Xuuma Mikkiyaasi 4:10 - Mataafa Qulqulloota

¹⁰ Ishin samayta Yursaalamitiiyyi, akkima iskatteeta yatatta xaayatin qapamte mina' paatan isi qida; katamasene a kara kaltane kara iddaanamtan ka lakoppa' kutiitan ka piita Paapilooni opa poojamtan. A koddito ma Waaqa eyye'e ishinan paha ka paarkaalaassin kela ishin tooyta.

Xuuma Mikkiyaasi 4:10 ပူးပေါင်းရင်းမြစ်များ

Mataafa a Nuqussa a lammatta 20:18

Ka hellaa ke kara dalanna a atti xaayte kuli poojan ikka tika a nuqusa Paapilooni karaayye kunaya koddan.’”

Mataafa a Nuqussa a lammatta 25:4

Sitiiyyi kawwatta katama ka pootamte, nuqusa Yihuta Seteqiyaasi ete sede akkeeyye kadi punu xela Paapilooni katama kapa mureeyye, xelase xaadi a oranna'e qeede ka halkeetteeyye xarrase kawwaya lakki otantoppa co ka dulase a nuqusa kapa deha oppan naaba Yurtaanoosi opa qahe.

Mataafa Otoowwa a lammatta 33:11

Waaqa ka saarra a xela oranna a nuqusa Asoori ishootta qara xaashe; ishootta ka Minaase hida qapen ka soonaappa'e, funnoota ishi kalshen; ka sansalaata a sipla pooratin hiden ka Paapiloonipan kalen.

Mataafa Otoowwa a lammatta 36:20

Ka peela oranna kela pahe Paapiloonipa pooje ka ishin kale; ikka haka mankisteeta Faarisi xaanitto kara'e, isha isho hellaadi a diira kela orxaya kodden.

Mataafa Otoowwa a lammatta 36:23

“Ana Qiroosi nuqusa Faarisi in kiini, ‘Waaqa Poqalla moonta a mankistewwa piita piisa ana daashe; ka Yursaalamise piita Yihuta kara kitto kara'e akkan ishi tika qulqulloota qupo'e ana ajaje; semmalla samaytaadi oppaayye a ishin oppaayye co piisa a Waaqa Poqallaadi isha olliiyyi caado ikka alle piitaadipa kalo.’”

Mataafa Masmuureta 106:10

Ka harka paarkaaladdaasso kela ishoottan pahe ka harka nyaapaaysho kara ishootta furade.

Xuuma Issayyaasi 43:14

Waaqa qulqullittase a Isira'eeli ishin furanno ikiini, “Ishin mallan Paapilooni qaropa xela oranna' erka, Paapilooneta piisa ka a pora qahanitto koddita; ka markappa a issin jeejjannittaatin isheetta jeersha.

Xuuma Issayyaasi 45:13

Waaqa Poqalla a we piisa ettaninno ikiini, “Ha ana hanqeellumaan Qiroosi xaashe, ka saantaadi piisa isha tura' qajeelshe; isha ka katamaayyo qupa, ka samaytiyyo a poojame natan kalsha, umma kammaayye mushaara taaki xaayya in teyyado.”

Xuuma Issayyaasi 48:20

paapilooni kara sooka ka piitaaysho kara alle' qaha! Ka ililittan sede lela, ka pora oppa piita oorto' dakaytisha; ka kida, “Waaqa orxaytase' xaadi Yayqoopi furade.”

Xuuma Ermiyaasi 13:4

“Shapanteeta a piddatte ka surraappa qapto qeede ka kirra Efraatiisi opan aane ka paqitta shila kara juute.”

Xuuma Ermiyaasi 15:21

Anti harka ukkuttowwa oppan ke furada; ka qapeeta nyiraamaya kela ken paha.”

Xuuma Ermiyaasi 29:20

Ishina a poojame an Yursaalamiiyyi Paapiloonipa daane piisaayye, qaaleta Waaqa dakaya.’

Xuuma Ermiyaasi 4:31

Ullupitta a iskatteeta xaayan qapamten dakayni; ka quujatta iskatteeta innaadi a kuuta xaaynitto dakayni; ullupitta a enenta Siyyooni a nessa karadela kayni in kinnin harka pappaldinni ka kiini, “Oo ana kido! Innukkulaade ka harka orra orra lenno oppa' pi'e.”

Xuuma Ermiyaasi 48:41

Katamaddaasso qara piraman; mishshikewwaasso iqapaman; awwsetiiyyi xela oranna a Mo'api akkima iskatteeta a xaayan qapamte mina'e tammaqa.

Xuuma Ermiyaasi 52:27

Nuqusa Paapilooni ka piita Hamaati karaayye katama Ripila kara ishootta leyshe; Yihutaata ka saanta asse pahaton piitaadippa poojamte.

Hoose'i 1:10

Ma xoori samayta Isira'eeli eta a oppa porase a oppa Waaqa ishootta' kide, “Ishina a orriyyon.” oppa'e “Hellaa caattampayta Waaqa'e” kidamane de'a; lekumtaaysho ka akka hinkaajjeta daka kela' mina' koddita.

Hoose'i 13:13

Isha akka iskatteeta yetatta a xaaya oppa kitto mina'e qaapa qara' de'a. Isha eepa a inna, a dalatta kaye kapaayye karitta aayyaasso oppa' tarkame' mina paha.

Hoose'i 2:14

Semmalla amman isheetta naappada ka koommaytoppopa titta. Ka eeyye'e torra paxaaraatin kara sataata qeeda.

Xuuma Mikkiyaasi 5:2

Waaqa ikiini, “Atti ke a piita Efraata kara kitto Peteleheemi, kadi punu kantada a Yihuta oppa shakkatte nefooyye, a xattati paayyatte haka paraparati'i, a saara koddo ka Isira'eeli mukshon keppaayye xaasha.

Xuuma Mikkiyaasi 5:3

Haka isha dalanno'e, Waaqa alle'e Isira'eeli diisha. sekkammaayye isasene' poojame ka tiitaawan ka orraaysho oppa lahan.

Keleshaata 12:14

Iskatteese akka porase isheetta harmisame opa moontan xa'atto'e xoolla lakki a kawwaarayta kutta'e ishi daasame. Ikka eeyyepa maakase tura sekaatte ka para sessa ka paka tura tooyamte.