Xuuma Mikkiyaasi 2:9 - Mataafa Qulqulloota

⁹ Ka samaytiyyo kelaayye tikkaasso a fayya oppa iskatta alle' daanten ka hellaasso haka paraparati' sakiyyo kapa sekassen.

Xuuma Mikkiyaasi 2:9 ပူးပေါင်းရင်းမြစ်များ

Mataafa Masmuureta 72:19

Maxxase' xaadi ulfeessame a haka paraparati' kalataysamo! Ulfeenaadi ka piita piisa qara immako! Ameen! Ameen!

Xuuma Ermiyaasi 10:20

Tukkaninno ipootame; teeppaadi nefo ime'amen; hellaanno i'alle tawen, umma ino kapa in caan; a amma tukkaninno ino' daapo, ka kaarrantaayno ino' hiddo; takka nefo ino kapa in co.”

Xuuma Hisqeeli 39:21

Anti ulfeeniyyon mankistewwa qara akkisha; mankistewwa piisa ka firteetiyyo an qeede ka an hupniyyon ishootta qatta'e akkan.

Xuuma Iyyu'eeli 3:6

Ka akkima hella Yihuta isho a Yursaalami alle piitoppa tawissane'e, qeeten ka orra Kirikkiti ishootta katatten.

Xuuma Amoosi 2:7

Ka nukkulaya isho orra nama ishootta qara sapay kido in qapnini piita' kanni ka xolmaappa diddiinni; umma naalaya dukaata murri in caan. Qoota aappa ka innaanne iskatteeta takka olli almalummaan malla, kodoose' xaayshotin maxxase' xayyo qulqullaawe ka jeerri.

Xuuma Mikkiyaasi 2:2

Dula a faanan nama qara iteyyanni, tika a xajeelen kuli asseew nama qara irreetan quu'anni, umma namumayteeta nama' tooytaanni in caan ka wa qapa' piisa tura saranni.

Xuuma Inpaqoomi 2:14

Akka pakateeta pishaan immakaatte mina'e, piita nefo asseew Waaqa upnaatta ka ulfeena ishi daassatan immakaatta.”

Xuuma Sakkaariyaasi 2:5

Ma Waaqa ikiini, ana kapa oxinta kawwatta a apitta ishi' kodda ka kara'e ulfeenaadi kodda.’”

Maatiyoosi 23:13

Pappahanassampayaay, Feresaateeyye isho kollissampaya a seeratiiyyi, oo ishin kido! Ishina akkima nama mankisteeta moonta oppopa in kallini'i, orra tura xarra dufnittan, umma ishina mattaayshina mankisteetase a moonta oppopa a kalli a kittan ka orra kulla heeno nefo dawrinittan.

Mariqoosi 12:40

Ka akka nama ishootta akko'e, qinseeta a derannaan minan tikka hiyyeettewwa a diiraasso qara le'eneeti dammi; Se malla firteeta a kutta'e ishootta qara faratama.”

Luqaasi 20:47

Ka isi akkissa malla qinseetaaysho deranni, ishootta tikka a hiyyettewwa a diirraasso qara le'eneti saranni. Ka isi akkissa malla qinseetaaysho deranni. Semmalla ishootta firteeta a kutta'e ishootta qara kaya.”

Qorontoosi a lammatta 3:18

Semmalla oori ino, piisantiiyyin fuulinno a qara in dekamminin akka kaawwatoppa tooynaan mina'e, ulfeena Poqallaatin oyna. Ka pahanasene a Poqalla hapura kodde pahanaatta'e ulfeene desa ulfeenopa pursamma.

Qorontoosi a lammatta 4:6

Waaqase haasawade ka kide, “La'ayta a tukkantoppa' la'ayo,” La'aytase a ulfeena Waaqa upnaatta'e, isase pahana Kiristoosin la'ayno, akka ino' daasamo'e isha akka la'aytaadi karittinno kara' la'ayo kode.

Mataafa Saamu'eeli a paayyota 26:19

Poqallaayyo nuquso amma nefo akka ana orxaytaayti dakayto'en ke naappanni; oton Waaqa ana qaropa ke xaasheeyye, a kalisoota unta teyyado; ma xoori oton orra ana qaropa ke nyarsheeyye, i'ana kidene aane killowwa sakatado ka qoottota Waaqa oppa ana daaneneey, fuula Waaqa tura a jiijamen.