Xuuma Mikkiyaasi 3:11 - Mataafa Qulqulloota

¹¹ Qimoota paleetoseti nooddota mali deexa deexni in kitto, qeesewwaasso a we ishootta' daashan mali orra kollinni in caan, xuumampayaaw a kaaja ishootta' daashan mali xuuma haasawanni in caan ka a sede piisa koonaan qarandesa kiini, “Qoota Waaqa ino olli co malla, wa neeqa takkan' nefo ino qara in de'an.” Ka laadi Waaqan xelsanni.

Xuuma Mikkiyaasi 3:11 ပူးပေါင်းရင်းမြစ်များ

Mataafa Pahana 17:23

Ukkuttoota nama mura dukaata quu'a'e dekandekatti nooddota teyyanni.

Xuuma Issayyaasi 1:23

Mukissampayaatti falqoolaya ka parka kereeta'e kodden. Ka pisani nooddota jaalanni ka harka poornaysha kammaaw hirri; umma he'aya' dukaata murri in caan; umma hiyyettewwa a ishoottopa rakkootan deena' qara rakkoota dakayni in caan.

Xuuma Issayyaasi 48:2

Ishina issi' kiina'e, “Maxxa katamoosen qulqullaawetin halaamminna, ka Waaqa Isira'eeli isase a maxxaadi Waaqa a we piisa ettaninno kidame kippanninna.” Sede dakaya.

Xuuma Issayyaasi 5:23

A nooddota teyyanna ka a dapa qapo' dukaata murra ka a dapa in qapnini' dukaata murri in kinnini, oo ishootta kido!

Xuuma Issayyaasi 56:11

Kuttosen damta xo'an umma duttanni in caan; ishootta sikmaya qalpeeta in qapnini ka saantaayshotin desa pasen ka piisaniiyyi tooktaaysho kammaaw anni.

Xuuma Ermiyaasi 23:17

ka a qaaletiyyo needdannaati' kiini, ‘Yaahiwwe ikiini nakayta' qapnaattan!’ ka a kamta karittaayshoti kamma annaati kiini, ‘wa neeqa ishin qaren kayan.’”

Xuuma Ermiyaasi 26:7

A Ermiyaasi tika Waaqa kara a qaalese haasawannooyye, qeesewwa ka xuumampaya isho samayta piisa ka dakaye.

Xuuma Ermiyaasi 5:12

Ha Waaqa qara'e darta haasawaden ka kidene, “Isha we takkan nefo inon kodo! Umma wa neeqa ino qara'en kayan. umma oranna isho loota, an oli an akkino.”

Xuuma Ermiyaasi 6:13

A shakka ka a kutta piisa tookta juppoota kammaaw pora keeri; qeesewwa isho xuumampaya kuli ka daradaaw kooni.

Xuuma Ermiyaasi 7:4

Haasa, ‘Ini tika Waaqa; ini tika Waaqa; ini tika Waaqa;’ kiina'en kippadan.

Xuuma Ermiyaasi 8:10

Semmalla iskattaaysho diirra pilaatin daasha ka dullaasso orra pilaati' daasha; a shakka ka a kutta piisa tookta juppoota kammaaw pora keerri; qeesewwa isho xuumampaya kuli ka daradaaw kooni.

Xuuma Hisqeeli 22:12

Ke karaayye orra deemo nama ikassa'e nooddota teyyanni; atti ka daltan kaajaatti leqeessini ka kantittaayti kela tookta dammi. Ana Waaqase' piisa qara qapo asse kiini.

Xuuma Hisqeeli 22:27

Kutkuttowwaadi a isheetta karaayye ca, yoyta a pinanta qape ka tuuqanno mina ka tabaan kaaja akkatta'e orra lenni.

Xuuma Hisqeeli 34:2

“Atti to'ampayta namatiiyyi, sikmaya Isira'eeli qara' xuuma haasawado ka sikmayoseneti' kide, Waaqase' piisa qara qapo ikiini, ‘Sikmaya Isira'eelitiiyyi, ishina isi pattaaw' sikinna, oo ishin kido! Hela sikmaya kaharra sikissa ishootta parpaaccisni in kitto?

Hoose'i 4:18

Kadi punu ikkayta tura piramaayye, almalumaadi diinni in kitto. Saarraasso' nefo wa jeere kodaaw xoosanni.

Hoose'i 4:8

Qoota' daassata a samaytiyyo juppootan dehanno dammittan malla, akka' fayya juppootaaw kodane' heentan.

Xuuma Amoosi 5:14

Akka' caattane'e, wa paxaara' koda diisheey, wa neeqa'en kodan; oton asse' kootaneeyye, akkimose a' kiinittane, “Waaqase we piisa ettaninno ino olli ca” Mina'e, isha ishin olli caada.

Xuuma Amoosi 9:10

Juppoolaya a samaytiyyo kara ca ka kiina'e, ‘Wa neeqa ino qara in' de'an taakki ino quda in kayan’ Piisa, orannaanne le'an.”

Xuuma Mikkiyaasi 3:5

Waaqa ikiini, “Xuumampaya darta, nama ishootta' damta daannoti'i kiini, ‘We' piisa nakayta.’ Ka torrini ka nama ishootta' daanni in kinnini' kiini, ‘Oranna ishin qara' de'a.’ Ka samaytiyyo sassapanni.

Xuuma Mikkiyaasi 7:3

Harkaasso wa neeqa' koda ikolladen, mukissampaya isho taanynyadaasso kuli nooddotaaw faani, a hupna ukkumeeta' qapo wa heena'e irreetan orra qara' kooni ka sullaata kammaaw anni.

Xuuma Sofooniyaasi 3:3

Mukissampayaadi, samayta miida'e akka karma daattino mina. Taanynyadaasso hombaaliyya ka akka yooyta a doxe ka kalaakala kela pinanta qapanno ka wa a qape' kela hattinni in kinnin mina.

Xuuma Sofooniyaasi 3:4

Xuumampayaadi isi peepa isho sassapaanne immakaaden, qeesewwaadi tikka qulqqulloota'e nyalinni ka seera Waaqa akka ishootta aakto qaropa oorsanni.

Xuuma Milkiyaasi 1:10

A pora kalisootiyyo qara ipsa patta la'assan kapaayye, kadi ishin oppaayye nama takka a xarra tika qulqulloota dufo teyanni kiiteeyye ipaxaari. Waaqase we piisa ettaninno ikiini “Ma daassata ana dehannittan qootan ishin an xasoonni an kinnin malla, daassata ana daannittan ishin qaraayye an teyyado.

Xuuma Milkiyaasi 2:9

Semmalla, akkima saantiyyo kamma dapten ka oto seeriyyo kollinnittaneeyye qatayma kooten mina'e, anti nefo akka ishina samayta piisa tura puyatamtan ka jeertanen koda.”

Mataafa Dikoota 16:15

Muuse ka a kuttaati miirode ka Yaahiwwe kide, “Anti ishootta qara harreeta takka nefo an teyyanne, umma ishoottoppa nama takka nefo ishin an dapneey, kalisootaaysho ishootta qara in teyyadan.”

Mataafa Dikoota 22:7

Qimoota Mo'api isho a Midiyaami ka kaajasene ipa kamma daannaane qapatte ka ishin ante; ka Pala'ami kapopa deete ka erkanasene a Palaaqi ishi lelte.

Maatiyoosi 3:9

‘Ino an hella Aprihaami’ kideetanne a kela pahatan ishina'en pahanaannin in ishina kiinii Waaqa dakaddosen oppaayye, Aprihaami'i, hella xa'issa iettanshaay

Timotoosi a paayyota 3:3

a maashshoonni in kinnin, a paata shiishni in kinnin ka tajjanta kodde, a peeqqa jaalanni in kinnin ka kaaja jaalanni in kinnin;

Tiito 1:11

Sene jaw ki'issa parpaaccisni; ishootta' tookta jeera akkatta malla wa kollissa ishootta parpaaccisni in kinnini kollinni ka toolla piisa pulliiyi.

Petroosi a paayyota 5:2

Xellootase a Waaqa, atara ishina' daasamte siksha. Oto xelloose sikinnittaneeyyeew, irreetan in koddinin ma, akka Waaqa faano qara'e a heennan koddito. Umma yoota kaajatinnin ma, heenna a koda koda' qaptaneetin koddito.

Yihuta 1:11

Qoota saanta Qaa'eli oppan aanen malla ka kaaja malla kiden ka kammadapayta Pele'aamippa' pi'en malla ka akka Qore tiyya' xa'e mina tiyya' xa'en ka piramen malla, oo ishootta kido!

Mataafa Saamu'eeli a paayyota 8:3

Hellaadi xoori saantaadippanne in anne tookta ishootta in parpaaccisnin akkatta'e saanta qara maqqen. Ka nooddota teyyanni ka dukaata qindandesa quu'ini.