Xuuma Mikkiyaasi 6:9 - Mataafa Qulqulloota

⁹ Ha Waaqa fuureeta ookuma. Isha Yursaalami' kiini, “Hupnase' xayyo a miira dikado ka ayno akka hupnose a miira' qapo nefo upnaado.

Xuuma Mikkiyaasi 6:9 ပူးပေါင်းရင်းမြစ်များ

Mataafa Saamu'eeli a lammatta 21:1

Parrada Taawwiti nuqusumma karaayye, para sessa olkamma loota deete; Taawwiti ka qootoseti desa Waaqa kaassade. Waaqa ka kide, “Qoota Saa'ooli Kepa'ooneta leyshe malla, ishindapayta diika kodeeta'e isha isho sanynyeetaadi qara ca.”

Mataafa Iyyoopi 10:2

In Waaqa kida, “Wa ana qara qapatte ana' lele diisheey ana qara' dapa in muran.

Mataafa Iyyoopi 23:14

Qootiyyo desa wa koda' piisade idikkisha ka dikatta asse paho lekayta karitta karaayye qapa.

Mataafa Iyyoopi 5:17

nama a Waaqa dapa qara fukkino, oo xaadi sanayta! Semmalla oto Waaqase we' piisa ettaninno ke fukkinooye in puyadan.

Mataafa Masmuureta 107:43

Nama a ooka kodde a sede matte qapnaado ka xoonasene a Waaqa a parapara upnaado.

Mataafa Masmuureta 48:10

Oo Waaqqo, kalataayti, a maxxaayti' mina'e piita piisa qara' dakaada. Harkaayti a akkitta ka hanqeellumaan immakaade.

Mataafa Masmuureta 83:18

Ka akkima atti patta Waaqa koddite ka piita piisa qara atti'iw kutti upnaaden.

Mataafa Masmuureta 9:16

Ha Waaqa dukaata mureetanne upnaysammi; ukkuttowwa ka wa harkaayshotin kodene oppa'ew qapammi.

Mataafa Pahana 22:3

Ilattayta nama akka rakkoota deenitto akkini ka pora dekatta' faddanni; a innumoppa co xoori oppandesa anni ka rakkoota qara' piini.

Xuuma Issayyaasi 26:11

Oo Waaqqo, harkaayti opeela ixa'e, ma ishootta' matte qapnanni in caan; yoota a samaytaayti' qapto, a akken ka jeeren; apitta a paarkaalaatti harmisame ka ishootta kupo.

Xuuma Issayyaasi 27:10

Katamasene kapa kawwattan qorrame, lulle hasen ka pora kallaata a koommayta' mina a alle diisame ka one' kodden; nyalqa a lo'alla ka oppopa dawwadan ka oppa' mukan ka taammaadi quda qoman.

Xuuma Issayyaasi 30:27

Tin, maxxa Waaqa miira kupno a qayya poora oppa doononne pora sekaayye deeni; hibbaadi miiranne immakaaden, arrapaadi apitta paata domohinno mina.

Xuuma Issayyaasi 66:6

Nessoose a horayta a katama kara xaano dakaya! Ka ullupitta a tika qulqulloota' kara dakaanno dakkaysada! Sede nefo nessa Waaqa, a juppootaaysho' kapa nyaapaadi qattaanooti.

Xuuma Issayyaasi 9:13

Umma samayta Waaqase ishootta qattaano opa in tiitaawne, umma Waaqase we' piisa ettaninno in faane.

Xuuma Ermiyaasi 26:18

“Xelta a Hisqiyaasi a nuqusa Yihutaatiiyyi namase a katama Mooresheti Mikiyaasi samayta Yihuta piisa'e xuuma haasawade ka asse kide, “Waaqase we piisa ettaninno ikiini, ‘Siyyooni a dula mina'e xafafsamta; Yursaalami ka qitqitta ka tuula dakadda koddita; irroota a tika Waaqa ka mura dehissa.’

Xuuma Ermiyaasi 26:6

akkan Seelo pashshe mina'en tikoose are kitto a qulqulloota pahasha; ka samayta piita piisa tura'e katamoosen are ca a jiijameeti koda.’”

Xuuma Ermiyaasi 47:7

Ma xoori, akka a katama Asiqeloona isho a pakateeta kapa kala pirto'e, ete Waaqa isheetta ajaje, ka ishi koda daasheeyye, atta jaw kiita?”

Xuuma Hisqeeli 7:9

Umma iltiyyo ishinan suraysatto; umma ishina' diissata an kodo; haka waasene an jippina koda tupa' tawnittane'e, akka saantaayshina' qara'en ishin qatta'a; akka sitiiyyi a ishin qattaano akka ana Waaqa koddite upnaattan.’

Hoose'i 13:16

Orra Samaariya' qoota Waaqa qara' xa'e malla dapaadi a kode kapa'e kaassatama; samaytaadi nefo orannaanne pirama, nyooqqawwaadi ka paatan dakkaman, ikka aayyada karittoppa inna qapa kara hellaa kakkaa'an.”

Hoose'i 14:9

A ookuma qapa leloose' matte hitanni, qalpeelayaaw leloose kara upnaadan. Ha pora a Waaqa pora dukaata; hanqeellaya ka oppan desa anni; juppoolaya xoori qara'e kehaysanni.

Xuuma Amoosi 2:5

Semmalla anti piitase a Yihuta oppa'en apitta diisha ikka tikkasene a Yursaalami' kuli alle' kupa.”

Xuuma Amoosi 6:1

Ishina' saarra samayta Isira'eeli' koddeetiiyyi, ha orra qaarqaarsa akkatta'e ishin kapopa deeni; ishina' xoori i'ishina ettante, akka Siyyooni qara naalaan kallaannitan ka irroota Samaariya' qara wa ino qappada in caan kiinittaneey, oo ishin kido!

Xuuma Mikkiyaasi 3:12

Semmalla Siyyooni ishin malla akka dula' mina' qotamta, Yursaalami ka tikka olqaropa qitqite' koddita, pora oppa tikase a qulqulloota' qupen ka mura jinxa kodda.

Xuuma Mikkiyaasi 6:10

Hela amma anti xawwi teyantose a karpampayta karpan tikaadi karopa pootade ka taarose a kura a darta a paatan kuradenen teyma xawwa?

Xuuma Mikkiyaasi 6:8

Namo! Waaqa wa paxaara'e ke' lele. Ha isha wa ke qara faana, akka wa dukaata kodde kooto ka xoona a jaalala' qapa qapnaatto ka Waaqaayti olli naalumaan kallaatto faani.

Xuuma Sofooniyaasi 3:2

Ha ishootta ajaja Waaqa takka nefo teyyanni in caan, umma dehaamtaadi dakayni in caan ka isha qara' xasa xaayatta alle' diishen ka isha kapa sekaaden.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.