Xuuma Mikkiyaasi 3:5 - Mataafa Qulqulloota

⁵ Waaqa ikiini, “Xuumampaya darta, nama ishootta' damta daannoti'i kiini, ‘We' piisa nakayta.’ Ka torrini ka nama ishootta' daanni in kinnini' kiini, ‘Oranna ishin qara' de'a.’ Ka samaytiyyo sassapanni.

Xuuma Mikkiyaasi 3:5 ပူးပေါင်းရင်းမြစ်များ

Mataafa Pahana 28:21

Qatayma kodeeta in paxaaran; nama xoori moossota akkatta malla dapa kooni.

Xuuma Issayyaasi 3:12

Qoota samaytiyyooti desa hellaa ishootta miini, iskatta ka ishootta piddini; samaytiyyooyye saarraatti saanta kamman ke dape ka pora qara ke maqqishe.

Xuuma Ermiyaasi 23:27

xuumampayoosen a darta akkima xatta aappadaasso killoota pa'aali waaqaysattaan maxxiyyo teymen minaee, hela olsadasene xaaysho a darada a haasawannaaneetinni akka samaytiiyyo maxxiyyo teymo kodane ishootta pahata?

Xuuma Ermiyaasi 23:32

Waaqa ikiini, “an ishoottan erkinin mali taaki an ajajnin mali, xuumampayoosen olsaasso a darta xuumma ka haasawanna, ka daraadaasso isho sassapaassotin samaytiiyyo saanta qara maqqinna, tin anti, sene qaraen xa'a;” Waaqa ikiini, “pakkanna samaytiiyyo qara we'en nessishaney.”

Xuuma Ermiyaasi 6:14

Qarama samaytiyyo qara fayya'en hiddine, ka a nakayta in kinnin maliiyyi kiini, ‘Nakaytaaw! nakaytaaw!’”

Xuuma Ermiyaasi 6:4

Nyaapaaysho ka olli kida'e, “Xa'a ka ishootta qara oranna salisha! Ka olli' qootta kuyyaatati qara oranna qitinna; ata atta jaw kiinittan! Letta i'ollin tawte; kaatta kuli ka qepaanqepe.

Pooyta Ermiyaasi 2:14

Xuumampayaatti wa keleshaatoppan ke akkinaane, darta isho paata patta. Akka pateeta ishin qara in kaynin akka nakaytan kallaattane'e, ishootta juppootaayti laka' sookinni in caan ka ke lelli in caan. Xuuma a ke' haasawannaan kuli, darta isho a ke pashsho patta.

Xuuma Hisqeeli 13:9

Harkiyyon xuumampaya a keleshaata darta akkina ka suuma sassapa' soona qara' xaasha. Ishootta' xora samaytiyyo oppan caadan; umma maskapa samayta Isira'eeli oppa'en taafaman; umma piita Isira'eeli karopan kalan; akka sitiiyyi akkan anti Waaqase' piisa qara qapo kodde upnaadan.

Hoose'i 4:5

Ha ishina' kuyyaata quda pora tukulkullittan, xuumampaya kuli ka ishin olli halkeette asseew tukulkulli, semmallan piisse' xaayshin a' oppa' dalattenen alle' pashsha.

Xuuma Iyyu'eeli 3:9

Wossen tooy samayta piita piisa' salisha; ka oranna' harmisada; ka xormeeta oranna xaxxaasha; torpanpayaassin piisa a ollopa ooren ka takka oranna torpen.

Xuuma Mikkiyaasi 2:11

Kadi nama takka paata patta torrino qoota taadeta wayneeta ka ikkayta orra maashshannooti desa orra kollinna, isha orrooseti xuumampayta kodda' ettana.

Xuuma Mikkiyaasi 3:11

Qimoota paleetoseti nooddota mali deexa deexni in kitto, qeesewwaasso a we ishootta' daashan mali orra kollinni in caan, xuumampayaaw a kaaja ishootta' daashan mali xuuma haasawanni in caan ka a sede piisa koonaan qarandesa kiini, “Qoota Waaqa ino olli co malla, wa neeqa takkan' nefo ino qara in de'an.” Ka laadi Waaqan xelsanni.

Xuuma Milkiyaasi 2:8

Waaqase we piisa ettaninno ikiini, “Ma xoori ishina pora dukaata kamma' dapten ka kollissaayshinan orra lekayta kehaytissen ka kodayteeta an Lewi olli qapo nefo alle' pootten.

Maatiyoosi 15:14

Ishootta diisha, ishootta orra joole ka orra pila a joole pora akkinnooy; oton nama joole a joole a pila tura qanni ka ishi pora akkinniiyyi, piisani qaawa karopa sehni.”

Maatiyoosi 7:15

Kammadesaaw Yesuusi ikide, “Xuumampaya a darta kela isi tooyta. Ishootta oto ishin kapopa deenaaneeyye, qudandela kaharra pappahanaadan, ma karan xata qapampaya yoyta mina.

Roomi 16:18

Orra asse paho xajeeltaaysho kamma aananni diisheey, Poqallaanno Kiristoosi kela koda kooni in caan; ka afaa nukulla isho neyneyaanne tajjana sassapanni.