Xuuma Mikkiyaasi 6:4 - Mataafa Qulqulloota

⁴ Ha anti piita Kipsi karan ishin sookshe ka karpishshuma kela ishinan pahe ka akka ishin mukshane'e, Muuse ka Arooni ka Maariyaami ishina' reexe.

Xuuma Mikkiyaasi 6:4 ပူးပေါင်းရင်းမြစ်များ

Mataafa Saamu'eeli a lammatta 7:23

Orra samayta Isira'eeli paho, a Waaqa akka samaytaadi koddo'e ishootta furatta aane ka issi maxxa kodatta malla ishootta turaayye mankistewwa isho killannaasso alle daane ka wa kukutta ka orra qawwanna ishootta kodeetan Kipsi kara ishootta furade, a samaytaayti a Isira'eeli paho hela icaawwe?

Mataafa Masmuureta 77:20

Ka Muuse isho Arooni qudan a xelloota kaharra mina samaytaayti marraate.

Mataafa Sooketa 12:51

Halkeessetiiyyi Yaahiwwe ka kita kitaan piita Kipsi kara Isira'eeli sookshe.

Mataafa Sooketa 20:2

“A piitase a Kipsi a kara karpishshadda kodditen kara a ishin sookshe ana Yaahiwwe Waaqaayshin.

Mataafa Sooketa 3:10

Semmalla amma xooye ka akka samayse xayyo hellaasene a Isira'eeli piita Kipsi kara sookisso'en Feri'ooni kapopa ke erkaay.”

Mataafa Sooketa 4:10

Muuse ka Yaahiwwe' kide, “Oo poqallaayyo! Ha anti xatta ka amma nefo a ana olli haasawwatta paayyite, kammaayye an jamareeta; umma haasa an ettaninni an co.”

Mataafa Sooketa 4:16

Atti afaayyo a Waaqa'e' koddita ka Arooni' haasawatta. Isha ka afaatti kodda ka pakkaaytippa'e, samayta' haasawada.

Mataafa Sooketa 6:27

Qoota Isira'eeleta Kipsi kara sookissaati desa a Feri'ooni Nuqusa Kipsi olli haasawade, Muuse isho Arooni.

Xuuma Ermiyaasi 32:21

Ka wa orra qawwanna isho daxxowwa kodeetanne, hupnase xaayti kutta ka harkase xaayti kokkokanne ka kuttumaatti a orra fuurinnaatin samaytaayti a Isira'eeli piita Kipsi kara sookisse.

Xuuma Amoosi 2:10

Ka akka piita Amoorata lehattane'e piita kipsi kara ishin sookshe ka para kunda afur piisa koommaytoppa ishin tura' qatte.

Mataafa Dikoota 12:1

Muuse qoota iskatteeta a Toobbiya heme malla, Maariyaami isho Arooni ka isha qara xa'en;

Mataafa Dikoota 33:1

Saaruma Muuse isho a Arooninni awta Isira'eeleta kaffaassotin Kipsi kara sookteeyye, porra oppa sassafarte sene.

Kodampaya 7:36

A piita Kipsi isho pakateeta a tiima qara daxxowwa isho wa orra qawwanna kodeetan, samayse sookshe ka para kunda afur ishoottan aane, toy Muusese isha.

Mataafa oppa' Ooreta 15:15

Atti mattaayti'i akka turan piita Kipsi kara karpishsha koddite Yaahiwwe Waaqaayti ka ke furade matte oorsado; anti semmallan ajajose ke daanniiy.

Mataafa oppa' Ooreta 24:18

Atti kuli akka piita Kipsi kara karpishsha koddite Yaahiwwe Waaqaayti ka kara ke furade matte oorsado; semmallan anti akka asse kooto ke ajajniiy.

Mataafa oppa' Ooreta 4:20

Xaayshin xoori akka awwe koddite mina'e, Yaahiwwe piitase a Kipsi poroodase apitta oppa sipla tummaan paho kara ishin sookshe ka samaytaadi ishin kodade.

Mataafa oppa' Ooreta 4:34

Hela akka Yaahiwwe Waaqaayshin piita Kipsi kara ildaassin tura kode piisa mina'e, Waaqa ekkaysumaddaanne ka milikkitadda orra qawwannaatinni ka daxxowwaanne ka orannaanne ka harkaadi a kokkoka ka hupnaadi a kutta isho wa kukutta ka orra tatammaqinaatin samayta takka xaadi kodatta'e, a aane ka samayta a piita pila kara samayta sookshe, Waaqa a pila i'apari caawwe?

Mataafa oppa' Ooreta 5:6

‘Anti an Yaahiwwe Waaqaayshin a piita Kipsiti karpishshuma kela ishin sookshe.

Mataafa oppa' Ooreta 7:8

Ma ha wa malla Yaahiwwe harka kokkokan ishin sookshe ka piitase a karpishshuma isho harka Feri'ooni a nuqusa Kipsi oppa ishin furade, qoota Yaahiwwe ishin jaalade ka xaxasene aappadaassin a xattati xaxade tooyte malla.

Mataafa oppa' Ooreta 9:26

Ka Yaahiwwe opa qinsade ka kide, “Oo Yaahiwwe Poqallaayyo samayse xaayti a mattaaytiti kodatte ka kuttumaattin furatte ka harkase xaayti kokkokan piita Kipsi kara sookisse alle in pashshan.

Mataafa Saamu'eeli a paayyota 12:6

Saamu'eeli ka samayta kide, “A Muuse isho Arooni shuume ka aappadaassin a xatta piita Kipsi kara sookshe Waaqa.