Xuuma Mikkiyaasi 3:3 - Mataafa Qulqulloota

³ Ka akka so'a oktaappa' xarissa' quurraan mina'e, so'asso oppa quurten ka lafaasso oppa faatten ka so'asso ollin damten.

Xuuma Mikkiyaasi 3:3 ပူးပေါင်းရင်းမြစ်များ

Mataafa Masmuureta 14:4

Neequmta kodampayasene, isasene akkima dama dammaan mina orriyyo damma, ka Waaqa haleeni in kinnini, hela upna in qapane?

Mataafa Masmuureta 27:2

Ukkuttowwa ka nyaapiyyo ete ana damta' deenaaneeyye, mattaayshoti'i kekkehadan ka seehan.

Mataafa Pahana 30:14

Orra teekolaya piita qara alle' pira'e ka rakkatampaya orroppa patissa'e, ilkaasso koraatewwa kodden, xawlowwaasso ka pillawwa koddene'e ca.

Xuuma Issayyaasi 3:14

Waaqa saarra isho qimaya a samaytaadi' mina'e tamaakkada ka kida, “A porase' xayyo a dishma wayneeta nyapalshe ishina; wa teekolaya qara sartene ka tikkaassin kara caan.”

Xuuma Issayyaasi 3:15

Waaqa Poqalla a we piisa ettaninno ikiini, “Oto samaytiyyo miinittan ka akka teekolaya fuula poornayshane' koonittaneeyye, atta ishina' pahata?”

Xuuma Hisqeeli 11:3

Ka kiini, ‘Ini eta oppa tikka qupnaane'enne? Katamoosen okta mina, ino ka akka so'a okta kara' juutame' mina' kara' pahanne.’

Xuuma Hisqeeli 24:4

Ka xelloota tela oppa tumalleessa qeede ka qale; ka tisteeta kara' so'a xarshe ka himina kuli karopa dakke; ka so'a a kupeeyya isho a harka karopa xarshe; ka lafa papaxxaara karopa immake; ka kamma' kurpanna tole; ka fayya' palayshe ka lafaadi kuli kara' palayshe.”

Xuuma Amoosi 8:4

Ishina a rakkatampaya iskelopa diinna ka teekolaya piita qara alle' pira faana' piisantiiyyi, dakkaysada!

Xuuma Mikkiyaasi 2:8

Waaqa ka ishootta' oorshe ka kide, “Samaytiyyo qara'e paarkaaluman xaaten ka orra' kide, ‘Piita nakayta.’ Ka a xaayshoti ishin oppan tarpino quda mehadda saratten.

Xuuma Sofooniyaasi 3:3

Mukissampayaadi, samayta miida'e akka karma daattino mina. Taanynyadaasso hombaaliyya ka akka yooyta a doxe ka kalaakala kela pinanta qapanno ka wa a qape' kela hattinni in kinnin mina.