta 100:3

Ka Waaqa Poqalla akka Waaqa dukaata' kodde upnaada; isha ino uume, ino kan an xaadi, ino an samaytaadi, an kaharraadi a siksanna.

Mataafa Masmuureta 143:5

Ka parra tarpe' matte oorsade ka kodaddaatti piisa oppa dikade; ka wa' koote oppa damdamsade.

Mataafa Masmuureta 28:9

Orraaytin pahado; ka a xatti koddeeti' sake ka ishootta' sikmayta kodde; ka haka paraparati ishootta haade.

Mataafa Masmuureta 95:7

isha Waaqinnooy, ino kan an samaytaadi a tooytinooy. An kahirra harkaadippa ca'ey; kadi awwe nessaadi dakaynittan isase' kiino,

Mataafa Sooketa 33:16

A taakkati akkan ana isho samaytaayti fuulaayti tura teyyatama teyne, maanaanne upnaysamta? Waan ana isho samaytaayti, samayta piita kapa ishin pursamminna, ino olli aanetaaytinni?”

Masmuureta a masmuurewwa piisa qara jaallitto 4:1

Keese an jaalanno enenta, oo atta' paxaari? Oo atta a xarjaallitteeta? Ildaasene' xaayti shaashetaayti karan akkaanna, ilda elela'e pahan. Nyirfaatti xellootase a tela irroota Kele'aadi quda xata lekkannitto pahan.

Xuuma Issayyaasi 27:13

Awsetiiyyi kaasa a kutta ka dawama; a piita Asoori kara' patpate ka a piita Kipsi karopa qahe ka kalan ka Yursaalami kara irrootase qulqullaawte qara' Waaqa waaqaysadan.

Xuuma Issayyaasi 35:2

Ka a kuttaati pisa ka kirpa xasa' dawada ka xasooda; ulfeena Lipaanoosi ka ishi' daasama; ka akkima irroota Qermeloosi isho a naaba Saarooni' mina ulfeessama. Ikka ulfeena Waaqa isho kuttumta a Waaqase xanno akkan.

Xuuma Issayyaasi 37:24

Orxayta a' erkite qudanne Waaqa otte ka kiite, ‘Sarakelladaayyo a lekaatinnin kuuta irrowwa isho porra a opeela ca a Lipaanoosi' qaropa fayyade ka qaraayye qora talta a deddera' quure ka jeella pirpirta piitopa dakke ka porra a akata seka ka paxaara ka opeela ca' qaropa fayyade ka muraadi a oli qape karopa kulle.

Xuuma Issayyaasi 40:11

xellootaadi a kahirra, a sikmayta' mina'e dawwa, ka nyalqa harkaadippopa oorsada; ka dunitta kela' qapada ka haada, ka aayyadaasso lokkooti qula.

Xuuma Issayyaasi 49:10

Qoota isase ishootta suraysanno ishoottan aano, ka ela a pisha kapan ishootta maro malla, in doxan umma in deepoodan, umma xaalayta koommayta taaki atoota ishootta in kupto.

Xuuma Issayyaasi 65:10

Samaytiyyo a ana faanooti'i, Saarooni deetta a oppopa xelloota kahirra' dawwannitto koddita, naaba Akoori ka pora oppa xelloota okkaya waarinnaan koddita.

Xuuma Ermiyaasi 49:31

Waaqa ikiini, “Xa'a! Ka samayse naala isho nakaytan kallaanno torpa; ka a xarrada isho teehowwa in qapinnini ka xawwi kallaanna qaropa tuula.”

Pooyta Ermiyaasi 1:7

Yursaalami etaadda a oppaayye rakkatte ka pora paqte oppaayye, teyanta a xatta turan qapto matte oorsanni. Ete orraadi harka nyaapa oppa' pi'eyye xoori, a isheetta qaarqaare takka nefo in co. Nyaapaadi ka isheetta tooye ka akka qitqitte akke ka qara xosale.

Pooyta Ermiyaasi 5:21

Oo Waaqa! Qindaaytipa ino tiitayshe, ino' nefo keepa in tiitaawnaay! ka ulfeeninno a xatta ino' kalshe.

Xuuma Hisqeeli 36:11

Anka ishin kara nama isho horeeta leksha; ikka horan ka lekaadan; anka a xatta' mina'e, akka orra ishin kara' kallaado' koda; ka a xatta qaran qapto ishin teyantaysha; ishina ka akkan Waaqa kodde upnaattan.

Mataafa orra Lewi 27:32

Horeetoppaayye harka kudan oppa takka a Yaahiwwe; oto lo'alla ka kaharra isho telalla dikammaaneeyye, harka kudan oppa takka a Yaahiwwe xawwi reexxamen.

Xuuma Amoosi 9:11

Waaqa ikiini, “Kuyyaatan oppa mankisteetase a Taawwiti a pi'ite xaasho de'a, anka kawwattaadi a qitte dawa ka isase' pootamte harmisha; ka a turan kitto pahanaysha.

Xuuma Aptiyu 1:19

Orra Yihuta a kara kammatin co piita Etoomi'i lehada; a qinda dumaatatin irrowwa kelandesa lakoppa kaloow, piita Filisteemi' qara pira; ka piita Efreemi ka a Samaariya kuli qeedada; orra Piniyaamiw, piita a Kele'adi lehada.

Xuuma Mikkiyaasi 5:4

Isha ka hupna ka ulfeena a Waaqase kutta isha' daasamon xa'a ka maxxa Waaqa a Waaqaaditin xellootase a kaharra' siksha. Kuttumaadi qoota pora piita oppa oorto pisa oppa' dakaadan malla, ishootta qaapa mali kallaadan.

Xuuma Sofooniyaasi 3:13

Orrase a Isira'eeli' poojama kelaayye hase juppoota in kodo, umma darta in haasawado umma afaasso oppa wa neeqa in sookan. Sede qaran xaate'e, ishootta iteyantoodan ka nakaytan kallaadan umma wa ishootta fuursha in caadan.”

Xuuma Sakkaariyaasi 10:10

Anti piita Kipsiti desan ollopa ishootta oorsha ka piita Asooriti desa olopa ishootta poha ka piita Kele'adi isho a Lipanoosi oppa ishootta kalsha, qoola ka kela' qaja.

Xuuma Sakkaariyaasi 11:7

Semmalla anti kahirra a qaloota' reexxame ka xawwidesa a miidameeti'in sikmayta kodde. Ka uleeta lakki qeedade ka a paayyotati' kide, “A ulfeessame” Ka a lammattati' kide, “Takkumta” Ka maxxa ishootta' kode ka xelloose' dawwe.

Xuuma Milkiyaasi 3:4

Sitiiyyi oori, kalisoota samayta Yihuta isho a Yursaalami dehanno, akka kalisoota xeltada a xatta ka a parrada tarpe' mina'e a Waaqa xasannitto koddita.

Mataafa Dikoota 23:9

Ha anti shilalla kutkutta qaradesan ishootta akkini. Ka kunkunnawwa qaradesa ishootta tooyni; ka samayta xawwi kallaanno ka mankistewwaappa isi dikni in kinnin akkini;

Mataafa Dikoota 32:1

Kafa Roopeeli isho a Kaati horeeta akata kutta'e qapan; ka akka piita Kele'adi isho a Ya'iseeri horeeta ettannitto akken;

Mataafa Dikoota 32:4

isasene a Yaahiwwe akka samayta Isira'eeli tura putamo'e kode, piitose piita a horeeta ettannitto; ino orxayaassin anka horeeta qapna.

Maatiyoosi 2:6

‘Ke a piita Yihuta kara kitto atti Peetelehemi! qoota mukissampayta samaytiyyo a Isira'eeli siksho ke kara sooko malla, katamaddasene kutkutta a piita Yihuta kela pakkanna a qajito.’

Yohaannisi 17:16

Akkiman anti piita quda an koddinin mina'e, ishootta nefo assew piita qudan.

Mataafa oppa' Ooreta 33:28

Semmalla Isira'eeli nakaytanne kallaanni; piitase a unta isho taadeta wayneeta oppa purte oraarta ka moonte opa pishaan paqnitto oppaayye wa asanynyeeta Yayqoopi qara kaya in caadan.