Xuuma Mikkiyaasi 4:13 - Mataafa Qulqulloota

¹³ Waaqa ikiini, “Ishina samayta Yursaalamitiiyyi, akkima xorma a kaassa isho kamaja silpa' qapo mina'en ishin kokkonnaysheey, aana ka paarkaalaassin akka unta' mina' tuma. Ha ishina' piitadda lekaya' patissan ka teyantaaysho a karpan ollopa pootadene piisa ana Waaqa Poqalla piita piisa mukinnooti ishin deetan.”

Xuuma Mikkiyaasi 4:13 ပူးပေါင်းရင်းမြစ်များ

Mataafa Masmuureta 24:1

Piita ka wa isheetta kara ca' piisa, a Waaqa'ew; kaaskeella ka a qara kala' piisa, xaadiiw.

Mataafa Masmuureta 68:29

Qoota tikase' xaayti a qulqullaawte Yursaalami kara kitto malla, nuqussa daassatanne ke' de'an.

Mataafa Masmuureta 72:10

Nuqussa piitaddasene a Terseesi ka piitadda pakateeta kara ca, kipiranne ishi' de'an; nuqussa Sheepa isho a Saapa, harka poornayshaanne ishi' de'an.

Xuuma Issayyaasi 18:7

Awsetiiyyi Waaqa a we piisa ettaninno'e, samaytase piita piisa qara orra fuurinno ka deddera, dakintaaysho ka quda nukkulli, a irreelaya ka kokkonniyya kodde; a piitaaysho kirradan oppa qootamte kapaayye kalisoota ishi' kalta; ishootta ka irrootase a Siyyooni a qara' Waaqase a we piisa ettaninno Waaqaysannaan opa de'an.

Xuuma Issayyaasi 21:10

Oo samaytiyyo! Ishina awtaappa' tumameetiiyyi; waan Waaqa Poqalla a Isira'eeli a we piisa ettaninno qara dakaye, seden ishina' lela.

Xuuma Issayyaasi 23:18

Ma xoori tooktaadi isho wa kodannitta, Waaqa'e kalisoota a xawwi' reexxamte' koddan; tooktaadi umma eeyye ollopa in xaayamto ka in tuulamto ma a fuula Waaqa' tura kallaannaati'i, damta isho mehadda a kalsannaane a ishootta kayna ka qara kuli hasna'e koddita.

Xuuma Issayyaasi 5:28

Lawaaysho ilaajame, paantaaysho iqaasame; kamanta fartadaassoti paltitta mina; kanaannawwa a sarakeelladdaassoti ka a puppeeta mina' xaani.

Xuuma Ermiyaasi 51:20

Waaqa ikiini, “Paapilooni! Atti a purrishiyyo a meehiyyo a oranna! Kennen mankistewwa faanni ka musqanna' kooni; ka ken mankistewwa patinni.

Xuuma Ermiyaasi 51:33

Waaqase we piisa ettaninno Waaqase a Isira'eeli asse kiini, “Samayta Paapilooni awta oppa unta tumaan qara kilalinnaane'e pahanaada; eta oppaayye feraman ka awtasene oppa qara diddiitaman idehaatte.”

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Hoose'i 10:11

Ha samayta Efreemi akka koromta leenjisamte ka unta tuma jaalannitto mina; ma xoori anti a xolmaadi mata in qapnin qara'en qampara qaasa ka Efreemi kamma' kinteeta toomma, Yihuta ka ishin qota; hellaa Yayqoopiiw iqaasaman ka piitase' qotamte karkakkalshan.

Xuuma Mikkiyaasi 5:7

Isasene samayta Yayqoopi oppa peela hase, akkima Waaqa tadaahata ka uusheta seehinno ikka piita ilawnaannitto mina'e, orra leka'e saka koddan. Umma nama pora in kippadane ma, isha patta xasa' kodadan.

Xuuma Inpaqoomi 3:12

atti ka miiran piita qaran desa ante ka peeqaayti a kuttan orra qara matatte.

Xuuma Sakkaariyaasi 12:3

kuyyaatase a samayta piita Yursaalami qara pira' tuulooyye, anti isheettan samayta piita tura' shila a tuukkammi in kinnini koda. Orra a isheetta lellehissa dikanno piisa ka isi miidda.

Xuuma Sakkaariyaasi 12:6

Kuyyaasetiiyyi, akka xoopnatta apitta a tuula qora oppa qapade ka akka ila apitta a tuula unta oppa' qapade mina'en saarra a Yihuta' koda. Ishootta ka samayta a ishootta kapandesa a qinda akitta isho a pittittatin co piisa kupan. Yursaalami' xoori, poraadippaayye in lehto.

Xuuma Sakkaariyaasi 4:14

Isheetta ka ana' kiite, “Sene eeyye ca lakki orra poqallasene a piita piisati koda kodeeta' daatame.

Xuuma Sakkaariyaasi 6:5

Erkampattootase ka ana' oorisse ka kiite, “Sene hapurrasene a moonta afuri, isasene Waaqa poqallasene a piita piisa tura qa'anna'e sooke ka deeni.

Qorontoosi a paayyota 16:2

Oton anti de'ooyye, akka kaaja in pohammini'i, torpa torpaan kuyyaata sampatatiiyyi, matta mina kaaja a akkannittane kapa'e, nama a kaaja sooksho ka xawwi olopa xaayo.

Mataafa oppa' Ooreta 33:25

sipla isho sipla a poora oppaayye xarraayti kodatta; ka haka kittooyye kokkonnuma quda tawta.”

Mataafa Iyyaasu 6:19

Ma xoori mehadda warqeeta ka a siplalla ka a dakara pirreeta isho a qashawoppa kodame a Waaqa rexxame'ey tika Waaqa opanne kaltan.”