Xuuma Mikkiyaasi 6:5 - Mataafa Qulqulloota

⁵ Samaytiyyooyye, wa nuqusase a Mo'aapi Palaaqi ishin qara' dikade ka wa Pala'aami innasene a Pi'oori ishi oorshe matte oorsada. Piita Shitiimi paayyatte haka Kelkela kaynitto'e, wa ke qara' kaye oppa dikado. Sitiiyyi ke dinissa malla waan anti Waaqa kode piisa upnaattaay.”

Xuuma Mikkiyaasi 6:5 ပူးပေါင်းရင်းမြစ်များ

Mataafa Masmuureta 111:4

Daxxowwaadi akka matte oorsatamane'e kode; Waaqa xoonampayta ka suraysattampayta.

Mataafa Masmuureta 143:11

Oo Waaqqo! Maxxaayti malla kide ka ana caayshe ka hanqeetaaytin rakkoota kara ana sookshe.

Mataafa Masmuureta 36:10

A ke upnaadeeti'i jaalalaatti a pirama in qapnini, ka a sataata fayya' qapaati'i hanqeetaayti daassata kammaaw caado.

Mataafa Masmuureta 71:19

Oo Waaqqo, hanqeellumaatti akata kutti; atti wa orra qaqawwanna'e' kooteey, Waaqqo, ata ayno ke paha?

Xuuma Issayyaasi 1:27

Siyyooni ka mura a dukaatatin furamta; a isheetta kara dapoppa oorra ka hanqeellumaan pahan.

Mataafa Dikoota 22:41

Parraytaadi teykanteeyye, Palaaqi ka Pala'ami qeede ka Pamooti- pa'aalipan aane; ikka eyyeyye desa samayta Isira'eeli qudadesa akke.

Mataafa Dikoota 23:27

Palaaqi ka Pala'ami kide, “Xooye ka pora pila oppopan ken aanaawweey; takka punu akka eyye xata Isira'eeli ana ipto'e Waaqa Poqalla ike oowsada kodditaay.”

Mataafa Dikoota 25:1

A Isira'eeleta Shitimi kara safarteeyye, diirraasso iskatta Mo'api'i dahalen.

Mataafa Dikoota 25:2

Iskattase ka kalisoota a killootaayshoti kalte oppopa samayta Isira'eeli sankulta halen; samayta ka kalisootase dame ka killowwaassoti kuli sakatade.

Mataafa Dikoota 31:16

Ha ishootta dehaama Pala'ami teyyaden ka waasene Pe'ori kara koddeetin samayta Isira'eeli sassapaden ka akka Yaahiwwe kamma dapane koden; seeminan erkannaata ka samayta a Yaahiwwe qara kayte.

Mataafa Dikoota 31:8

Xeloose a Midiyaami le'e oppaayye nuqussaasso keni kuli ca; ishootta nefo Eewi ka Reqeemi ka Suuri ka Huuri isho Reepa kidammi; ka Pele'ami inna Pi'ori kuli oppa'ew ishshen.

Mataafa Dikoota 33:49

ka Yurtaanoosi kapa laka Mo'api oppa'e Petiyeshimooti paayyatte haka Apelshutiimiti safarte.

Efesooni 2:11

Semmalla ishina turan dalaassin oppaayye a orra a Yihutaata in koddinin, a Yihutaata harka namatin dawra qara muratte ishina' kiinitta, “Ishina a dawra qara in murannini;” sede matte oorsada.

Mataafa oppa' Ooreta 16:3

Umma so'a a kalisooseti laaqqota a pukeessamten in daman; atti piita Kipsi kara qoota jarjartan qahate ka piisse kara sookte malla, akka haka kitto'e matte qapnaatto'e, kuyyaata tappa kara'e laaqqota rakkoota damta.

Mataafa oppa' Ooreta 23:6

Haka kittooyye nakayta ka teyanta ishootta'en fadan.

Mataafa oppa' Ooreta 8:18

Ma xoori akka awwe koddite mina'e akka kodayteetase a aappadaassina a xattati xaxa kale immako'e, akka teyanta kodattane'e a hupna ishina daanno akka Yaahiwwe Waaqaayshin kodde matte oorsada.

Mataafa oppa' Ooreta 8:2

Yaahiwwe Waaqaayshin akka ajajaddaadi tooytinittan taaki tooytini a kinnin wa ishin kara ca upnaatta'e ka ishin ekkaysatta'e ka ishin xata shakkissa'e ka parroosen tarpe kunda afur kara'e atta akka koommayse oppaayye ishinan aane piisa matte oorsada.

Mataafa oppa' Ooreta 9:7

Koommaytoppaayye atta akkima Yaahiwwe Waaqaayti miirasse matte oorsado, umma pakkanna sede in teyman; haka a piita Kipsiti xaate ka poroose are co kayte kara'e, Yaahiwwe falqa tupa kitta.

Mataafa Iyyaasu 2:1

Sekkamma Iyyaasu inna Newe ka safara Shitiimiti desa akka aanan ka piita Kene'aaniti katama Iyyaarko lettishane'e, lettissampaya lakki erke. Orrase ka aane ka katamasene a Iyyaarkootiiyyi tika arpalayteeta takka Re'aapi kidammitto opa kale ka eyye muke.

Mataafa Iyyaasu 3:1

Parraytaadiiyyi Iyyaasu isho samayta Isira'eeli paraappanne piita Shitimiti xa'en ka kirra Yurtaanoosi kapopa aanen ka eeyye kapa muken.

Mataafa Iyyaasu 4:19

Samaytase a Isira'eeli ka oori leyase paayyota oppa kuyyaata kundatati kirrase a Yurtaanoosi oppan tuullen ka piitase piita Iyyaarko kapa qinda piirtotatin kitto Kelkela kidammitto oppa kayen ka oppa safaren.

Petiroosi a lammatta 2:15

Ishootta saanta a qajeelte qara maqqen ka paten ka kamma dapen ka saantase a Pele'aami a inna Pi'ori, isase neequmta koda kela kaaja teyyanno jaalade, kamma ooren.

Yohaannisi a paayyota 1:9

Kadin, juppootinno Waaqa tura' lelannaayye, isha' qoota a amaname ka hanqeellita kodde malla juppootinno piisa ino' diisha ka ishin dapaytinno piisa oppa ino qulqullaysha.

Yihuta 1:11

Qoota saanta Qaa'eli oppan aanen malla ka kaaja malla kiden ka kammadapayta Pele'aamippa' pi'en malla ka akka Qore tiyya' xa'e mina tiyya' xa'en ka piramen malla, oo ishootta kido!

Keleshaata 2:14

Ma xoori, we takkan takkan an ke qara' puyanna'en qapa. Sede nefo, orra kollissa Pele'aami qapade takka takka otantaayshin oppa ca. Pele'aamise nefo akka samayta Isira'eeli damta killanna kalsamte dameetanne ka sharmuutuman, kehaysado'e isha Palaaqi dehaame.

Mataafa Taanynyada 11:25

Hela atti, nuqusa Mo'api Palaaqi inna Siboori qara qapta? Isha nefo Isira'eeleta mina in qa'annin ka ino torpa nefo in nyerrin.

Mataafa Taanynyada 5:11

Are dakkaysada! Nessa a orra lekayta, a ella pisha' kapandesa dakaanno, putayma Waaqa'e torrini, ka putayma Isira'eeleta' haasawanni. Sekkammaayye samayta Waaqa, xarra katama' turopa ollopa sooke.

Mataafa Saamu'eeli a paayyota 12:7

Semmalla amma oori qa'ada anka qoota kodaddasene a dinissa Waaqa a ishin isho aappadaassina kode matte ishina oorsho ka fuula Waaqa tura ishin deexo.