Xuuma Mikkiyaasi 5:2 - Mataafa Qulqulloota

² Waaqa ikiini, “Atti ke a piita Efraata kara kitto Peteleheemi, kadi punu kantada a Yihuta oppa shakkatte nefooyye, a xattati paayyatte haka paraparati'i, a saara koddo ka Isira'eeli mukshon keppaayye xaasha.

Xuuma Mikkiyaasi 5:2 ပူးပေါင်းရင်းမြစ်များ

Mataafa Uumata 35:16

Sekkammaayye, Yayqoopi isho tolaadi peeteliiyyi anta' xa'en. Ete Efraata kapa' dehaadeneeyye, Raaheeli ka xaayan qapamte, yetatta xaaya ka isheetta qara' koope.

Mataafa Uumata 35:19

Sekkammaayye Raaheeli eennow toote. Ka pora katamasene a Efraata isasene ammaayye Peteli kidamma opa anno kapa' hawlamte.

Mataafa Uumata 48:7

an piita Mosoppotaamiyaati piita Kene'aani opa tiitaawno ka Efraata kapa foolsadeeyye, aayyaassin Raaheeli poroppa'e ana qara' toote. Anka porose a Efraata (isase Petelehemi kidamte) opa anno kapa ishetta hawlade.”

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa Otoowwa a paayyota 2:54

Hellaa Saalima, Peteleheemi ka Netoofata ka Ataarotipetiyo'api isho Menahaateta quda paka takka Soori'aata.

Mataafa Otoowwa a paayyota 4:4

Fanu'eeli Ketoori xaaye; Eseeri ka Hushaani xaaye; sene sanynyeeta Huuri a qaarta Efraata isase Peteleheemi qupe.

Mataafa Otoowwa a paayyota 5:2

Yihuta ka hellaasso qaropeela kokkonnuma jaale; kadi punu mukissampayta ishoppa sooke nefooyye, qaartuma xoori Yoosefi'i daasame.

Mataafa Masmuureta 132:6

Qoota taapotase a kodayteeta Waaqati desa, Efraata kara'en dakayne ka Qiriyaati arimi' teyne.

Mataafa Masmuureta 90:2

A irrowwa in dalannin, akka piita isho moonta a' uummin turan, paraparaayye paayyatte haka paraparati'i atti a Waaqa.

Mataafa Sooketa 18:21

Semaliiyyiiw orra ettanissa qapo ka Waaqa fuurro ka amanammo ka nooddota needdo samaytose piisa oppa reexe; ka shaalaqadda ka motoloqadda ka amsalaqadda isho assiralaqadda ishootta kode ka samayta qara ishootta shuume.

Mataafa Sooketa 18:25

Ka samayta piisa oppaayye orrase ettanissa qapo reexe ka shaalaqadda ka motoloqadda ka amsalaqadda isho assiralaqadda kode ka samayta qara shuume.

Xuuma Issayyaasi 11:1

Akkima kurpana qudaayye fujuqa ujjino, hittinaadi ka taama dehinno mina'e, toola Isseyi oppaayye nuqusa xa'a;

Xuuma Issayyaasi 53:2

Fuulaadi tura akka sakkatta, ka akka hittina a piita kokteppa dehe mina'e kuttade; ka akka ino isha quda an tooynini'i, xarjaalluma taaki ulfeena in qapo; umma akkan ino isha an jaalannini'i pissa in qapo.

Xuuma Issayyaasi 55:4

Tin, anti mankistewwa piisa qara'en maakkitta ka saara isho ajajampayta isha koda.

Xuuma Issayyaasi 7:14

Semmalla Poqalla mattaadi' milikkita ishina' daasha; tin, iskatteeta xayya qapto inna hita ka inna diirta' xaaya ka maxxaadi ‘Amaanu'eeli’ Kiita ka haleeta.

Xuuma Ermiyaasi 30:21

Waaqa ikiini, “Ishoottoppaayye takka ka saaraaysho kodda; anka isi kapopa isha dehaysha ikka ana kapopa dehaada; a taakkiti ayno maxanyuma ka ana kapopa dehaatta ettansha?

Hoose'i 6:3

Xooya Waaqa upnaanna ka isha upnaatta' kokkonsanna; ha isha oto inopa deenooyye, akka la'ayta para' mina'e dukaatan ino akkaada ka akka roopa a soroora roopno ka piita faakinno mina'e, ino' de'a.”

Xuuma Amoosi 9:11

Waaqa ikiini, “Kuyyaatan oppa mankisteetase a Taawwiti a pi'ite xaasho de'a, anka kawwattaadi a qitte dawa ka isase' pootamte harmisha; ka a turan kitto pahanaysha.

Xuuma Mikkiyaasi 4:10

Ishin samayta Yursaalamitiiyyi, akkima iskatteeta yatatta xaayatin qapamte mina' paatan isi qida; katamasene a kara kaltane kara iddaanamtan ka lakoppa' kutiitan ka piita Paapilooni opa poojamtan. A koddito ma Waaqa eyye'e ishinan paha ka paarkaalaassin kela ishin tooyta.

Xuuma Sakkaariyaasi 13:7

Waaqase we piisa ettaninno ikiini, “Atti koraatetayti! Sikmaytase xayyo an ollin moottumminno qara' xa'e ka dayshe; kahirra ka alle' pasen. Anti nefo harkiyyon a shashakka qaropa oorsada.”

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Maatiyoosi 2:1

Sapana a nuqusa Herodiisiiyyi, ete Yesuusi katamasene a Peteleheemi piita Yihutaata kara ca oppa daladeyye; tooyampaya a hikka moonta'e qinda pirtootate desa Yursaalamipa de'en.

Maatiyoosi 2:6

‘Ke a piita Yihuta kara kitto atti Peetelehemi! qoota mukissampayta samaytiyyo a Isira'eeli siksho ke kara sooko malla, katamaddasene kutkutta a piita Yihuta kela pakkanna a qajito.’

Maatiyoosi 28:18

Yesuusi ka de'e ka ishootta kide, “Hupna ukkumeeta piisa piita ka moontanne ana'e daasame.

Luqaasi 23:2

Ka isha xasasa paayyen ka kiini, “namoose a orrinno saanta qara maqinnon qara kayne, ‘Ka akka Qeesaari opani kipira in daannini dawrini’ Ka issi kiini, ‘Anti Kiristoosi an nuqusa.’”

Luqaasi 23:38

Ka taafetase kiinitto, “Ini nuqusa a Yihuta” Yesuusi qara xata masqala qara rakken.

Yohaannisi 7:42

Kiristoosi akka sanynyeeta Taawwiti oppa delado ka Peetelehemi katama sene a Taawwiti oppaayye de'o, mataafa qulqulloota qara intaafamme?”

Mataafa oppa' Ooreta 1:15

Anti ka kaffaassin oppaayye mattiyyaassin a ookka a ulfeessame qeede ka ishin qara'e, shaalaqadda ka motoloqadda ka amsalaqadda isho assiralaqadda kode ka shuume ka saarra kaffa kuli ishina shuume.

Qolaasiisi 1:17

Isha we' piisa turanne ca. We' piisa ka ishan ollopa qapamen.

ipro 13:8

Yesuusi Kiristoosi xala ka awwe ka haka paraparati ishaaw umma pursammi in co.

ipro 7:14

Poqallaanno akkima kafa Yihuta oppa de'e, i'upnaysamte. A kodditoma, Muuse ete qoota qeesewwaati desa haasawannooyye, qoota kafa Yihutaati desa wa haasawade takkan' nefo in caan.

Yohaannisi a paayyota 1:1

Qoota qaalese a caatta' paayyota qaraayyeew kitto desa in ishina' taafninna. Qaalese a caata' nefo isase an dakayne ka ildaannon akkine ka quda tooyne ka harkaannon quda qappanne.

Keleshaata 19:16

Ohaataadi isho kupeettaadi quda'e maxxa a kiino, “Nuqusa nuqussa ka Poqla poqalladda'e” taafame.

Keleshaata 2:8

Erkampattoota a tikase a kiristaana Semirineesiti' taafe ka kide: “Sede isase a paayyota ka a piraampira kodde ka turan to'e ka caattampayta kodde kapa lelamte;

Keleshaata 21:6

Sekkammaayye i'ana kide, “Idikkatte; anti an alfa ka oomeka, a paayyota ka a piraampira. A deepode'e, anti ela pisha caatta oppaayyen kaaja takkan nefo maliiyyi patta ishi daasha.

Mataafa Taanynyada 17:7

Sitiiyyi piita Yuhutaatiiyyi, sanynyeeta Yihuta oppaayye Lawitta takka xayya qapo katamasene a Petelehemi kara kala.

Mataafa Rutti 1:1

Xatta a poqalladda piita Isira'eeli mukinnaaneeyye, sitiiyyi piitaaysho a Isira'eeli ka loosatte. Efraatitta takka Apemeleki kiinaan ka lootase turaayye, katamasene a Peetelehemi piita Yihuta kara akkaannaati desa, iskatteetaadi Nuhaamini ka hellaadi lakki a diira, Mehalooni ka Kelewooni ollin xa'en ka piita Mo'api opa alle paqen.

Mataafa Rutti 4:11

Qimoota ka orra a ishootta kapandesa co piisa ka kidene, “Aa! Keeton ino an maakkiyya. Iskatteese tikaaytippa deenitto, akka Raaheeli ka a Liyya Yayqoopi hellaa lekaya xaayen mina'e a tumma dalto, atti'iw, katama Efreemi oppa dakaado ka a Petelehemi oppa kurra teye.

Mataafa Saamu'eeli a paayyota 10:19

Ishina xoori awwe Waaqase xaayshin rakkootaayshin isho qaapaayshin oppa ishin dininno tuffatten ka kiitene, ‘In koddito! Nuqusa ino nuqusumshe; semmalla amma oori kaffaassin isho sanynyewwaassinan fuula Waaqa tura issi dehaysha.’”

Mataafa Saamu'eeli a paayyota 17:12

Taawwiti Yihuta karaayye, inna Efratittase a Isseyi a Peetelehemi kara kalooti. Isseyi hellaa sette qapa. Xelta Saa'ooliiyyi, isha orroppaayye nama akata qime. parraadi ka ollin sekaaden.

Mataafa Saamu'eeli a paayyota 17:18

Ka ittootose laaqqamte kudani qeede ka shalaqaassoti daashe ka maanaappa akkima caan kaassado. Ka akka nakayta qapane ishootta kapa milikkitaan ana kale.

Mataafa Saamu'eeli a paayyota 23:23

Semmalla lettisha ka porrada a kara dekanna upnaada. Ka wa qalpeeffattene xooya ka ana lela. Ishin ollin de'a ka oton ipiitose oppaaw caayye, kaffa Yihuta piisa oppa isha fadaay.”

Mataafa Saamu'eeli a paayyota 8:12

ka demo shalaqadda ka amsalaqadda kodada. Demo ka isha kela piita qotan ka ishi unta feran ka meeha oranna isho a sarakeella oranna ishi tuman