Xuuma Mikkiyaasi 4:9 - Mataafa Qulqulloota

⁹ Ata maana malla akka iskatteeta yatatta xaayatin qapamte mina akata asse ullupni? Hela sede a nuqusa a' qapnin malla? Moon hela qoota orra ke dehaamo dapte malla?

Xuuma Mikkiyaasi 4:9 ပူးပေါင်းရင်းမြစ်များ

Xuuma Issayyaasi 13:8

Ikka ririkkaawan ka surumta a yetatta xaaya' pahaton qapaman ka iskatteeta a xaaynitto mina suraysadan ka oli totooyyan ka oli qara tammaqan; fuulaaysho ka tammaqtan poornaada.

Xuuma Issayyaasi 21:3

Surraayyo ka surumtan mittame; anka iskatteeta a xaayan qapamte mina' suraysade; surumtiyyo qaran xaate'e, an paata dakayni an co ka tammaqtiyyo qaran xaate'e, an paata akkini an co.

Xuuma Issayyaasi 26:17

Oo Waaqqo, akka iskatteeta a xaayan qapamte nessaadi xa'innitto ka surumtan ullupnitto mina'e, ino asseewwen fuulaayti tura' koddine.

Xuuma Ermiyaasi 22:23

Ke a tika pirpirta a Lipanoositin qupamte kara kalo, ka qora pirpirtatin tikaayti qupatte, kadi surumta a iskatteeta xaayan qapamte mina ke qapaayye, atta' koddita?

Xuuma Ermiyaasi 30:10

Semmalla Waaqa ikiini, “Orxaytiyyo sanynyeeta Yayqoopi in fuuran; umma samayta Isira'eelitiiyyi in tammaqan; anti piita a sekatiiyyin ken paha; ka sanynyeetaayti piita a oppopa poojamenetiiyyi furada sanynyeeta Yayqoopi ka tiitaawta ka nessuma ka nakaytan kallaatta; umma wa ishootta qaapsha in caadan.”

Xuuma Ermiyaasi 4:21

Haka aytamiti'in paantira oranna a nyaapa tooya? Ka haka aytamiti nessa kaasa oranna dawammo dakaya?

Xuuma Ermiyaasi 4:31

Ullupitta a iskatteeta xaayan qapamten dakayni; ka quujatta iskatteeta innaadi a kuuta xaaynitto dakayni; ullupitta a enenta Siyyooni a nessa karadela kayni in kinnin harka pappaldinni ka kiini, “Oo ana kido! Innukkulaade ka harka orra orra lenno oppa' pi'e.”

Xuuma Ermiyaasi 48:41

Katamaddaasso qara piraman; mishshikewwaasso iqapaman; awwsetiiyyi xela oranna a Mo'api akkima iskatteeta a xaayan qapamte mina'e tammaqa.

Xuuma Ermiyaasi 50:43

nuqusa Paapilooni ka qootaayshoti desa dakaye; harkaadi ka qishshammooden, qaapa ka isha qara' de'e; ikka akka iskatteeta xaayan qapamte mina suraysade.

Xuuma Ermiyaasi 8:19

Nessa a enenta samaytiyyo a piita sekati desa ullupno ka kiino, “Hela Waaqa Siyyooniiyyi in co? Hela nuqusaadi eyye in kalo?” Dakaanni. Waaqaaysho ka ishootta kiini, “Ishootta maana'e pahanaddaasso a xefameetin ana miirayshen; ka killannaasso a haptatin ana tanaayshen?”

Pooyta Ermiyaasi 4:20

Nuqusase xanno, a Waaqa ino' reexe anka quda' xasa oorsanninno, ka kiininno, “Orroppaayyen karkaadi kela' koorsanna” Turuuraysho oppa'e qapame.

Hoose'i 10:3

Ishootta ikiini, “Sede an Waaqa fuura diinne mallan nuqusa dapne; ata allu kadin punu nuqusa qapna nefooyye, maana ino' koda ettansha?”

Hoose'i 13:13

Isha akka iskatteeta yetatta a xaaya oppa kitto mina'e qaapa qara' de'a. Isha eepa a inna, a dalatta kaye kapaayye karitta aayyaasso oppa' tarkame' mina paha.

Hoose'i 3:4

Hellaa Isira'eeli akkimoose' mina'e nuqusa ka saarra ka kalisoota dehassa ka waakka qaatisatta ka qeesewwa isho killoota mali parra lekaya kallaadan.

Xuuma Mikkiyaasi 5:3

Haka isha dalanno'e, Waaqa alle'e Isira'eeli diisha. sekkammaayye isasene' poojame ka tiitaawan ka orraaysho oppa lahan.

Yohaannisi 16:21

Iskatteeta oto xaaynittooyye, qoota kuyyaataadi a yatatta kayte malla, inyarrahani. Oto xaayto kammaayye xoori, qoota inna piita qara' deladen malla, xasoottaadi qaran xaate'e surumtaadi matte oorsanni in kitto.

Keleshaata 12:2

Isheetta inna karittoppa qapta ka yetetta xaayatin qapamte. Ka suraysanni ka ullupni.