Xuuma Mikkiyaasi 3:4 - Mataafa Qulqulloota

⁴ Ishina' nefo kuyyaata oppa rakkattan ka Waaqopa ullupattane de'a, umma isha oppa ishina in oorsho. Qoota neequmta kooten malla, umma qinseetaayshina in dakayo.”

Xuuma Mikkiyaasi 3:4 ပူးပေါင်းရင်းမြစ်များ

Mataafa Iyyoopi 27:9

Oto rakkoota isha qara' kaynittooyye, hela Waaqa i'ullupittaadi dakaya?

Mataafa Iyyoopi 35:13

Dukaatan Waaqa, ullupitta a okoto' dakayni in co. Waaqase we' piisa ettaninno umma sede weti' dikni in co.

Mataafa Masmuureta 18:41

Ikka qaarqaarsa pora ullupanni; umma nama ishootta'en awline; ikka Waaqopa ullupniiw, umma oppa ishootta in oorinne.

Mataafa Pahana 1:28

Sitiiyyi i'ana halan umma ishootta kela an ehado ka a kuttati ana fadan umma anan teyan.

Mataafa Pahana 28:9

Nama seera dakaya kapaayye napahataadi dakkanno, qinseetaadi kuli ixaccanni.

Xuuma Issayyaasi 1:15

Oton qinseeta'e harkaayshin anopa xa'innittaneeyye, ildaayyon alle ishin qara tiitaysha; kadi' punu qinseeta koopinnittaneeyye, ishin opa an dakkaysado. Harkaayshin diikanne immakaadeneey.

Xuuma Issayyaasi 3:11

Ukkuttoota nama' qoota wa harkaadin kodade kamma rakkoota isha qara kayto malla, oo isha kido.

Xuuma Ermiyaasi 11:11

Semmalla anti Waaqa assen kiini, “Tin pateeta a kela paha in ettaninninin ishootta qara' qeeda; umma kadi punu anopa ullupannaaneeyye, an ishootta'en dakayo.

Xuuma Ermiyaasi 14:12

kadi punu damta musannaan, ullupittaaysho an dakayo; kadi punu kalisoota a kupannitto isho a unta ana dehannaaneeyye, an teyyado; ma xoori, oranna ka doxa isho paaqa orra pirronnen ishootta luuqqisha.”

Xuuma Ermiyaasi 33:5

Paapilooneeta ishootta torpa'e deeta; neequmtaaysho a koden minanne qootan anti ishootta qara ildaayyo tiitayshe malla, Paapilooneta ka miiriyyo ka aariyyo minanne, ishoottoppa lekaya lessa ka katamoosen pukkadaan immakta.

Xuuma Ermiyaasi 5:31

Xuumampaya xuuma darta'ew haasawanni; qeesewwa ka dehaama a xuumampayaatin orra mukinni; samaytiyyo ka wa asse paha jaalanni; oto dikkattaadi kayto xoori, atta kodditan?”

Xuuma Hisqeeli 8:18

Semmalla miiriyyonnen ishootta qara' de'a; umma karittiyyo ishoottan suraysado; umma diissata an ishootta an kodo. Kadi punu nessa kuttan anopa ullupannaaneeyye, ishootta an dakayo.”

Xuuma Mikkiyaasi 3:7

A kiina'e, “Keleshaatan akkininna ka xuuma haasawanninna.” Piisa qoota ishootta in ettannin malla ijeeran; qoota Waaqa oppa ishootta in oorinnin malla, jeeraysho qaran xaate'e matta piitan xata raa'ishan ka aanan.

Xuuma Mikkiyaasi 7:13

Piitose' xoori, neequmta orra oppa kalo koono minan xaate i'onta.

Xuuma Sakkaariyaasi 7:13

Waaqase we piisa ettaninno ikiini, ‘An anti ishootta haleenooyye, qoota ana dakkaysannaan malla, oto ishootta ana halanaaneeyye, anti oppa ishootta an oorsho.

Maatiyoosi 7:22

Kuyyaata firteetatiiyyi orra lekayta ana kida, ‘Poqallaay, Poqallaay, ino maxxaaytin xuuma an haasawanne? Ka maxxaaytin orriyya an sookinne? Ka maxxaaytin kodadda orra qawwanna lekaya an koone?’

Luqaasi 13:25

Aappa tika ixa, ka xarra dufada; ishina ka lakoppa qa'attan ka xaroppa kokkoissan, ka ‘Poqallaay! atara ino tura pane!’ kida paayyitan. Isha ka ishina oorsha ka kida, ‘Ayshaayye akka deeten, anti an ishina an upo.’

Yohaannisi 9:31

Waaqa akkima juppoolaya dakayni in kinnin a upnaysamte. Ma xoori nama Waaqa waaqaysanno ka heennaadi koono oton icaayye, Waaqa i'isha dakayni.

Yayqoopi 2:13

Firteeta Waaqa nama nama diissata kooni in kinnini, diissata kooni in kitto. a kodditoma diissata firteeta punni.

Mataafa Saamu'eeli a paayyota 8:18

Oto kiseese kaytooyye, akka nuqusase xaayshin a reexattan kela ulluptan umma Waaqa ishina in dakayo.