Xuuma Mikkiyaasi 3:2 - Mataafa Qulqulloota

² Ishina' xoori' koda fayya' koda' tiitten ka neequmta kamma anten ka samaytiyyo a co quda koka qalten ka lafaasso' quda so'a qo'issen ka pirten.

Xuuma Mikkiyaasi 3:2 ပူးပေါင်းရင်းမြစ်များ

Mataafa a Nuqussa a paayyota 21:20

Ete Eeliyaasi Aki'api kapopa aaneeyye, Aki'api ka ishi kide, “Oo nyaapiyyo i'ana akkattewwe?” Eeliyaasi ka ishi kide, “Qoota fuula Waaqa tura neequmta kodeeta issi katte malla in ke akkadeew.

Mataafa Otoowwa a lammatta 19:2

akkampaytase Iyyu inna Hanaani isha turopa aane ka ishi kide, “Hela atti ukkuttowwa qaarqaarayti ka isasene Waaqa needdanna jaalattaayti ipaxaari? Semmalla miira Waaqa'e ke qara de'a.

Mataafa Masmuureta 15:4

a nyalampayta tuffanno, ka a Waaqa fuurra ulfeessino, kadi punu rakkoota isha qara' kaynittaayye, a wa xaxade marmanni in kinnin,

Mataafa Masmuureta 53:4

Waaqa ikiini, “Neequmta kodampayasene, a akkima dama dammaan mina orriyyo damma, ka Waaqa haleeni in kinnin, hela matte in oorsadane?”

Mataafa Pahana 28:4

Orra seera alle' diinno, ukkuttowwa peepni; a seera tooytanna' xoori ishootta ikkisanni.

Xuuma Issayyaasi 3:15

Waaqa Poqalla a we piisa ettaninno ikiini, “Oto samaytiyyo miinittan ka akka teekolaya fuula poornayshane' koonittaneeyye, atta ishina' pahata?”

Xuuma Issayyaasi 5:20

Orra wa neeqaati ipaxaari kiino ka a paxaaraati ineeqi kiino ka la'ayta' tukkanta' oorinno ka tukkanta la'ayta' oorinno ka wa marmaddaawnaati ihaddaawni kiino ka a haddaawnaati imarmaddaawni kiino, oo ishootta kidoo!

Xuuma Issayyaasi 57:12

Anti hanqeellumasene isho kodase' xaayti a darada'en laka' sooksha, umma sede we ke qara in patasso.

Xuuma Hisqeeli 11:7

Semmalla anti Waaqase piisa qara qapo in kiini, ‘Ha katamoosen oktase kara paata juunnaan mina; ma xoori, a oktase kara' pahe sene allessene ka katamoosen kara dakkitene; semmalla ishinan katamoosen kara alle' tawsha.

Xuuma Hisqeeli 22:27

Kutkuttowwaadi a isheetta karaayye ca, yoyta a pinanta qape ka tuuqanno mina ka tabaan kaaja akkatta'e orra lenni.

Xuuma Hisqeeli 24:4

Ka xelloota tela oppa tumalleessa qeede ka qale; ka tisteeta kara' so'a xarshe ka himina kuli karopa dakke; ka so'a a kupeeyya isho a harka karopa xarshe; ka lafa papaxxaara karopa immake; ka kamma' kurpanna tole; ka fayya' palayshe ka lafaadi kuli kara' palayshe.”

Xuuma Hisqeeli 34:3

Hallakaaysho iddammittan ka ohaata a nyirfaasso oppa dawamte uwwisannittan ka a kakappade qalannttan; ma xoori kaharra a' sikinni a' kittan.

Xuuma Amoosi 4:1

Ishina iskatta Samarya' kodde ka okkaya a meere a piita Paasaani' mina kakappadeetiiyyi! Ha rakkatampaya' miiddinittan ka teekolaya juurtinittan ka diirraassin akka kuyyaata piisa ikkayta orra maashshanno ishina' daashane ishootta payyahinnittan.

Xuuma Amoosi 5:15

Takka punu Waaqa Poqalla a we piisa ettaninno hellaa a Isira'eeli'i suraysada kodditaay, ishina wa neeqa needdada ka wa paxaara' jaalada ka porra a firteeta farannaan oppaayye, dukaata haasawada.

Xuuma Mikkiyaasi 2:8

Waaqa ka ishootta' oorshe ka kide, “Samaytiyyo qara'e paarkaaluman xaaten ka orra' kide, ‘Piita nakayta.’ Ka a xaayshoti ishin oppan tarpino quda mehadda saratten.

Xuuma Mikkiyaasi 7:2

Ha nama Waaqa isi daashe piita qara idapade umma nama dukaata koono in co; orra piisa oli kaatini ka oli lessaata kammaaw anni.

Xuuma Mikkiyaasi 7:3

Harkaasso wa neeqa' koda ikolladen, mukissampaya isho taanynyadaasso kuli nooddotaaw faani, a hupna ukkumeeta' qapo wa heena'e irreetan orra qara' kooni ka sullaata kammaaw anni.

Xuuma Sofooniyaasi 3:3

Mukissampayaadi, samayta miida'e akka karma daattino mina. Taanynyadaasso hombaaliyya ka akka yooyta a doxe ka kalaakala kela pinanta qapanno ka wa a qape' kela hattinni in kinnin mina.

Luqaasi 19:14

Orra piitaayshoti xoori qoota isha needdan malla, a isha' tawe kammaayye nama isha kamma erken ka kidene, “namoose akka ino qara nuqusa koddo, ino an henno!”

Yohaannisi 18:40

Ishootta' xoori ihoren ka kidene, “Parpaani ino' fure diisheey, sede ino'en furan!” Parpaani' xoori xolma tooma.

Yohaannisi 7:7

Orra piita ishin needdatta in ettansho, ma anti qootan akka kodaaysho neeqi ishootta qara maakkummo malla, xayyo i'ana needdan.

Roomi 1:32

A seerase a Waaqa' kiino, “Orra a wossen koono, toota ishootta parpaaccisni.” Upan kapaayye sene kodeeta pattannema, orra asse koono kuli nyarinni.

Roomi 12:9

Jaalala a dukaata a oppa pappahanassa in kinnini qapnaada ka wa neeqa' needdada ka wa paxaara' koda' japaada.

Timotoosi a lammatta 3:3

ka a jaalala in qapnini ka a nama' juppoota diinni in kinnini ka a maxxa nama' patinna ka a issi tooytaanni in kinnini ka karpampaya ka a wa paxaara' needdanna