Xuuma Mikkiyaasi 4:3 - Mataafa Qulqulloota

³ Ha isha samayta leka qara'e farata, Waaqa ka, orra a piitadda Isira'eeli' kapandesa ca ka a sesseka oppa kalo ka oli dape ollopa araarsha. Ikka koraatewwaasso silpoota' tumadan; ka orannaasso maajiteeta' tumadan, umma orra oli in torpo. Sekkammaayye oori, nama qoota oranna torpeetati desa kollanno in caado.

Xuuma Mikkiyaasi 4:3 ပူးပေါင်းရင်းမြစ်များ

Mataafa Masmuureta 46:10

Jaw kida! Ka anti akkan Waaqa kodde upnaada! Anti samayta piita' qara'e in kukuttada; ka piita kuli qara kukuttada.

Mataafa Masmuureta 46:9

Ha isha, piita piisa qara oranna qaatinni; ka lawaddaappa moojni; ka oranna qeqqepinni; ka kontaleeta apittan kupni.

Mataafa Masmuureta 72:3

Irrowwa ka nakaytan immakaaden; samaytaayti'i kunkunnawwa qara hanqeeta ka caatto.

Mataafa Masmuureta 72:7

Hanqeelluma ka sapanaadippaayye pooran; haka leya pirammo kara'e, nakayta ka koopa.

Mataafa Masmuureta 82:8

Waaqqo, xa'e! Ka piisse' qara' farate, mankistewwa piisa xaaytiiwwiiy.

Mataafa Masmuureta 96:13

Waaqa deena qara ca? Piita qara' dapa ka dukaata mura'e, deena qara ca. Hanqeetanne piita qara' farata ka samayta piita' qara'e, dukaatan mura.

Mataafa Masmuureta 98:9

Waaqa piita qara' farata'e deeniiy. hanqeetanne piita qara' farata ka dukaatan samayta piitaati' dapa ka dukaata mura.

Xuuma Issayyaasi 2:4

Ha isha, otanta mankistewwa leka oppa'e dukaata mura, ka samayta lekayta ollopa deexa; ishootta ka koraatewwaasso silpowwa' tumadan, ka orannaasso' maajita' kodadan; arepa desa manksteeta manksteeta in torpito, umma oranna torpa in kolladan.

Xuuma Issayyaasi 25:3

Semmalla samayta a mankistewwa kokokkoka'e ke ulfeessa; a katamadda mankistewwa karpampaya kara kala ka ke fuuran.

Xuuma Issayyaasi 51:5

Hanqeetiyyo idehaanni, dinissiyyo nefo eeyye deeni, hupniyyo ka samayta qara' farata; a piitadda pakateeta kara ca' qara kala, ana kippanni, ka hupniyyo asanni.

Xuuma Issayyaasi 60:12

Mankisteeta isho samayta a ke kela koda kooni in kinnin ipiraman; ka takka patan ka dapadan.

Xuuma Issayyaasi 65:25

Waaqa ikiini, “Yoyta isho laha ollinni deetan; karma ka a xorma mina kajja dama, maaka ka piita haya; umma ishootta irrootase' xayyo qulqullaawte qara' rakkoota in qeedan ka miiddota in kodan.”

Xuuma Issayyaasi 9:7

Palduma a mankisteetaadi ka a nakaytaadi' pirama in qapan; ammaayye paayyatte haka paraparati'i; mura dukaata ka hanqeetanne mankisteetaadi qaatisada; ka quda qapa ka kokkonnassa'e, sufaanetase a Taawwiti qara' kuti'a; ka piita piisa pidda; yoota Waaqase we piisa ettaninno ka sede koota.

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Hoose'i 2:18

Sitiiyyi, ishin mallan kida ka pinaana ka xampira moontan xa'anna isho pinaana piitandesa titmanna olli kodayteeta kodada. Ka akka ishina' nakaytan kallaattane'e, piita qara lawa ka koraateta isho oranna alle' pashsha.

Hoose'i 2:20

Kodayteetiyyo tooytattaannen ke hema, atti ka akkan anti Waaqa kodde upnaatta.”

Xuuma Iyyu'eeli 3:2

Ka samayta piita' piisa ollopa tiitaysha ka naabase a Iyyosaafiti karopa ollopa ishootta oorsha. Ka sede a samaytiyyo a Isira'eeli piita a heente oppa pasishen ka piitaaysho kuli qootaden malla, ishootta qara' dapa mura.

Xuuma Mikkiyaasi 5:15

Piitaddasene ana dakaya tiite piisa qaraayyen miirase' xayyo kuttan haalota qeeda.”

Xuuma Sakkaariyaasi 14:3

Sitiiyyi Waaqa ka xa'a ka akkima eta orannaati orana torpino mina'e samayse a piita' torpa' sooka.

Xuuma Sakkaariyaasi 8:20

Waaqase we piisa ettaninno ikiini, “Samayta kuttayta isho orra a katamadda lekayaappa kalo amma Yursaalamipa de'a.

Xuuma Sakkaariyaasi 9:10

Waaqa ikiini, “Anti sarakellaan piita Efreemi karaayye, pashsha ka fartada a oranna Yursaalami karaayye tawsha; lawadda a oranna alle'en mooja; nuqusaayti ka samayta piitati nakayta salisha; xeelaadi nefo pakateete paayyatte haka pakateetati'i oornaada ka kirrase a Efratiisiti paayyatte haka pora oppa piita oortooti'i paldaada.

Kodampaya 17:31

Ka akka namase a isha' reexade qudan kuyyaata a oppaayye piita piisa qara dukaatan farato qapade; ka namase a reexade tootoppa xa'issaanne, nama piisa sede upnayshe.”

Keleshaata 19:11

Sekkammaayye moonta panamten akke ka tin farta ata akkeew; a fartase qara kute'e “Isase amaname ka dukaallayta” kidammo isha hanqeetanne faranni ka torpini.

Mataafa Saamu'eeli a paayyota 2:10

A Waaqa paarkaalumma iqeqqepan ka olloppa' ooran, ikka moonte xata ishootta qara xirara Waaqa orra piisa qara'e farata, ka nuqusaadi japeessa ka hupna a nuqusase a reexadeeti opeela qapa.”