Xuuma Mikkiyaasi 4:7 - Mataafa Qulqulloota

⁷ Isasene totoonnaawe akka peela hasanen koda; isasene alle' puyatame sawwa fuurammoti' koda; anti Waaqa ka awwe desa paayyatteeyye haka paraparati'i irroota Siyyoonitiiyyi ishootta qara' nuqusuma.”

Xuuma Mikkiyaasi 4:7 ပူးပေါင်းရင်းမြစ်များ

Mataafa Masmuureta 2:6

Ka ishootta' kiini, “Anti irrootase' xayyo qulqullaawte a Siyyooni qara'en nuqusiyyo shuumade.”

Xuuma Issayyaasi 16:5

Sitiiyyi mankisteeta takka ka xoonasene' pirama in qapninitin qa'atta; sanynyeeta Taawwiti oppa nama takka ka nuqusuma. Ka irra qara hanqeeta orra' kalsha ka amanuma isho mura dukaatatin orra muksha.

Xuuma Issayyaasi 24:23

Waaqa a we piisa ettaninno, qoota irroota Siyyooni isho a Yursaalami qara nuqusumo malla, piirtota ishishshipta; leya la'ayta in daasho; ishakka qimayaadi tura ulfeenaadi akkisha.

Xuuma Issayyaasi 6:13

Kadi punu piisse oppaayye nama kudani oppa takka' peela hasaayye, piita ikki'i lulle hasa tupaaw caatta; ma xoori, akkima oto qoyra hilteeta taaki a leya' muraneeyye kurpana a fujuqno hasno mina'e, xottoosen qulqullaawe' nefo asseew kurpana a fujuqno koddan ka piisse oppa' hasan.”

Xuuma Issayyaasi 60:22

Keppaayye a shakka kumadda kodda, a akata shakka ka mankisteeta a hupna qapto kodda; anti an Waaqa; ka etaadippa sede jarjartan dikkisha.”

Xuuma Issayyaasi 66:8

Ayno wa asse paha apari dakaye? Ayno ka apari wa asse paha akke? Hela piita ikuyyaata takkoppa dalatta ettanissa? Samayta takka ka irra qara dalatta ettansha? Ma xoori Siyyooni qapama yatatta kahaayatin qapamtenne eennow hellaadi xaayte.”

Xuuma Hisqeeli 43:7

Ka ana' kiini, “Atti to'ampayta namatiiyyi, poroose are co pora suufaaniyyo ka pora a loqtiyyo oppa yetatto, anka haka paraparati otanta samaytiyyo a Isira'eeli oppa' kallaado; umma kulipaata samayta maxxase' xayyo qulqullaawe in nyalsho, umma samayta Isira'eeli isho nuqussaasso killanna' sakatattaanne ka oto nuqussaasso le'aneeyye wa a koonaanetinni maxxiyyo in nyalshan.

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Xuuma Taani'eeli 4:34

Naapukedenasoori ka kide “Ete parose tappa dikkade kammaayye anka ildaayyo moontopeela tooyyishe, qalpeetiyyo ka ana' oorte; anka Waaqase kutta kalataysade ka isase haka paraparati' kallaanno saarsade ka isha ulfeesse. Ha isha nuqusa para para mankisteetaadi umma piraampira in qapto

Xuuma Taani'eeli 7:14

Ka akka samayta piitadda leka oppa kalo ka sanynyewwa ka orra afadda karkar haasawanno piisa isha kela' piddamo'e, siltaana ka nuqusuma isho hupna mukissa ka ishi' daasame. Mankisteetaadi umma pata in qapto, mukissaadi umma in dikkado.

Xuuma Taani'eeli 7:27

Siltaana ka kuttumta isho hupna mankistewwa mukissa ka oori moonte arepa xata piita piisa qara'e, qulqullowwasene a Waaqa kuttati' daasama, mankisteetaaysho ka haka paraparati' kallaatta, mankistewwa a piita qara ca' piisa ka ishootta' piddaman ka ishootta' ajajaman.

Hoose'i 1:10

Ma xoori samayta Isira'eeli eta a oppa porase a oppa Waaqa ishootta' kide, “Ishina a orriyyon.” oppa'e “Hellaa caattampayta Waaqa'e” kidamane de'a; lekumtaaysho ka akka hinkaajjeta daka kela' mina' koddita.

Xuuma Iyyu'eeli 2:32

Nama maxxa Waaqa' haleeno piisa ka dina. Akkima Waaqa kide mina'e Yursaalami isho irroota Siyyooni' qara qoracca orra dinsho caada. Orra dino oppaayye, a Waaqa ishootta reexade'e caada.

Xuuma Iyyu'eeli 3:17

Isira'eeli! Kuyyaasetiiyyi, anti akkan Waaqa Waaqaayshin kodde ka irrootase xayyo qulqullaawte a Siyyooni qara kalo, i'upnaatta. Yursaalami ka oori katama qulqullaawe' koddita; umma arepa desa orra piita heente ishootta in torpo.

Xuuma Aptiyu 1:21

Orrase a Isira'eeli putaymaan kale, irroota Siyyooni' qaraxata piita Etoomi' pidda; mankisteese' nefo Waaqa muksha.”

Xuuma Mikkiyaasi 2:12

Waaqa ikiini, “Ishina pateetta kela pahe, akka kaharra moonnappa ca isho akka xelloota dawwatte ollopa tiitaawnitto mina'e, peela samayta Isira'eeli kela hase'e ollopa oorsha ikka piitoose' qara immakan.”

Xuuma Mikkiyaasi 2:13

Waaqa samaytaadi tura xarra pana, ishootta ka saantose oppan diitmadan, isha ka mattaadi nuqusaaysho kodda ka tura' qata ka ishoottan aana.

Xuuma Mikkiyaasi 5:3

Haka isha dalanno'e, Waaqa alle'e Isira'eeli diisha. sekkammaayye isasene' poojame ka tiitaawan ka orraaysho oppa lahan.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Xuuma Sofooniyaasi 3:13

Orrase a Isira'eeli' poojama kelaayye hase juppoota in kodo, umma darta in haasawado umma afaasso oppa wa neeqa in sookan. Sede qaran xaate'e, ishootta iteyantoodan ka nakaytan kallaadan umma wa ishootta fuursha in caadan.”

Xuuma Sofooniyaasi 3:20

Anti sitiiyyi, isasene alle pase'en ollopa oorsha ka piitaaysho oppopa ishootta kalsha ka wa ishootta turaayye poojame ishootta' oorsha, sede nefo akka iltaayshinan akkitan. Kurraayshin ka dakaada, orra piisa ka ishin ulfeessa.” Waaqa asse kiini.

Luqaasi 1:33

Ikka Isira'eeli qara'e, haka paraparati nuqusuma, umma mankisteetaadi piraampira in qapto.”

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.