Xuuma Mikkiyaasi 6:8 - Mataafa Qulqulloota

⁸ Namo! Waaqa wa paxaara'e ke' lele. Ha isha wa ke qara faana, akka wa dukaata kodde kooto ka xoona a jaalala' qapa qapnaatto ka Waaqaayti olli naalumaan kallaatto faani.

Xuuma Mikkiyaasi 6:8 ပူးပေါင်းရင်းမြစ်များ

Mataafa Uumata 18:19

Isha akka hellaadi isho sanynyeetaadi piisa Yaahiwwe ajajaman ka hanqeeta ka wa paxaara'ew kodane'e akka ishootta kollisho'en isha reexade. Oton hellaadi porose a Yaahiwwen kallaaniiyyi, xasase an ishi' kale piisan ishi' koda.”

Mataafa Uumata 5:22

Henooki pora Waaqatinni kallaade ka a Maatusaala xaaye kammaayye, para dippa sessa kallaade ka parroosen kara hellaa a diira isho a tuparra' xaayeew.

Mataafa Otoowwa a lammatta 30:11

Ma xoori, piita Aseeri ka a Minaase isho a Saapilooni karaayye orra lamayyta xata isi shakkishe ka Yursaalamipa de'e.

Mataafa Otoowwa a lammatta 32:26

A koddito ma, Hisqiyaasi isho samayta Yursaalami ka isi jeejjattaaysho oppa tiitaawen ka isi shakkishen; seminan miira Waaqa ka xelta Hisqiyaasi oppaayye ishootta qara in kaynin.

Mataafa Otoowwa a lammatta 33:19

Qinseetaadi isho Waaqa akkima isha suraysade ka naappumaadi dakaye; ka juppootaadi piisa ka amanuma dapetaadi ka a isi in shakkinnin ka juppootaadi oppa in oorrin turanne porrasene a sakatatta kunkunnawwa qara ca a kode ka killowwa a asheraati olaahiyya a qa'e isho killowwa a ishi sakatade piisa mataaffa akkampaya oppa'e taafamen.

Mataafa Otoowwa a lammatta 33:23

Amooni akkima aappaaysho Minaase fuula Waaqa tura isi jeershe mina'e isi in jeerinne; ma se kapaayye, dapa qara'ew dapa koopsattaan aane.

Mataafa Otoowwa a lammatta 34:27

qoota porose are co isho orra kara kalooti desa wa Waaqa haasawade ete dakayteeyye, qoota karittaayti qappatame akka ana Waaqa tura isi jeerisse ka isi shakkisse ka meeha a kalsatte isquda kaa'ite ka ana tura pooyte malla in ke dakaye;

Mataafa a Nehimya 9:13

Ka moonteeyye irroota Siina' qaropa lekkatte ka samaytaayti' haasawatte. Ka seera isho taanteta a hanqeeta ka a dukaata ka tanpeeta isho ajajadda a paxaara ishootta' daasse.

Mataafa Masmuureta 101:1

Anti' qoota dukaata mureeta ka a diissatati desan sammara, ka oo Waaqqo, ke' kalata dawada.

Mataafa Masmuureta 112:4

Nama xoonampayta ka suraysattampayta ka hanqeellayta kodde ka a taantetan kallaannoti, tukkantoppa' la'ayta la'aya.

Mataafa Masmuureta 112:9

Ipurraahe ka teekolaya' daashe, hanqeellumaadi haka paraparati kallaadan; ulfeenaadi ka moontopeela kuttada.

Mataafa Masmuureta 37:26

Isha awta piisa xoonampayta ka nama' leqeessini; sanynyeetaadi kuli kan a sakatamteew.

Mataafa Masmuureta 73:28

Xayyo xoori, Waaqa kapopa dehatta ana' wayyi; akkan kodaadi piisa torro'e, anti Poqalla Waaqa qara'en xasa xaayade.

Mataafa Pahana 21:3

Kalisoota dehassa qaran qapto'e, Waaqa hanqeelluma ka dukaata kodeetanne xasooni.

Mataafa Dehaamta 12:13

Amma oori we' piisa lelame, kuutan hidda a haasooseneti' nefo sene; Waaqa fuure ka ajajaadi tooyte; sede koda nama' daasameey.

Xuuma Issayyaasi 56:1

Waaqa ikiini, “Dukaata mura tupa' tawa ka hanqeeta koda; anti dehaynittoppa'en ishinan pahada, dinissiyyo ka ishina akkaada.

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Issayyaasi 66:2

Waaqa ikiini, “Sene piisa harkiyyo in koone, sene piisa ka uumamen; ma xoori anti a qaaletiyyo tura xarro ka a hapuraadin isi shakkinno ka juppootaadippa mararfanno opan tooyanni.

Xuuma Ermiyaasi 22:16

Waaqa ikiini, “Ha isha deexa teekolaya ka a rakkatampaya'e taantetan mure; we piisa ka olikela ishi teyen ana upnaatta kideeta sedenne?

Xuuma Ermiyaasi 22:3

Waaqa ikiini, “Dukaata mura ka hanqeeta koda ka a sarame harka miiddampaya oppa furada; umma haptiyya ka he'aya ka hiyyeettewwa qara dapa in kodan ka ishootta in miiddan; ka poroose oppa, nama dapa in qapnin in ishshan.

Xuuma Ermiyaasi 9:23

Waaqa asse kiini, “Ookayta, ookumaadi in in jeejjannin; kokkonnittaaw kokkonnumaadi in jeejjannin; umma teyantoolayta teyantaadi in jeejjannin.

Pooyta Ermiyaasi 3:26

Nama kadi jaw kida ka dinissa Waaqa' kippannaayye, ipaxaari.

Xuuma Hisqeeli 16:63

Oton anti juppootaayti a' koote piisa ke' diishooyye, akka dapaayti matte oorsatto ijeerta; umma jeeraayti malla afaa appaqqisso. Ana Waaqase' piisa qara qapo asse kiini.”

Xuuma Hisqeeli 33:14

Oton ukkuttoota namaati' kido, ‘Dukaatanne' tootaayye’ isha ka juppootaadippa ooro ka wa qajeele ka dukaata kodde' kodooyye,

Xuuma Taani'eeli 4:37

Amma anti Naapukedenasoori, nuqusa moontati'in kalata ka ulfeena isho saara dehanni. Ha isha wa koona' piisa dukaata ka we' piisa oppaayye hanqeetaaw kooni; ka orra isi peepno xata shakkissa ettaninni.”

Hoose'i 12:6

Semmalla ishina Waaqaayshin opa tiitaawa ka jaalala isho wa dukaata kodde qanqannissa qapada ka awta piisa duupattaan Waaqa asada.

Hoose'i 6:6

Ha anti jaalala dukaata'en faani diisheey, daassata dehassan. Akka ana Waaqa upnattanen ishin qara faani diisheey, daassata a kupannitto dehassaan.

Mataafa orra Lewi 26:41

ka juppootase xaaysho akkan anti kuli paarkaalummaatan ishootta qara xa'o ka piita nyaapaayshoti oppopa ishootta daano koote lelannaaneeyye, karittase xaaysho a kamta tuukatta ka qepooyye, ikka juppootaaysho minan qitaateta ishootta parpaaccisnitto akkadaneeyye,

Xuuma Amoosi 5:24

sede kapaayye firteeta dukaata akka pisha urqina' mina'e ka hanqeellumaaw, akka pisha kirra a kuuni in kinnin mina'e a karittaayshin kareela paaden.

Xuuma Mikkiyaasi 6:9

Ha Waaqa fuureeta ookuma. Isha Yursaalami' kiini, “Hupnase' xayyo a miira dikado ka ayno akka hupnose a miira' qapo nefo upnaado.

Xuuma Sofooniyaasi 2:3

Ishina piita qara' kallaanna ka ajaja Waaqa' tooytaanna ka naalaya kodde' piisantiiyyi, Waaqopa tiitawa ka hanqeeta koda ka koda naalum kamma aana, kuyyaase a Waaqatiiyyi, takka punu miiraadi kelaayye ippahataneey.

Xuuma Sakkaariyaasi 7:9

“Waaqase we piisa ettaninno ikiini, ‘Dukaata mura ka mattaayshina ishina oli suraysada ka diissata olli' koda.

Maatiyoosi 5:3

“Qoota mankisteeta moonta xaaysho koddite malla; orra kallaataaysho a hapuratin akka teekolaya kodden ishootta dakkannitto, i'eppisamen,

Maatiyoosi 5:7

A diissata koona, qoota diissata akkadan malla, i'eppisamen;

Luqaasi 10:42

Ma xoori wa fadamma takkaneew, Maariyaami wa fayya'e reexatte; umma nama takka nefo isheetta qara in qeedo.”

Luqaasi 11:42

“Ishina Feresaate, oo ishin kido! Qinda takkan iffayya ka jalataata isho qora shashakka piisa qaraayye, harka kudanippa takka daannittan; qinda pilaatin xoori, firteeta dukaata isho jaalala a Waaqa'e alle diinnittan; oto a taakka koonittaneeyye, allu sede diissata ishin parpaaccisni in kitto.

Luqaasi 12:14

Yesuusi xoori i'ishi oorshe ka kide, “Ati namo, akkan otantaayshin oppa faratampayta koddo ka lehaanda ishina qooto'e, ayno ana shuume?”

Luqaasi 6:36

Semmalla, akka Aappaayshin a moonta dissampayta kodde mina'e, ishina assew diissampaya kodda.”

Roomi 7:16

Semmalla oton anti wa an heennini' koonooyye, seera akkima paxaarin maakkummi.

Roomi 9:20

Atti namo! Waaqa oli shiisha'e, mapteeta maana'e' qapta? Hela okkota i'aappa isheetta kode' kiini, “Maana'e asse ana koote?”

Qorontoosi a paayyota 7:16

Atti iskatteeta a kiristaana kodditeeyye, takka punu akka diirtose' xaayti kiristaana in koddinin dinisso, i'upta? Atti diirta kiristaana koddeeyyeew, takka punu akka iskatteese' xaayti kiristaana in koddinin dinisso, i'upta?

Efesooni 4:32

Sekkappaayye a wa paxaara olli' koona ka oli suraysanna' kodda ka akka Waaqa Kiristoosi qudan ishina' diishe mina'e, ishina asseew olli' diisha.

Mataafa oppa' Ooreta 27:10

Semmalla Yaahiwwe Waaqaayti afa dakaye ka ajajaadi isho taantewwaadi an awwe ke daanna tooytado.”

Mataafa oppa' Ooreta 30:15

Tin anti awwe caatta ka toota ka a paxaara ka a neeqa'en fuulaayti tura xaaye.

Qolaasiisi 3:12

Semmalla qoota orra a Waaqa reexade kodditen ka qulqullowwa kodditen ka jaalatamten malla, nama suraysatta ka paxaarumta kodeeta ka naaluma ka tajjanuma isho duupatta uwwisse.

Teseloonqe a lammatta 2:16

Mattaadi'i, Poqallaanno Yesuusi Kiristoosi isho Waaqa Aappinno, isase ino jaalade ka daassataadin xasa oorsatta a parapara isho kippeeta paxaara ino' daashe,

Yayqoopi 2:20

Atti eepo, amanteeta akka koda maliiyyi a we' nakanni in kinnin koddite a akkini a kitto?

Mataafa Iyyaasu 24:14

Iyyaasu ka haasaadi kammaaw caade ka ishootta kide, “Amma desa tooy Waaqa ulfeessa ka dukaatan karittaayshin kareela ishi koda koda. Ka killowwasene a aappadaassin kirreeyye afa disiti ka piita Kipsiti ishi sakatadane alle isikapa sekaysha ka Waaqa patta'ew sakatada.

Petroosi a paayyota 3:8

Arepa desa oori, piisanti, olli kaleetan kallaada ka rakkoota nama takka a mattaayshina' mina' dikada. Ka jaalala hellaa toolatin oli jaalada; ka a orra suraysanna ka naalaya kodda.

Mataafa Saamu'eeli a paayyota 12:23

Anti qootayshina desa qinseeta qaatissa ka seden Waaqa'e ishin dapeeta a Waaqa alle ana kapa sekaysho. A qaran qapto'e, saanta paxaara ka a dukaata'en ishin kollisha diisheey.

Mataafa Saamu'eeli a paayyota 15:22

Saamu'eeli ka kide, “Hela Waaqa a afaadi ajajameetan xasoonno mina kitto'e, ikalisowwa kupanna isho daassawwaan xasoonni? Ha ajajameeta kalisoota dehassa qara qapta. Dakayeeta ka masarta laahadda dehassa qara qapta.