Xuuma Mikkiyaasi 5:7 - Mataafa Qulqulloota

⁷ Isasene samayta Yayqoopi oppa peela hase, akkima Waaqa tadaahata ka uusheta seehinno ikka piita ilawnaannitto mina'e, orra leka'e saka koddan. Umma nama pora in kippadane ma, isha patta xasa' kodadan.

Xuuma Mikkiyaasi 5:7 ပူးပေါင်းရင်းမြစ်များ

Mataafa Saamu'eeli a lammatta 17:12

Ka pora oppa teyaade isha qara urra ka akkima tadahata piita qara pirritto mina isha qara pirra; umma isha isho a isha quda ca oppa nama takka nefo in paho.

Mataafa Masmuureta 110:3

Parra ukkumeetaaytitiiyyi, orraayti issinni ke quda' xa'a; akka qulqulluma siratta ka hupnaayti a xayyatinni, para qinno olli piirta.

Mataafa Masmuureta 133:3

ka akkima tadahatose a Hermooni irroota Siyyooni qudaxata seehnitto mina Waaqa eeyye'e saka ka caatta haka paraparati ajajeey.

Mataafa Masmuureta 72:6

Nuqusoose akka roopa aykitta a ujja in paayyinin qara' roopno mina'e kodda; ka akka jirriiqitta piita faakinno mina' faaksha.

Mataafa Pahana 19:12

Miira a nuqusa' daattitta a karma' mina; xoonaadi nefo akkima tadahata aykitta qara' mina.

Xuuma Issayyaasi 32:15

Sede nefo haka hapura moonte xata ino roopo, koommayta ka kappatayta dula koddo, kappatayta dula ka mura koddo kara'e asse koddita.

Xuuma Issayyaasi 44:3

Anti piita a xawxawteppa'en pisha tuqa, ka piita kokteppaayye kirrada sooksha; anti hellaassin qara'en hapuriyyo tuqa, ka sanynyeetaayshin qara'e sakiyyo immaka.

Xuuma Issayyaasi 55:10

Akkima roopa isho apteenta moonte xata roopnaan ka piita affannaan, ka unta sakkattinnaan ka aylampayta' xotta koonaan, ka nama' damta koonaan ka patta opeela oori in kinnin mina'e,

Xuuma Issayyaasi 66:19

Anka ishoottoppa' milikkita koda ka ishoottoppa a peela hase mankistewwaappopa erka ka Terseesi ka Lipiyaata ka Lidiyaatase paantaan torpinitto ka Tupaaleta ka Kirikkeeta ka piitaddasene pakateeta kara porra sekaati ca, isasene kurriyyo in dakaynini ka ulfeeniyyo in akkinini opoppa erka.”

Xuuma Ermiyaasi 14:22

Hela killannasene a paata patta, a orra ke amanni in kinnini, iroopa ino roopissa ettanshane? Hela moonta i'issin jirriiqa ettanissa? Inna! In ettanisso Waaqqo Poqallaanno a sede koda ettaninno ke patta; semmalla ken kippanninna.

Xuuma Hisqeeli 14:22

Ma xoori tin, hellaa a diira isho a tuparra lamaya oppa peela hasa ka ishin kapopa de'a; ishina oto ishootta akkitaneeyye, a atta kitto akkima' juppoolaya koddene upnaattan; umma anti Waaqa neequmtose an Yursaalami qara' qeede malla a kuttati a' nyarrahatan.’

Xuuma Hisqeeli 47:1

Sekkamma namase ka xarra tika qulqulloota oppopa anan oore; anka eyyeeyye pisha a kirittase a tika qulqulloota kela xata qinda piirtota opa urqina akke; maana malla xarra tika qulqulloota qinda piirtota opa tiitaaweey pishasene nefo kiritta tika qulqulloota a qinda tupattatinni urqini.

Xuuma Hisqeeli 5:5

Anti Waaqase piisa qara qapo in kiini, ‘Yursaalamise an mankistewwaayye otantoppa' xaaye ka piitadda an kapa qobbayshe pahanaadi sene.

Xuuma Taani'eeli 11:32

Nuqusoose ka orrase amanteetaaysho alle diishe sassapada ikka quda koddan. Orra a fayya Waaqaayshotin kallaanno xoori ikokkonaada. Ka isqara isha oorsha.

Hoose'i 14:5

Anti samayta a Isira'eeli kelopan pisha iksha, ishootta ka akka pisa' mina pisan ka akka qora a Lipanoosi' mina hittinna katadan.

Hoose'i 6:3

Xooya Waaqa upnaanna ka isha upnaatta' kokkonsanna; ha isha oto inopa deenooyye, akka la'ayta para' mina'e dukaatan ino akkaada ka akka roopa a soroora roopno ka piita faakinno mina'e, ino' de'a.”

Xuuma Iyyu'eeli 2:32

Nama maxxa Waaqa' haleeno piisa ka dina. Akkima Waaqa kide mina'e Yursaalami isho irroota Siyyooni' qara qoracca orra dinsho caada. Orra dino oppaayye, a Waaqa ishootta reexade'e caada.

Xuuma Amoosi 5:15

Takka punu Waaqa Poqalla a we piisa ettaninno hellaa a Isira'eeli'i suraysada kodditaay, ishina wa neeqa needdada ka wa paxaara' jaalada ka porra a firteeta farannaan oppaayye, dukaata haasawada.

Xuuma Mikkiyaasi 2:12

Waaqa ikiini, “Ishina pateetta kela pahe, akka kaharra moonnappa ca isho akka xelloota dawwatte ollopa tiitaawnitto mina'e, peela samayta Isira'eeli kela hase'e ollopa oorsha ikka piitoose' qara immakan.”

Xuuma Mikkiyaasi 4:13

Waaqa ikiini, “Ishina samayta Yursaalamitiiyyi, akkima xorma a kaassa isho kamaja silpa' qapo mina'en ishin kokkonnaysheey, aana ka paarkaalaassin akka unta' mina' tuma. Ha ishina' piitadda lekaya' patissan ka teyantaaysho a karpan ollopa pootadene piisa ana Waaqa Poqalla piita piisa mukinnooti ishin deetan.”

Xuuma Mikkiyaasi 4:7

Isasene totoonnaawe akka peela hasanen koda; isasene alle' puyatame sawwa fuurammoti' koda; anti Waaqa ka awwe desa paayyatteeyye haka paraparati'i irroota Siyyoonitiiyyi ishootta qara' nuqusuma.”

Xuuma Mikkiyaasi 5:3

Haka isha dalanno'e, Waaqa alle'e Isira'eeli diisha. sekkammaayye isasene' poojame ka tiitaawan ka orraaysho oppa lahan.

Xuuma Mikkiyaasi 5:8

Ka akkima karma pinaana a kappina opa shorro taaki akkima haaritta karma' xelloota kaharra opa doono ka qapanno ishootta ka nama qara ‘Sapay’ kido in qapnin mina'e, peelasene samayta a Yayqoopippa hase asseew samayta leka oppa paarkaalaasso' kodan.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Xuuma Sofooniyaasi 3:13

Orrase a Isira'eeli' poojama kelaayye hase juppoota in kodo, umma darta in haasawado umma afaasso oppa wa neeqa in sookan. Sede qaran xaate'e, ishootta iteyantoodan ka nakaytan kallaadan umma wa ishootta fuursha in caadan.”

Xuuma Sakkaariyaasi 14:8

Kuyyaasetiiyyi, Yursaalami karaayye pisha caatta'e paada. Paka takka ka pakateeta a qinda piirtota opa kittopa urqan, paka takka ka pakateeta a qinda dumaateta opa kittopa urqan. Ka pone isho sorooreeyye kuli urqa tupa' tawan.

Xuuma Sakkaariyaasi 9:13

Yihutan akka paanta' mina' kodada ka Efreemi akka lawa' mina tittada; oo Siyyooni! Hellaattin oranna' xaasha ka akka koraateta a maxanyawwa' mina ke kodada; akka hellaa Kirikki qara' xaata.”

Maatiyoosi 28:19

Semmalla oori aana ka orra piita piisa maxxa aappa ka a Inna ka a Hapura Qulqullootatin jaqqa Ka tamaarewwaayyo koda.

Kodampaya 11:15

Eten anti haasawatta paayyeeyye, akka paayyota Hapura Qulqulloota ino qara lekkade mina ishootta qara lekkadeew.

Kodampaya 13:46

Pawloosi isho Parnapaasi xoori, maxanyumaanne haasawaden; ka kidene, “qaaleta Waaqa paayyota'e ishina lelama parpaaccisni, ma oto ishina kiitene, ‘An teyyanno ka akkima caatta parapara ishin parpaaccisni in kinnin isi qara' farattaneeyye’ Ino in tiitaawna ka orra a Yihutaata in koddinin oppopa anna.

Kodampaya 16:9

Eyyeeyye, halkeetteeyye Pawloosi ka keleshaatappan, nama takka a piita Meqedooniya a qa'ade ka isha naappanno ka kiino, “Meqedooniyaapa tuulle ka ino qaarqaare” akke.

Kodampaya 9:15

Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane.

Roomi 10:20

Issayyaasi kuli ka maxanyumaan haasawade ka kideewwe, “a ana in faaniniiti'in teyade, ka a ‘Waaqa aysha ca?’ in kiinini ka ana in kaassanniniiti akkaade.”

Roomi 11:12

Ishin dapayta Yihutaata saka kuttayta kaskeella' qeede; pi'ittaaysho ka a Yihutaata in koddininiiti saka kodde; katin Yihutaata dinniiyyiiw, sakase oo atta koopni heene!

Roomi 9:30

Semmalla oori maanan kiina? Orrase Yihutaata in koddinin a hanqeellumaan in kallaannini hanqeelluma teye; hanqeellumoosen nefo, hanqeellumasene amanteetan teyanna.

Qorontoosi a paayyota 3:6

Anti in dishe, Abbiloosi ka pisha ikshe, a deheshe xoori, Waaqa.

Mataafa oppa' Ooreta 32:2

kollissaayo a akka roopa mina roopo; haasaayyo ka a tadahata mina tojen; ka aykitta a sakkattino qara a tadahata mina ka sakkatta unta qara'e a uusheta mina qiten.

Mataafa Taanynyada 6:36

Sekkammaayye, Kedewooni ka Waaqa kide, “Amma akku akka kiite mina'e, ana qudan akka Isira'eeletan pahato'e, i'ana reexatteey,