Xuuma Mikkiyaasi 5:4 - Mataafa Qulqulloota

⁴ Isha ka hupna ka ulfeena a Waaqase kutta isha' daasamon xa'a ka maxxa Waaqa a Waaqaaditin xellootase a kaharra' siksha. Kuttumaadi qoota pora piita oppa oorto pisa oppa' dakaadan malla, ishootta qaapa mali kallaadan.

Xuuma Mikkiyaasi 5:4 ပူးပေါင်းရင်းမြစ်များ

Mataafa Masmuureta 145:12

Ka kodoose' xaayti kokkoka ka kuttumta ulfeena mankisteetaayti upnaanni.

Mataafa Masmuureta 22:27

Orra piita piisa, a matte isha oorsade ka Waaqopa tiitaawo; kaffa samayta' piisa ka isha tura' sakatadan.

Mataafa Masmuureta 72:19

Maxxase' xaadi ulfeessame a haka paraparati' kalataysamo! Ulfeenaadi ka piita piisa qara immako! Ameen! Ameen!

Mataafa Masmuureta 72:8

Piitaadi a mukinno a pakateeteeyye desa pakateeta kayto; ka kirrase a Efraatisiti xaato ka haka pora oppa piita oorto kayto.

Mataafa Masmuureta 93:1

Waaqa inuqusume ka ulfeena pulade, Waaqa ulfeena uwwisade ka kokkonnuma hidade; ka piita fayya' qaatishe, ikka lelleehni in kinnin.

Mataafa Masmuureta 98:3

Xoonaadi ka amanamumaadi a hellaa Isira'eeliti' qapo dikade. Xaalla piita' piisa ka dinssa a Poqallaanno akken.

Mataafa Sooketa 23:21

Isheetta dakaye ka afaadi ajajame ka isheetta an falqan; qoota maxxiyyo isheetta qara co malla, ishin dapaytaayti ke in diissooy.

Xuuma Issayyaasi 45:22

A porra sessekaati kala piisaayye, anopa tiitaawa ka paha; anti an Waaqaay, umma a pila in cooy.

Xuuma Issayyaasi 49:5

Ilda Waaqa' tura in ulfeessame; Waaqiyyo ka hupniyyo koddeey, akkan Yayqoopi ishopa oorsho'e ka Isira'eeli ollopa isha' tiitaysho'e, akkan orxaytaadi koddo'e, Waaqase karitta kara ana uume,”

Xuuma Issayyaasi 52:10

Waaqa hupnase' xaadi qulqullaawe mankistewwa tura' akkisha, samayta a porra sessekaati co ka dinissa a Waaqinno akka.

Xuuma Issayyaasi 52:13

Waaqa ikiini, “Tin, orxaytiyyo ookumanne koda koda; ka opeela xa'a ka opeela kuttada ka akata ulfeessama.

Xuuma Issayyaasi 8:7

tin, Waaqa pishasene a kirra Efraatisi kutta'e nuqusase a Asooriti ulfeenaadi piisan ishootta qaropa kaa'a; Pishasene ka kaba qaran waalan ka piitase kirra kapandesa kitto piisa laalahashan.

Xuuma Mikkiyaasi 7:14

Waaqqo! Akka sikmayta fayya deettappan desa xelloota sikinno mina'e, samaytaayti siksado ka ishootta muroppa ca a xatta' mina'e akka piisse a Paasaani ka a Kele'aati oppan desa deetta deetane' kode.

Xuuma Sakkaariyaasi 13:7

Waaqase we piisa ettaninno ikiini, “Atti koraatetayti! Sikmaytase xayyo an ollin moottumminno qara' xa'e ka dayshe; kahirra ka alle' pasen. Anti nefo harkiyyon a shashakka qaropa oorsada.”

Xuuma Sakkaariyaasi 9:10

Waaqa ikiini, “Anti sarakellaan piita Efreemi karaayye, pashsha ka fartada a oranna Yursaalami karaayye tawsha; lawadda a oranna alle'en mooja; nuqusaayti ka samayta piitati nakayta salisha; xeelaadi nefo pakateete paayyatte haka pakateetati'i oornaada ka kirrase a Efratiisiti paayyatte haka pora oppa piita oortooti'i paldaada.

Xuuma Milkiyaasi 1:5

Ishina samayta Isira'eelitiiyyi, wossen piisa ildaassinanne akkitan ka kiitane, “Ha turu Waaqa, ino pattan ma piita pila kuli qara kokkoki.”

Maatiyoosi 16:18

Anti nefo in ke kiini, atti a Peetiroosi! Anti shilose qara'en maapariyyo a amanteeta qaatisha, umma hupna neequmta nefo maaparose puta in ettansho.

Maatiyoosi 2:6

‘Ke a piita Yihuta kara kitto atti Peetelehemi! qoota mukissampayta samaytiyyo a Isira'eeli siksho ke kara sooko malla, katamaddasene kutkutta a piita Yihuta kela pakkanna a qajito.’

Maatiyoosi 25:31

Kammadesa Yesuusi ikide, “Inna a nama oto erkampattowwa a Waaqa olli ulfeenan deenaaneeyye, sufaana ulfeena qare kuti'an.

Luqaasi 1:32

Isha a kutta kodda ka inna a Waaqase we piisa qaropa qapo kidama. Waaqa Poqalla ka sufaanase a aappaayshoti a Taawiti ishi daasha.

Yohaannisi 10:38

Oton koda Aappinno'en kooniiyyi xoori, kadi punu ana a'amanni a kinniniiyyi, kodiyyo amana. Sedenne akkima Waaqa Aappa anan co, anti ka Waaqa Aappan co fayya upnaattaneey.”

Yohaannisi 20:17

Yesuusi ka isheetta' kide, “Anti ata Aappinno kapopeela an anneey, ana quda in kokan ma hellaanno kapopa aane ka ishootta' kide, ‘Yesuusi ikiini, anti isase Aappinno ka Aappaayshin kodde ka Waaqiyyo ka Waaqaayshin kodde kapopan moontopa fayyada.’”

Efesooni 1:3

Aappa opa Poqallaanno a Yesuusi Kiristoosi isase Kiristoosi qudan sakase a Hapura' moonte co piisan ino' sake Waaqa a kalataysamo.

Petroosi a paayyota 1:5

Ishina'ew, dinase kuyyaata piraampirati akkaado'e, amanteeta qudanne hupna Waaqatin tooytaamten.

Yihuta 1:1

Erkana ana Yihuta, orxaytase a Yesuusi Kiristoosi ka inna a opa Yayqoopi kodde kapaayye, ishina halaame Waaqa Aappa ka ishin jaalade, Yesuusi Kiristoosi ka ishin tooyte piisa erkame.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.