Xuuma Mikkiyaasi 5:13 - Mataafa Qulqulloota

¹³ Killowwasene a' xefattene ka tuuddasene a' kela xata sakatannittane'en ishin tura alle' pashsha, umma awwe desa wa a harkan xefatteneti'i a' sakatattan.

Xuuma Mikkiyaasi 5:13 ပူးပေါင်းရင်းမြစ်များ

Xuuma Hisqeeli 6:9

Ishin oppaayye a toota kela pahe ka piita pila opa poojame, piitase a oppopa poojameneeyye, matte ana oorsadan ka ete ana jippen ka killanna' sakatadeneeyye, a atta kitto akkima ana nyarrahasiisen upnaadan ka nyalaasso isho neequmtaaysho a koden piisa minanne isi nefo jippan.

Xuuma Hisqeeli 36:25

Pisha paxaara'en ishin quda' fidda; akka nyalaassin pisa oppaayye jaqqamtan; anka killannaassin piisa alle ishin oppa tawsha.

Xuuma Sakkaariyaasi 13:2

Kuyyaasetiiyyi, maxxada a killowa'en piisse oppaayye pashsha, umma arepadesa nama matte ishootta oorsado in caado. Anti xuumampaya a darta isho hapurra neeqa'en piisse oppa alle' tawsha.

Hoose'i 14:8

Ata samayta Efreemiti, anti maanan killoota olli qapa?, Ha ana qinseetaayshin dakaya ka ishin qara tooya. Anti an pirpirta awta piisa ilaawuma quda' tawno mina; dalta daletaayshin nefo ana qudanneew kodda.”

Hoose'i 14:3

Ha Asoori inon paha in ettanisso umma fartada a oranna qara xasa an xaayanno umma arepadesa killowwasene an harkan xefanneeti'i an kiino, ‘waaqinno.’ Ha he'aya toolla in qapnini'i ke kapa dissata akkadan.”

Xuuma Hisqeeli 37:23

Umma kulipaata killannaasso ka waakkadasene xaaysho jippame taaki juppootaayshotin issi in nyalshan; ma anti juppoose' xaaysho a oppa o'ooretan koden pisa oppan ishootta dinsha ka ishootta jaqqa; ishootta ka samaytiyyo koddan; anti ka Waaqaaysho' kodda.

Xuuma Issayyaasi 2:8

Piitaaysho killannaanne immakaatte, ikka wa a harkaassotin kodadene ka qupiyyaassotin kodeneeti' sakatanni.

Keleshaata 9:20

Sanynyeeta nama a erkannawwosen oppa toota kela pahate, kodase neeqa a harkaayshoti diisheetanne juppootoppa in oorre. Umma orriyya isho killanna a warqeeta ka dakara pirreeta ka a siplalla ka daka isho qoraappa kodame, a paata akkeeta taaki dakaya taaki pora anta ettaninni in kinnini waaqaysatta in diinne.

Mataafa Taanynyada 18:17

Namase keni turan piita lettissa aane ka tika Miikka kelopa kulle ka killootase qoyroppa xefamte a dakara pirreeta a liilshenen tura deken ka mehadda qeesuma efuuddi kidamma isho killowwasene a tika kara kuli qeeden. Sitiiyyi qeesittase xelase mehadda a oranna qapo nama dippa lehi kapa'e xarra tura qa'ade.

Xuuma Issayyaasi 2:18

Killannaasso' piisa ka takka' patan.

Hoose'i 10:2

Ha karittaaysho sassapaanne immakaade semmalla kateetta dapaayshoti'i akkadan; Waaqa porase a qara' kalisoota dehannaane' piisa alle' tura qeqqepsha ka porase a oppa' killoota' sakatannaan kela alle tuudda qitqishsha.

Xuuma Nahoomi 1:14

Waaqa dapa orra Asoori' qara' mure ka kiini, “Arepa desa sanynyeeta maxxaayti dakaytisso a' qapnaatto. Killowwasene tikase a kela' sakatannittane' kela ca, isasene a' qoraappa xefattene ka silpallaappa tumattene' piisan alle' pashsha. Ishina'ew qoota neequmtan immakaatten malla, hawlan ishina' qota.”

Xuuma Sofooniyaasi 1:4

Anti orra Yihuta isho a Yursaalami kara kalo piisa qara'en farata; ka porase a oppaayye maxxa orrose killootase pa'aali kidammo' saksanno ka qeesewwa ishi koda koona alle' pashsha.

Xuuma Issayyaasi 27:9

Sanynyeetase a Yayqoopi Isira'eeleta, awta dakadda a poqa kalisoota a aannata' mina yooqaneeyye ka olaahiyya a killoota asheera isho dakadda a poqa kalisoota a tankarta alle shukaneeyye, awsetiiyyi dapaaysho ishootta' diisama; wa juppootaaysho alle pashsha nefo, sede patta.

Xuuma Hisqeeli 16:41

Ka tikkaatti kukkupan ka iskatta lekayta tura'e, firteese ke qara' faratamte dikkishan; anka sharmuutumaayti ke qara qaatisha, umma kulipaata a ke olli sharmuutumaati kaaja a' daasso.