Xuuma Mikkiyaasi 7:12 - Mataafa Qulqulloota

¹² Sitiiyyi samaytase' xaayshin pase piisa piita Asoori ka katamadda a Kipsi ka kirra Efraatisi kapaayye ollopa kala ka a pora sessekaatiiyyi ca' piisa ka pakatewwa qara desa ka irrowwa qara xata kepa de'an.

Xuuma Mikkiyaasi 7:12 ပူးပေါင်းရင်းမြစ်များ

Xuuma Issayyaasi 11:11

Awsetiiyyi Waaqa ka harkaadi deraysha ka piita Asoori ka a Kipsi ka piitadda a Patiroosi ka a Toobbiya ka a Elaami ka a Paapilooni ka a Hamaati ka piitadda a pisha kapandesa ca isho a pakateeta kara ca karaayye, samaytaadi a peela hase ollopa pohada.

Xuuma Issayyaasi 11:16

A Isira'eeleta piita Kipsi kara sookteeyye akka pora palda ishootta tura' sahame mina'e, samaytaadippa a peela haseti'i Asoori desa asseew pora sahama.

Xuuma Issayyaasi 43:6

Anti in mankistewwa qutattati' kida, ‘Samaytiyyo daasha!’ Ka mankistewwa tupattati' kida, ‘Samaytiyyo diisha!’ Porra a sessekaatiiyyin hellaayyo a diira kalsha ka xeela piita' minaayye tuparraayyo kalsha.

Xuuma Issayyaasi 49:12

Tin, samaytiyyo pora sekaayye desa de'a, ka qutatteeyye xata ka dumaateeyye xata kala, ka piita Siiniimi kule desa kala.”

Xuuma Ermiyaasi 23:3

anka piitaddan oppopa ishootta daane pisoppaayye; peella xellootiyyo moonaasso karopa ollopa ishootta oorsha; ikka eyye kara horan ka lekaadan.”

Xuuma Ermiyaasi 3:18

sapanosetiiyyi samayta Yihuta isho a Isira'eeli ka ollopa de'a ka ollin takka koddan ka qutatte xata piitase an aappadaassoti lehanda daashe oppopa kalan.”

Xuuma Ermiyaasi 31:8

Tin anti piita qutattati xatan ishoottan kala; ka qinda piita oppa oortooyye ollopa ishootta oorsha; ishoottoppaayye a joole ka a totoonnaawe ka iskatta karittoppa hellaa qapo isho ayatattan qapame kuli ca; ishootta samayta kuttayta; ka arepa kalan.

Xuuma Ermiyaasi 46:27

Orxayaayyo sanynyeeta Yayqoopiiyyi in fuuran, umma samayta Isira'eelitiiyyi in tammaqan; anti pora sekaayyen ken kala, ka piita oppopa poojamteeyye sanynyeetaaytin paha; Yayqoopi ikala ka nessada ka nakaytan kallaada, umma wa isha fuurisha in caadan.

Xuuma Hisqeeli 29:21

Awsetiiyyi samayta Isira'eeli'in kokkonnaysha ka akka ishoottopa afaatti panamane' koda; ikka akkan anti Waaqa kodde upnaadan.”

Xuuma Hisqeeli 37:21

Ka ishootta kide, Waaqase' piisa qara qapo ikiini, “Tin anti mankistewwa a oppopa aanene pisa oppaayyen samayta Isira'eeli' qeeda; ka porra pisa oppaayye ollopa ishootta oorsha ka piitaaysho oppopa ishootta kalsha.

Hoose'i 11:11

Ishootta akka a xampira' mina'e Kipsi xata ka akka eleela' mina Asoori desa xa'adan ka de'an; anti ka tikkaasso oppopa ishootta oorsha, sede ana Waaqa asse haasawade.”