Xuuma Mikkiyaasi 5:8 - Mataafa Qulqulloota

⁸ Ka akkima karma pinaana a kappina opa shorro taaki akkima haaritta karma' xelloota kaharra opa doono ka qapanno ishootta ka nama qara ‘Sapay’ kido in qapnin mina'e, peelasene samayta a Yayqoopippa hase asseew samayta leka oppa paarkaalaasso' kodan.

Xuuma Mikkiyaasi 5:8 ပူးပေါင်းရင်းမြစ်များ

Mataafa Uumata 49:9

Innaayyo Yihuta, a' haaritta karma mina; oto wa dama qapadooyye, rahanaadipa tiitaawa ka a karma mina fuura mali mukaay, ata ayno isha xa'issa' nyara?

Mataafa Masmuureta 104:20

Piita tukkaninni ikka halkeettaawni, pinaana a kappina' piisa ka mura kara sookni.

Mataafa Masmuureta 44:5

Hupnaaytinnin paarkaalaanno punna, ka maxxaaytin nyaapaayno isi kelopa diinna.

Mataafa Masmuureta 50:22

Semmalla ishina ana Waaqa teymina' piisantiiyyi sede upnaada; a taakati olikelan ishin nyifaay; umma nama ishinan paho in caado.

Mataafa Pahana 30:30

Pinaanaappaayye karma ikokkoki; we takkan nefo turaayye qahani in co.

Xuuma Issayyaasi 5:29

Nessa a kamintaayshoti a karma' mina'e daattini ka a haaritta karma' mina duutini ka wa a qapane qara xorini ka ishin aananni, umma nama qara kata ettaninni in co.

Xuuma Hisqeeli 39:10

Semmalla lakoppa qora qorootatta ka muroppa qora qorootatta ishootta parpaaccisni in kitto; maana malla mehaddaasso a oranna'e xaayyadaneey ka a ishootta qara pooje' poojan ka a ishootta sare' saran.” Waaqase' piisa qara qapo asse haasawade.”

Hoose'i 5:14

Anti Efreemeta qara akka karma' mina'en kodda ka Yihutaata qara'e akka haaritta a karma' mina kodda ka ishootta qeqqepsha ka alle ishoottan aana; umma nama ishoottan paho takka nefo in caado.

Xuuma Mikkiyaasi 2:12

Waaqa ikiini, “Ishina pateetta kela pahe, akka kaharra moonnappa ca isho akka xelloota dawwatte ollopa tiitaawnitto mina'e, peela samayta Isira'eeli kela hase'e ollopa oorsha ikka piitoose' qara immakan.”

Xuuma Mikkiyaasi 4:13

Waaqa ikiini, “Ishina samayta Yursaalamitiiyyi, akkima xorma a kaassa isho kamaja silpa' qapo mina'en ishin kokkonnaysheey, aana ka paarkaalaassin akka unta' mina' tuma. Ha ishina' piitadda lekaya' patissan ka teyantaaysho a karpan ollopa pootadene piisa ana Waaqa Poqalla piita piisa mukinnooti ishin deetan.”

Xuuma Mikkiyaasi 4:7

Isasene totoonnaawe akka peela hasanen koda; isasene alle' puyatame sawwa fuurammoti' koda; anti Waaqa ka awwe desa paayyatteeyye haka paraparati'i irroota Siyyoonitiiyyi ishootta qara' nuqusuma.”

Xuuma Mikkiyaasi 5:3

Haka isha dalanno'e, Waaqa alle'e Isira'eeli diisha. sekkammaayye isasene' poojame ka tiitaawan ka orraaysho oppa lahan.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Xuuma Sakkaariyaasi 10:5

Ishootta ollinni pora takka'e akka xormeeta oranna' mina xormuman ka paarkaalaasso a dooqqeta' mina diddiitan. Qoota Waaqa ishootta olli co malla, ishootta oranna torpan ka torpampaya a fartadaan torpina jeershan.

Xuuma Sakkaariyaasi 11:6

Anti amma desa orroose piisse oppa kalo an suraysado; nama takka takkan qeeda ka harka kantittaadi isho a nuqusaadi oppopa tuukka; ishootta ka piisse rakkacciisan; anti umma an harkaaysho oppa ishoottan an paho.”

Xuuma Sakkaariyaasi 12:3

kuyyaatase a samayta piita Yursaalami qara pira' tuulooyye, anti isheettan samayta piita tura' shila a tuukkammi in kinnini koda. Orra a isheetta lellehissa dikanno piisa ka isi miidda.

Xuuma Sakkaariyaasi 14:18

Oton orra Kipsi'i eeyyepa sooka diishaayye, roopa in akkadan. Waaqa erkannaatase orra Yursaalamipa xaysonessuma a shaakka ulfeessa' sooka tiite qara' qeede, ishootta kuli qara'e qeeda.

Xuuma Sakkaariyaasi 9:15

Waaqase we piisa ettaninno ka ishootta tooyta ishootta ka paarkaaladdaasso pashshan. Ka dakaan kullumissaan ishootta piran ka ikan ka akkima nama taadeta wayneeta' maashshoode mina ullupan. Akka diika toma kalissoota oppa immakaanno ka qaran tuqammo mina'e, diika paarkaalaassoti asse tuqma.

Xuuma Milkiyaasi 4:3

Waaqase we piisa ettaninno ikiini, “Kuyyaatan anti koda' xa'oyye, orra wa neeqa' koono tara kodda; akka loqqaassinan qaran desa a'antan.

Mataafa Dikoota 24:9

Akka karma mina'e eyye asadeneey, ka akka akkooteta karma mina eyye rabbeneey, ayno ishootta xa'issa ettansha? A ishin jiijno a jiijame a koddo, a ishina' sakno ka a sakame koddo.”

Maatiyoosi 10:14

Oton orra ishin teyanni in kinnin ka ishina dakayni in kinnini caayye, oto tikoose taaki katamoosen kara sooknittaneeyye, kuyyaalayta loqqaassin quda dawdawada.

Kodampaya 18:6

Ma xoori ete Yihutaata isha qara xaate ka isha otteeyye, mehaddaade a kallsade quda kuyyaalayta dawdawade ka ishootta' kide, “Oton ishin qara'e faratammiiyyi, dapaayshin minanne ishin qara' faratammi, anti oppa an kaassatamo. Arepa desa orra a Yihutaata in koddinin oppopan aana.”

ipro 12:25

Akka sede haasawanno dakaya a tiinnini'i istooytaada. Orrase wa Waaqa piita qaraayye nama qudan ishootta' haasawanna, dakaya tiite ete in pahaniniiyyi ka kuli ino a moonte xata ino' haasawanno, oton an dakayni an kinniniiyyi attan paha ettaninna?

ipro 2:3

Ka kuli ino, oton dinoose asse kutta puyannooyye, attan kela pahana? A paayyota qara dinose torre mattaadi Poqalla. A isha kela dakaye ka turaayye sedeew ino kokkonnayshen.