Xuuma Mikkiyaasi 3:8 - Mataafa Qulqulloota

⁸ Ma xayyo xoori, akkan hellaa Isira'eeliti' juppootaaysho ka dapaaysho lelo'e Waaqa hupnaadi ka hapuraadi ka dukaataadin ana immake ka ana kokkonnayshe.

Xuuma Mikkiyaasi 3:8 ပူးပေါင်းရင်းမြစ်များ

Mataafa Iyyoopi 32:18

Maana malla anti haasa an haasawada ana kara immaken. Karittiyyo kara hapura ka ana kitteessiniiy,

Xuuma Issayyaasi 58:1

Waaqa ikiini, “Jaw in kidan ma nessaayti kuttishe ka salishe ka a kaasa' mina' dawe ka ishin dapaytaaysho samaytiyyo' lele ka sanynyeeta Yayqoopi' juppootaaysho' lele.

Xuuma Issayyaasi 61:1

Hapura a Waaqa Poqalla ana qara ca, maana malla akkiman teekolaya' otoota faya' torro, ka a nyarrahanaati' xasa oorsho'e, ka a poojameti' natan sooketa salisho'e, ka a hidame tika hida' kara furo'e, Waaqa ana reexadeey;

Xuuma Issayyaasi 61:2

ka akkan parase a diissata Waaqa, isho kuyyaatase a Waaqinno oppa haalota pooyyo salisho; ka a pooyna' piisa' xasa oorsho'e ana reexade.

Xuuma Ermiyaasi 1:18

Tin anti awwe akka piita piisa tura' qa'atta ettanisso'e ka, nuqusa Yihuta ka saarraadi ka qeesewwaadi isho samaytaadi piisa puta ettanisso'e ka katama kawwattan kapa qorrame ka tuudda sipla isho oxinta a sipla a poorati ke kode.

Xuuma Ermiyaasi 20:9

Ma xoori oton kiino, “Awwe desa maxxa Waaqa an xaasho, ka maxxaadinni an haasawadooyye” Qaaletaadi karittiyyo kara'e apitta koddite ka laftiyyo karopa tawte; tura qapeeta ka anan kamte; iskara qapatta'e, in malaale ikka ana qaropa kitta.

Xuuma Ermiyaasi 6:11

Semmalla anti miira Waaqatinnin immakaade; umma isikara qapatta an ettansho.” Waaqa i'ana kide, “Hellaa poroppa ca isho xayyoolayse a ollopa oore qara miiriyyo tuqe; umma diirta ka iskatteetaadi taaki a qime ka a kere kuli kelaayye in pahanin.”

Pooyta Ermiyaasi 2:14

Xuumampayaatti wa keleshaatoppan ke akkinaane, darta isho paata patta. Akka pateeta ishin qara in kaynin akka nakaytan kallaattane'e, ishootta juppootaayti laka' sookinni in caan ka ke lelli in caan. Xuuma a ke' haasawannaan kuli, darta isho a ke pashsho patta.

Xuuma Hisqeeli 16:2

“Atti to'ampayta namatiiyyi, Yursaalami'i kodaddoosen xaadi jippame upnayshe;

Xuuma Hisqeeli 20:4

Atti to'ampayta namatiiyyi, ishootta qara' dapa mure! Ata ishootta qara dapa murin! Ka nyaloosene a aappadaasso' kodene ishootta' upnayshin.

Xuuma Hisqeeli 22:2

“Atti to'ampayta namatiiyyi, ishootta xasase; hela katamoosen orra orra lennon immakaade a' xasasto? Ka nyalaasso a kodene ishootta' lele?

Xuuma Hisqeeli 23:36

Waaqa ka ana' kide, “Atti to'ampayta namatiiyyi, hela Ohoola isho Oholipa qara' dapa a' murto? Ata a' xasasto ka nyalaasso ishootta'e a' lelto?

Xuuma Hisqeeli 3:14

Hapura ka opeela ana qeede ka anan aane; anti ka iskaranxata miirode ka quumattaan aane; hupna Waaqa ka ana qara' ulsaade.

Xuuma Hisqeeli 43:10

Ka sekkamma ana' kide, “Atti to'ampayta namatiiyyi, qoota qupeeta tika qulqullootati desa, samayta Isira'eeliti torre ka akeekaadi kuli ishootta' la'ayshe; ikka juppootaayshotin jeeren.

Maatiyoosi 7:29

Maana malla isha akkima kollissampaya a seera mina kollinni in co ma, akka nama hupna ukkumeeta qapo mina'e ishootta kollinni.

Mariqoosi 3:17

ka hellaasene a Septiyoosi Yayqoopi isho Yohaannisi, isasene a Yesuusi Poonerkesi kide ka ishootta maxxa kode. Se kideese nefo, hellaa qaqawwa kideeta.

Qorontoosi a paayyota 2:4

Haasaayyo isho qaaleta Waaqa torreetiyyo, ookuma nama isho palpalumaannen koddine ma, hupna a hapura Waaqatinni kodden.